2013/06/18 (e)ko  saioa 
Aurkibidea

HERRI ADMINISTRAZIO ETA JUSTIZIA SAILA X. LEG.
Erabakia, Portugaleteko Udalarekin lankidetza-hitzarmena sinatzeko baimena emateko dena. Helburua: Portugaleten, deribazio judizialez, familiarentzako elkargune baten zerbitzu prestazioa kudeatzeko gomendioa.
EKONOMIAREN GARAPEN ETA LEHIAKORTASUN SAILA X. LEG.
Erabakia, 2013ko ekitaldian 5.000.000tik gorako gastuak baimentzeko dena. Helburua: Ikerketa-Kooperatiboko Zentroen kategorian kreditatutako Zientzia, Teknologia eta Berrikuntzaren Euskal Sareko agenteei diru-laguntzak emateko egitaraua finantzatzea.
ENPLEGU ETA GIZARTE POLITIKETAKO SAILA X. LEG.
Erabakia, 5.000.000 eurotik gorako gastua baimentzekoa, laneratzerako prestakuntza-baliabideei buruzko abenduaren 23ko 327/2003 Dekretuaren II. kapituluan aurreikusitako hainbat laguntza finantzatzeko.
OGASUN ETA FINANTZA SAILA X. LEG.
Erabakia, Euskal Autonomia Erkidegoko Administrazio Orokorraren zenbait programatan konpromiso-kredituak sortzeko dena.
HEZKUNTZA, HIZKUNTZA POLITIKA ETA KULTURA SAILA X. LEG.
Agindua, Hezkuntza, Hizkuntza Politika eta Kulturako sailburuarena, gazteria arloan egitarauak eta jarduerak garatzeko diru-laguntzak emateko modua arautzen duena. (2013 ekitaldia).
Agindua, zeinen bidez lankidetza-beketarako deia egiten baita 2013-2014 ikasturterako.
Agindua, Lanbideirakaskuntzako Arte Plastikoetako eta Diseinuko ikastetxe baimenduei diru-laguntzak emateko deia egiten duena.
Dekretua, akuikultura haztegietako teknikari tituluari dagokion curriculuma ezarriko duena.
Dekretua, Barne Lanetako, Dekorazioko eta Birgaitzeko Teknikari tituluari dagokion curriculuma ezarriko duena.
Dekretua, 3D animazioetako, jokoetako eta ingurune interaktiboetako goi mailako teknikari tituluari dagokion curriculuma ezarriko duena.
OSASUN SAILA X. LEG.
Euskadi azken autonomia-erkidegoa izango da koordainketa abian jartzen eta euskal herritarrentzat zein profesionalentzako ahalik eta kalterik txikiena eragiteko moduan egingo du uztailaren 1etik aurrera.
Euskal Autonomia Erkidegoan (EAE) farmazia arloan egin beharreko ekarpen berriari buruzko galderak eta erantzunak
INGURUMEN ETA LURRALDE POLITIKA SAILA X. LEG.
Agindua, Garapen iraunkorra bultzatzen duten ekintzak burutzen dituzten udalei, mankomunitateei, bestelako tokiko erakundeei, tokiko erakunde autonomoei, tokiko garapen-agentziei eta tokiko merkataritza sozietateei zuzendutako diru-laguntzak ematea arautzen duena.
HERRI ADMINISTRAZIO ETA JUSTIZIA SAILA X. LEG.

ERABAKIA, PORTUGALETEKO UDALAREKIN LANKIDETZA-HITZARMENA SINATZEKO BAIMENA EMATEKO DENA. HELBURUA: PORTUGALETEN, DERIBAZIO JUDIZIALEZ, FAMILIARENTZAKO ELKARGUNE BATEN ZERBITZU PRESTAZIOA KUDEATZEKO GOMENDIOA.

LABURPENA

JAURLARITZAK 155 MILA EUROREKIN FINANTZATUKO DU PORTUGALETEKO FAMILIA ELKARGUNEKO ZERBITZUA 2013AN

Gobernu Kontseiluak Portugaleteko Udalarekin lankidetza-hitzarmena sinatzeko baimena eman du, epaileak agindutako familia-elkargune zerbitzua kudeatzeko lanetarako.

