2011/11/29 (e)ko  saioa 
Aurkibidea

HEZKUNTZA, UNIBERTSITATE ETA IKERKETA SAILA

SUKALDE ZUZENDARITZAKO GOI TEKNIKARIA

Dekretua, Sukaldaritza-zuzendaritzako Goi Teknikariaren tituluaren curriculuma ezartzen duena

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du Sukalde Zuzendaritzako goi teknikariaren tituluaren curriculuma zehazten duen dekretua.

Dekretu horren bidez Sukalde Zuzendaritzako goi teknikariaren tituluari, Ostalaritza eta Turismo lanbide-arloan, dagozkion goi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.
 

 

WEB APLIKAZIOEN GARAPENEKO GOI TEKNIKARIA

Dekretua, Web Aplikazioak Garatzeko Goi Teknikariaren tituluaren curriculuma ezartzen duena

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du Web Aplikazioen Garapeneko goi teknikariaren tituluaren curriculuma zehazten duen dekretua.

Dekretu horren bidez Web Aplikazioen Garapeneko goi teknikariaren tituluari, Informatika eta komunikazioak lanbide-arloan, dagozkion goi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.
 

 

3 BEKA IKASLE SAHARAUIEN PRESTAKUNTZARAKO

Erabakia, Euskal Herriko Unibertsitatearen eta Errepublika Arabiar Saharar Demokratikoko Lankidetza Ministerioaren arteko hitzarmen bat izenpetzen duena, nazioarteko lankidetza deszentralizatuari buruzko master horretan: Bakea eta Garapena. Agenda Globalaren Analisia eta Kudeaketa Nazio Batuen Erakundeko Sistemaren barruan, bekak eta ikasketa-laguntzak emateko

Gobernu Kontseiluak gaurko bileran eman dio Hezkuntza, Unibertsitate eta Ikerketa sailburuari Euskal Autonomia Erkidegoko Administrazioaren, Euskal Herriko Unibertsitatearen eta Errepublika Arabiar Saharaui Demokratikoko Lankidetza Ministerioaren artean hitzarmen bat izenpetzeko baimena, “Nazioarteko Lankidetza Deszentralizatua: Bakea eta Garapena. Agenda Globalaren Azterketa eta Kudeaketa Nazio Batuen sistemaren barruan “ masterrean bekak eta ikasketa-laguntzak emateko.

2010-2011 ikasturtean 3 beka, ikasle saharauiak hirugarren zikloko unibertsitate-programan prestatzeko, finantzatzea du hitzarmen horrek helburu, lankidetza humanitarioa eta herri saharauia hezkuntzaren esparruan garatzea sustatzeko.
 

 

CAMBRIDGEKO UNIBERTSITATEKO CLARE HALL

Agindua, Unibertsitate eta Ikerketako sailburuarena, zeinen bidez deialdia egiten baita Cambridge-ko Unibertsitateko Clare Hall-en ikertzaile bisitarientzat diru-laguntza bat emateko

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaur onartu du 2012/2013 ikasturtean Cambrige-ko Unibertsitateko Clare Hall bisitatuko duten ikertzaileentzat dirulaguntza bat deitzen duen agindua.

50.248 libera esterlinako dirulaguntza hori hamabi hilabeterako izango da, izangaiek sei hilabeteko egonaldi partzialak aukeratu ahal izango dituzten arren.

Ikertzaile bisitariak ondorengo diziplinetan egin ahal izango du ikerketa-lana: Fisika, Biología Zelular eta Molekular eta Arteak (Humanitateak, Gizarte eta Juridiko Zientziak).
 

 

ERAIKUNTZA PROIEKTUETAKO GOI TEKNIKARIA

Dekretua, Eraikuntza-proiektuetako Goi Teknikariaren tituluaren curriculuma ezartzen duena

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du Eraikuntza Proiektuetako goi teknikariaren tituluaren curriculuma zehazten duen dekretua.

Dekretu horren bidez Eraikuntza Proiektuetako goi teknikariaren tituluari, Eraikuntza eta Obra Zibilak lanbide-arloan, dagozkion goi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.
 

 

JUSTIZIA ETA HERRI ADMINISTRAZIO SAILA

985.000 EUROKO DIRU-LAGUNTZA PRESOAK ETA ZIGORTUAK GIZARTERATZEKO ETA LAN-MUNDUAN TXERTATZEKO PROGRAMENTZAT

Erabakia, Euskal Autonomia Erkidegoko presoak gizarteratzeko eta laneratzeko bideak ezartzeko xedez, zenbait entitateri zuzeneko diru-laguntza emateko dena

Euskal Autonomia Erkidegoan preso dauden pertsonak gizarteratzeko eta lan-munduan txertatzeko programetan lan egiten duten hainbat erakunderi zuzeneko diru-laguntzetan guztira 985.000 euro emateko akordio-proposamena onartu du Jaurlaritzaren Kontseiluak.

