Beka eskatzeko, eskabidea aurkeztu beharko da, behar bezala beteta. Eredu normalizatua erabiliko da horretarako, eta ondorengo agiri hauek gehituko zaizkio:

a) NANaren fotokopia. Euskal etxeetako kideek pasaportea aurkeztu beharko dute.

b) Karnet-tamainako argazki bat.

c) Erroldatze ziurtagiria, eskatzaileak administrazio egoitza Euskal Autonomia Erkidegoan bekak deitzen diren eguna baino lehen duela egiaztatzeko edo, hala badagokio, euskal etxeak egindako ziurtagiria, bertako kide dela egiaztatzeko.

d) Goi-mailako unibertsitate egoera edo gradua egiaztatzeko titulua (jatorrizkoa edota fotokopia konpultsatua). Titulua Europar Batasunekoak ez diren herrialdeetan emandakoa bada, Hezkuntza eta Zientzia Ministerioak homologatutako titulua aurkeztu beharko da. Europako unibertsitate-eremuko estatu bateko unibertsitate baten gradu-ondoko titulua izanez gero, ez da horrelakorik aurkeztu beharko.

e) Euskal Autonomia Erkidegoko Aurrekontu Orokorren kontura horrelako bekarik ez antzekorik aurretik ez duela eskuratu adierazten duen erantzukizunpeko aitorpena.

f) Diru-laguntzak edo laguntza publikoak eskuratzea eragozten duen zehapen administratiborik ez duela eta horretarako gaitasuna kentzen dion legezko debekurik ere ez duela jasotzen duen erantzukizunpeko adierazpena.

g) Curriculum vitae-a, ikasketa-espedientea barne hartuaz.

h) Lortu nahi den bekarako garrantzi berezia duten ikasketen eta esperientzia praktikoaren agiriak. Meritutzat hartzeko egiaztatzen diren ikasketek ofizialtasuna eta balio akademikoa izan beharko dituzte.

i) Eskatzaileak egindako lanen eta argitalpenen kopia.