Hitzarmen horretarako, Justizia eta Herri Administrazio Sailak 155.000 euro bideratu beharko ditu 2013an epaileak agindutako familia-elkargune zerbitzuaren funtzionamendurako Portugaleten.

Hala, Jaurlaritzak zerbitzu honek funtzionatuko duela bermatuko du. Elkargunea Portugaleteko Udalak kudeatzen du 2005etik, eta udalerri hauetako herritarren ebazpen judizialak artatzen ditu: Portugalete, Santurtzi, Trapagaran, Abanto, Zierbena, Muskiz eta Enkarterrietako udalerriak.
 

 

EKONOMIAREN GARAPEN ETA LEHIAKORTASUN SAILA X. LEG.

ERABAKIA, 2013KO EKITALDIAN 5.000.000TIK GORAKO GASTUAK BAIMENTZEKO DENA. HELBURUA: IKERKETA-KOOPERATIBOKO ZENTROEN KATEGORIAN KREDITATUTAKO ZIENTZIA, TEKNOLOGIA ETA BERRIKUNTZAREN EUSKAL SAREKO AGENTEEI DIRU-LAGUNTZAK EMATEKO EGITARAUA FINANTZATZEA.

LABURPENA

IKERKETA ZENTRO KOOPERATIBO GISA ZIURTATUTAKO ZIENTZIA, TEKNOLOGIA ETA BERRIKUNTZAREN EUSKAL SAREKO ERAGILEEK 8.000.000 € JASOKO DITUZTE 2013KO LAGUNTZA DEIALDIAN

Eusko Jaurlaritzak 8.000.000,00 euro bideratuko ditu Zientzia, Teknologia eta Berrikuntzaren Euskal Sarearen baitan Ikerketa Zentro Kooperatibo gisa ziurtatutako eragileentzako laguntza programa finantzatzeko.

Ekonomiaren Garapen eta Lehiakortasun Sailak 2015 Zientzia, Teknologia eta Berrikuntza Plana egitasmoaren barnean bideratu ditu laguntzak. Hain zuzen ere, Berrikuntza eta Teknologia Sailburuordetzak kudeatuko du programa, eta laguntzak eskatzeko epea ekainaren 29tik uztailaren 30era luzatuko da. 2013ko abenduaren 31 baino lehenago erabakiko da nork jasoko dituen laguntza hauek.

 

ENPLEGU ETA GIZARTE POLITIKETAKO SAILA X. LEG.

ERABAKIA, 5.000.000 EUROTIK GORAKO GASTUA BAIMENTZEKOA, LANERATZERAKO PRESTAKUNTZA-BALIABIDEEI BURUZKO ABENDUAREN 23KO 327/2003 DEKRETUAREN II. KAPITULUAN AURREIKUSITAKO HAINBAT LAGUNTZA FINANTZATZEKO.

LABURPENA

19 MILIOI EURO ENPLEGU BILA DABILTZAN PERTSONAK LANERATZEN LAGUNTZEKO

Eusko Jaurlaritzak, Lanbideren bitartez, 18,98 milioi euro bideratuko ditu enplegu bila dabiltzan pertsonak laneratzen laguntzeko sei jarduera-lerro finantzatzeko. Neurri horiek Enplegua Suspertzeko Planekoak dira. Neurriak lehendakariak eta Enplegu eta Gizarte Politiketako sailburuak berak aurkeztu zituzten martxoaren 18an, eta horiek ezarrita 2.000 lanpostu baino apur bat gehiago sortuko direla aurreikusten da. Jaurlaritzaren Kontseiluak gaur landu dituen neurriekin, eta maiatzaren 14an onartu zirenekin, hots, kontratatzeko konpromisodun prestakuntzari eta langabetuen prestakuntzari dagozkionekin, 6.000 enplegu baino gehiago sortuko dira guztira. Gaur landutako planak honela daude zehaztuta:


1) Lanbideren enplegu-bulegoetan eta orientazio-zerbitzuen sarean artatutako pertsonak laneratzeko prestakuntza-ekintzak egitea. Ekintzok enplegagarritasuna hobetzeko eta laneratzea sustatzeko neurriak arautzen dituen abenduaren 23ko 327/2003 Dekretuaren II. kapituluan aurreikusitakoak dira.