Diru-laguntza jasoko duten erakundeak 32 dira, 2011. urte honetan denek dauzkate proiektuak martxan, eta guztien artean 1.313 preso edo zigortu hartzen dituzte prestakuntza-tailerretan, auzolandegietan, irtenaldi programatuetan, emakumeentzako pisuetan eta droga-mendekotasuna gainditzeko tratamenduetan. Lurraldeka, 19 erakundek Bizkaian egiten dute lan, 8k Araban eta 5ek Gipuzkoan. Eusko Jaurlaritzako Justizia Zuzendaritza arduratu da diruak aurkeztutako proiektuen artean banatzeaz, EAEko espetxeetako zuzendaritzekin ados jarri ondoren.

Jaurlaritzaren Kontseiluaren aurtengo maiatzaren 24ko erabakiaren bidez, Barne Ministerioaren eta Euskal Autonomia Erkidegoko Administrazioa Orokorraren arteko lankidetza-hitzarmen bat egiteko baimena eman zen, Euskal Autonomia Erkidegoan preso dauden pertsonak gizarteratzeko eta lan-munduan txertatzeko prozesu integralak ezar daitezen. Hitzarmen hori Espetxe Erakundeetako Idazkaritza Nagusiak eta Justizia eta Herri Administrazio Sailak sinatu zuten.

Zigor askatasun-gabetzaileekin zigortutako pertsonak gizartetik guztiz ez isolatzea exijitzen du konstituzio- eta lege-aginduak, eta herritarren berezko eskubideak (epaiak mugatutakoak izan ezik) aitortzea eta gizarte-komunitateko parte aktibo izaten jarraitzea.

Hori da, hain zuzen ere, preso dauden pertsonak beren ingurunean gizarteratzeko eta laneratzeko prozesu integralak ezartzearen funtsezko oinarria.
 

 

ETXEBIZITZA, HERRI LAN ETA GARRAIO SAILA

JAURLARITZAK BABESPEKO 405 ETXEBIZITZA ERAIKIKO DITU LEIOAN

Erabakia, Leioako Udalaren alde doako lagapena baimentzeko dena. Horren bidez, Leioandiko HAPOren 38. sektoreko Birpartzelatze Proiektuak barne hartutako lurzoruak lagako ditu Leioa Udalak Leioako 38. sektorean babes ofizialeko 405 etxebizitza eraikitzeko

Jaurlaritzaren Kontseiluak baimendu egin du Leioako Udalak Eusko Jaurlaritzari zenbait lur-zati dohainik lagatzeko eragiketa. Lau lur-zati dira, Leioako Leioandi Birpartzelatzeko Proiektuan sartuta daudenak, hain zuzen, eta babes ofizialeko 405 etxebizitza eraikiko dira bertan. Horietatik, 101 alokairurako etxebizitza sozialak izango dira.

 

INGURUMEN, LURRALDE PLANGINTZA, NEKAZARITZA ETA ARRANTZA SAILA

HAZIN SARTU AHAL IZATEKO ITSASMENDIKOI ETA KALITATEA ERAKUDEEN ESTATUTU ALDAKETAREN ONARTZEA

Erabakia, Itsasmendikoi, SA sozietate publikoaren estatutu sozialak aldatu eta HAZI Korporazioari atxikitzeko hitzarmena onartzekoa.
Erabakia, Fundación Kalitatea Fundazioari fundazioaren estatutuak aldatzeko baimena emateko dena.

Gobernu Batzordeak gaurko bileran erabaki du Fundación Kalitatea Fundazioa eta Itsasmendikoi S.A.-ren estatutu moldatzea, Pilar Unzaluk zuzentzen duen departamentuko enpresen berregituraketa prozesuaren barruan HAZI Korporazioan bateratzeko.

Landa eta Itsas eremua bultzatzeko Eusko Jaurlaritzak sortu duen “Hazi” Korporazioak lehen sektorean zein elikagaietakoan lehiakortasuna bultzatzeko eragingarriagoa izatea du helburu, sektoreko ajenteekin eta erakundeekin lankidetza zerbitzu integral bat abian jarriz.

“Hazi”k elikagaietako zein lehen sektoreko lehiakortasuna areagotzea du helburu; barne sinergietaz egoki baliatuz ekintzen kudeaketa arrazionalizatu, koordinatu eta optimizatu. Era berean, Korporazioa osatzen duten erakundeen ahalmena garatuz sektorerako baio erantsia duten zerbitzuak eta produktuak eskeini.

Fundación Kalitatea Fundazioa zein Itsasmendikoi S.A. Korporazioaren barne egituran egokituko dira eta “Hazi” izen orokorra gehituko diote euren egungo izenari.

Landa zein itsasoaren Garapenerako, Formaziorako eta Txertatzeko Itsasmendikoi Zentruak, “Hazi, Landa eta Itsas Ingurunearen Garapenerako Korporazioa S.A” deitura hartuko du.

