Lehendakaritzaren barruan dagoen Kanpo Harremanetarako Idazkaritza Nagusiak dituen egitekoen artean (1/2010 Dekretuaren 15-20. artikuluak), eginkizun hau dugu:  Europar Batasunari (EB) buruzko jardueraren politikaz arduratzea. Hori dela eta, EBri dagokionez, Eusko Jaurlaritzak duen antolakuntza-egituraren ardatz nagusia da organo hori.

Euskadiren Europar Batasuneko Ordezkaritza Kanpo Harremanetarako Idazkaritza Nagusiaren menpe egongo da zuzen-zuzenean,
Euskadi Europar Batasuneko erakundeetan ordezkatuko du eta EAEk hainbat alorretan dituen interesak defendatu eta bultzatuko ditu erakunde horietan.

Azkenik, adierazi behar dugu Eusko Jaurlaritza, Kanpo Harremanetarako Idazkaritza Nagusiaren bidez, Europari buruzko Informaziorako Euskal Sareko (EBIES/REVIE) kidea dela.