Honako hauek eskatu ahal izango dituzte diru-laguntzak: araututako lanbide-heziketako zikloak emateko baimen duten ikastegiek, bestelako prestakuntza-ikastegiek (lanbide-hastapenetarako ikastegiek, helduentzako hezkuntza-ikastegiek, eskolek, unibertsitateetako fakultateek, irakaskuntza birtualeko ikastegiek eta bestelako prestakuntza-ikastegiek), enpresek, enpresa-taldeek (soilik kontratazio-konpromisoei lotutako prestakuntza-proiektuak gauzatzeko), udalerriek, mankomunitateek, eskualdeek, tokiko garapen-agentziek, horien mendeko sozietate publikoek, elkarteek, fundazioek, laneratzeko zailtasun bereziak dituzten taldeak laguntzeko gobernuz kanpoko erakundeek eta, azkenik, laneratzeko zailtasun bereziak dituzten taldeekin lan egiten duten aholkularitza-erakundeek. Denek Lanbideren baimena beharko dute.

Laguntzak 9.407.500 eurokoak izango dira.

 

2) EAEko enpresen kanpoko lan-zentroetan titulazio edo kualifikazioren bat duten baina aurretiko lan-esperientziarik ez duten gazte langabeak praktiketan kontratatzea, etorkizunean laneratzen laguntzeko.

Honako hauek eskatu ahal izango dituzte diru-laguntzak:

• Lan-zentroren bat duten enpresa pribatu edo publiko-pribatuek, partaidetutako enpresek edo enpresa-talde bereko enpresek, baldin eta kanpoan kokatuta badaude.
• Kanpoan kokatuta dauden enpresekin lankidetza-akordioak edo zerbitzuak emateko kontratuak dituzten enpresek.
• Kanpoan ezartzeko prozesuan diren enpresek.

Horiek guztiek honako betekizun hauek bete beharko dituzte:

• Helbide soziala edo fiskala EAEn izatea edo lan-zentroa EAEN egotea.
• Administrazio publiko batek edo gehiagok % 50eko edo gehiagoko partaidetza zuzena edo zeharkakoa ez izatea.
• Zerga-betebeharretan eta Gizarte Segurantzarekikoetan egunean egotea.

Laguntzak 4,42 milioi eurokoak izango dira.

 

 3) Enpresak konpentsatzea lanekoak ez diren praktikak egiteagatik, bai eta enplegurako lanbide-heziketako azpisistema arautzen duen martxoaren 23ko 395/2007 Errege Dekretuan eta 395/2007 Errege Dekretua garatzen duen martxoaren 7ko 718/2008 TAS Aginduan araututako prestakuntza-ekintzetan parte hartzen duten langabeentzako bekak eta laguntzak ere.

Honako hauek eskatu ahal izango dituzte diru-laguntzak: lanekoak ez diren praktikak egiten dituzten enpresek, ikasle bakoitzeko eta praktika-ordu bakoitzeko konpentsazio gisa, eta prestakuntza-modalitateetan parte hartzen duten langabeek, bekei, joan-etorrietarako laguntzei, ostatuari, mantenuari eta kontziliazioari dagokienez.

Laguntzak 3,5 milioi eurokoak izango dira.

 

 4) Lagundutako enplegu-jarduerak garatzea, ezgaitasunak dituzten pertsonak laneratzeko.

Honako hauek eskatu ahal izango dituzte diru-laguntzak: elkarteek, fundazioek eta irabazi-asmorik gabeko bestelako erakundeek, bai eta EAEko Enplegurako Zentro Bereziek ere.

Laguntzak 850.000 eurokoak izango dira.

 


5) Lanbide-heziketako ikasleei eta gazte langabeei zuzendutako prestakuntza-ekintzak, enpresako lan-jarduera ordainduarekin txandakatuta (HEZIBI programa).

Honako hauek eskatu ahal izango dituzte diru-laguntzak: EAEn lan-zentroren bat duten enpresek, pertsona fisikoek eta pertsona juridikoek, bai eta Prestakuntza Zentroek ere.