Fundación Kalitatea Fundazioak, Fundación Hazi Fundazioa deitura hartuko du eta, besteak beste, itsasoko eta landako elikagaiak eta produktuak garatzea, bultzatzea eta sustatzea eta produktu horien kalitatea eta kontsumitzaileen segurtasuna ziurtaraztea izango ditu helburu.
 

 

NEKAZARITZA, ARRANTZA ETA ELIKADURAREN ESTATISTIKAK BURUTZEKO HITZARMENA SINATZEA ONETSI DA

Erabakia, Ingurumeneko eta Landa- eta Itsas-Inguruneko Ministerioarekin estatistika arloan (2011) lankidetza-hitzarmena baimentzekoa

Gobernu Kontseiluak Ingurumen, Landa eta Itsas Ingurunearen Ministerioarekin hitzarmen bat sinatzea erabaki du gaurko bileran, Nekazaritza, Arrantza eta Elikadura Estatistiken 2011 Programa gauzatu dadin.

Modu horretan, Pilar Unzalu Ingurumen Lurralde Plangintza, Nekazaritza eta Arrantza sailburuak akordio hau gauzatzeko baimena eman du. Akordioa 2009ko apirilean bi aldeek sinatutako Lankidetzarako Esparru-hitzarmenean oinarritzen da.

Hitzarmen hau bi erakundeek landutako estatistikak bateratu eta alderatzeko sinatzen da, eta halaber, informazioa biltzeko iturri bakarra ezartzea gomendagarria dela uste osoa izanda. Hain zuzen ere, informatzailearentzat bikoiztasunak, desadostasunak eta eragozpenak saihestu daitezen eta, era berean, estatistika-programa gauzatzeko gastua murriztu dadin.

Eusko Jaurlaritzak 40.000 euro bideratuko ditu akordio hau gauzatzera. Akordioaren arabera, erkidegoko administrazioak informazioaren bilketa eta tratamendua eta hainbat gairen inguruko emaitzen lanketa zuzendu eta gauzatzeko konpromisoa hartzen du. Besteak beste, honako gaiei dagokienez: lurraldeko segmentuei buruzko inkesta, ereite eta bilketaren egutegia, laborantza eta mahasti azalerak eta abere produkzioak, arrantza sektorearen adierazle ekonomikoak edo prezioen estatistikak.

Informazioa Ingurumen, Landa eta Itsas Ingurune Ministerioari helaraziko zaio, eta ministerioak Eusko Jaurlaritzak egin beharreko datuen bilketa eta lanketa 108.184 euroko ekarpenaren bidez finantzatuko du.
 

 

LEHENDAKARITZA

EUSKO JAURLARITZAK AKITANIA-EUSKADI EUROESKUALDE BERRIAN DITUEN ORDEZKARIAK AUKERATU DITU

Erabakia, Akitania-Euskadi Euroeskualdean Euskadik izango dituen ordezkariak izendatzeko dena

Eusko Jaurlaritzak gaurko bileran onartu du Akitania-Euskadi Euroeskualdearen Batzordean Euskal Autonomia Erkidegoa ordezkatuko duten pertsonak izendatzea. Euroeskualde hori hilabete honetan sortzea espero da.

Jakina denez, Eusko Jaurlaritzak maiatzean onartu zuen Akitaniako Eskualde Kontseiluarekin hitzarmen bat izenpetzea Europako esparruan euroeskualde berri bat sortzeko, Lurralde Lankidetzarako Europar Talde (LLET) baten legezko era hartuta.

Aipatutako hitzarmenak baditu dagoeneko Espainiako eta Frantziako gobernuen baimenak, eta egoitza Hendaian izango duenez, Akitaniako agintariei dagokie LLET berria inskribatzeko behar diren kudeaketa lanak egitea eta Europar Batasunaren Egunkari Ofizialean argitaratzea.

Tramite hori gainditu ondoren, Akitania-Euskadi euroeskualdeak nortasun juridikoa izango du eta lanean hasiko da, gobernu organoak osatu ondoren. Gobernu organo horietako bat Batzordea izango da eta hogei kidek osatuko dute era paritarioan. Organo horretako euskal ordezkariak honako hauek izango dira:

1. Lehendakaria

2. Industria, Berrikuntza, Merkataritza eta Turismo sailburua.

3. Etxebizitza, Herri Lan eta Garraio sailburua.

4. Ingurumen, Lurralde Plangintza, Nekazaritza eta Arrantza sailburua.

5. Kanpo Harremanetarako idazkari nagusia.

6. Mugaz Gaindiko Lankidetzarako ordezkaria

7. Kultura, Gazteria eta Kirol sailburuordea.

8. Unibertsitate eta Ikerketa sailburuordea.

9. Ekonomia, Aurrekontuak eta Kontrol Ekonomikorako sailburuordea

10. Lehendakaritzaren idazkari nagusia.