Laguntzak 560.000 eurokoak izango dira.

 

6) Sistemas de Instalaciones de Telecomunicaciones, SA (SINTEL) enpresako langileak, 2001eko martxoaren 8ko 76/ 2000 eta 2001eko uztailaren 31ko 25/2001 enplegu-erregulazioko espedienteek kaltetutakoak, laneratzen laguntzeko eta horientzako laguntza bereziak ezartzeko neurriak.

Honako hauek eskatu ahal izango dituzte diru-laguntzak: aurretik aipatutako enplegu-erregulazioko espedienteek kaltetutako pertsonek, baldin eta adin-betekizunak (52 urte) betetzen badituzte, 196/2010 Errege Dekretuan aurreikusitako langabeziagatiko prestazioa amaitu bazaie edo halakorik ez badute, eta enplegu-eskatzaile gisa izena eman badute Lanbiden.

Laguntzak 245.242 eurokoak izango dira.

 

 

OGASUN ETA FINANTZA SAILA X. LEG.

ERABAKIA, EUSKAL AUTONOMIA ERKIDEGOKO ADMINISTRAZIO OROKORRAREN ZENBAIT PROGRAMATAN KONPROMISO-KREDITUAK SORTZEKO DENA.

 

LABURPENA

KONPROMISO KREDITUA EUSKAL AUTONOMIA ERKIDEGOKO ADMINISTRAZIO OROKORRAREN HAINBAT PROGRAMATAN

Gobernu Kontseiluak konpromiso-kreditua sortzea onartu du, Euskal Autonomia Erkidegoko Administrazio Orokorraren programa hauetarako:

- 2014ko ekitaldirako, Justizia Administrazioaren 1411 programan, eraikin judizialetan mantentze-lanak egiteko (450.000 euro).

- 2014-2019 ekitaldietarako, Ikerketarako 5412 «Ikerketa Taldea. Euskal Unibertsitate Sistema» programan (23.250.000 euro).

- 2014 ekitaldirako, Egitura eta Babesa 2211 «Biktimentzako Asistentzia Zerbitzua EAEn» programan (199.283,50 euro).

- 2014-2015 ekitaldietarako, Osasun Finantzaketa eta Kontrataziorako «Premiazko Osasun Garraiorako Sarea» programan: 7.500.000 euro (2014) eta 9.250.000 (2015).

 

HEZKUNTZA, HIZKUNTZA POLITIKA ETA KULTURA SAILA X. LEG.

AGINDUA, HEZKUNTZA, HIZKUNTZA POLITIKA ETA KULTURAKO SAILBURUARENA, GAZTERIA ARLOAN EGITARAUAK ETA JARDUERAK GARATZEKO DIRU-LAGUNTZAK EMATEKO MODUA ARAUTZEN DUENA. (2013 EKITALDIA).

LABURPENA

480.000 EURO GAZTERIA ALORREKO JARDUERAK DIRUZ LAGUNTZEKO

Gobernu Kontseiluak Hezkuntza, Hizkuntza Politika eta Kultura sailburuaren proposamenez, 2013 urtean gazteriaren alorreko jarduera zehatzak eta urteroko egitarauak diruz laguntzeko araubidea ezarri eta deialdia egiten duen Agindua onartu du.

Deialdi honek 480.000 euroko diru kopurua du, eta beronen onuradun dira irabazi asmorik gabeko pertsona juridikoak, publiko nahiz pribatuak. Eskaerak aurkezteko epea hilabetekoa izango da, Agindua EHAAn argitaratu eta hurrengo egunean hasita.

 

AGINDUA, ZEINEN BIDEZ LANKIDETZA-BEKETARAKO DEIA EGITEN BAITA 2013-2014 IKASTURTERAKO.

LABURPENA

199 LAGUNTZA BEKAREN DEIALDIA

Gobernu Kontseiluak, Hezkuntza, Unibertsitate eta Ikerketa sailburuak proposatuta, gaurko egunean agindu bat onartu du. Agindu horren bidez, laguntza bekak izeneko izaera bereziko ikasketetarako beken deialdia egiten da, 2013/2014 ikasturterako.

Dirulaguntzen zenbatekoa guztira 557.200 eurokoa da, eta horren bidez 199 laguntza beka emango zaizkie, hain zuzen, titulu ofizialak lortzeko ikasketetako azken urtea egiten ari diren eta unibertsitateko ikastegietan lagundu nahi duten Euskadiko auzotartasuna duten ikasleei.

Laguntza hauen onuradunek, ikasketak egiteaz gain, egunero hiru orduz lagunduko dute Unibertsitatean dagokien departamentuan. Ikasten ari diren alorrarekin zerikusia duten irakaskuntza edo ikerketa lanetan arituko dira.
 

 

AGINDUA, LANBIDEIRAKASKUNTZAKO ARTE PLASTIKOETAKO ETA DISEINUKO IKASTETXE BAIMENDUEI DIRU-LAGUNTZAK EMATEKO DEIA EGITEN DUENA.

LABURPENA

82.197 EURO ARTE PLASTIKOETAKO ETA DISEINUKO IKASTETXEETARAKO

Gobernu Kontseiluak, Hezkuntza, Unibertsitate eta Ikerketa sailburuak proposatuta, gaurko bilkuran agindu bat onartu du. Agindu horien bidez, Plastikoetako eta Diseinuko ikastetxe baimenduei diru-laguntzak emateko deia egiten da.

Agindu honek, 82.197 euroko zenbateko globala hartzen duena, araubide bereziko irakaskuntzen barruko Arte Platikoetako eta Diseinuko ikastetxe baimenduentzako laguntza ekonomikoak ematea du helburu, betiere, 2012-2013 ikasturtean diru-laguntzarik ez badute jaso Hezkuntza, Unibertsitate eta Ikerketa Sailetik.
 

 

DEKRETUA, AKUIKULTURA HAZTEGIETAKO TEKNIKARI TITULUARI DAGOKION CURRICULUMA EZARRIKO DUENA.

LABURPENA

AKUIKULTURA HAZTEGIETAKO TEKNIKARIA

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du Akuikultura Haztegietako teknikariaren tituluaren curriculuma zehazten duen dekretua.

Dekretu horren bidez Akuikultura Haztegietako teknikariaren tituluari, Itxasoa eta Arrantza lanbide-arloan, dagozkion erdi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.
 

 

DEKRETUA, BARNE LANETAKO, DEKORAZIOKO ETA BIRGAITZEKO TEKNIKARI TITULUARI DAGOKION CURRICULUMA EZARRIKO DUENA.

LABURPENA

BARNE LANETAKO, DEKORAZIOKO ETA BIRGAITZEKO TEKNIKARIA

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du Barne Lanetako, Dekorazioko eta Birgaitzeko teknikariaren tituluaren curriculuma zehazten duen dekretua.

Dekretu horren bidez Instalazioko eta Barne Lanetako, Dekorazioko eta Birgaitzeko teknikariaren tituluari, Eraikuntza eta Obra Zibilak lanbide-arloan, dagozkion erdi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.
 

 

DEKRETUA, 3D ANIMAZIOETAKO, JOKOETAKO ETA INGURUNE INTERAKTIBOETAKO GOI MAILAKO TEKNIKARI TITULUARI DAGOKION CURRICULUMA EZARRIKO DUENA.

LABURPENA

3D ANIMAZIOETAKO, JOKOETAKO ETA INGURUGUNE INETERAKTIBOETAKO GOI TEKNIKARIA

Gobernu Kontseiluak, Hezkuntza, Unibertsitate eta Ikerketa sailburuaren proposamenez, gaurko bileran onartu du 3D Animazioetako, Jokoetako eta Ingurune Interaktiboetako goi mailako teknikariaren tituluaren curriculuma zehazten duen dekretua.

Dekretu horren bidez 3D Animazioetako, Jokoetako eta Ingurune Interaktiboetako goi mailako teknikariaren tituluari, Irudi eta Soinua lanbide-arloan, dagozkion goi mailako Lanbide Heziketako irakaskuntzetarako curriculuma zehazten da Euskal Autonomia Erkidegoan.

Ikastetxeak, pedagogian eta antolaketan duen autonomiaren barruan, du ikastetxearen curriculum-proiektua zehaztearen ardura. Proiektu horretan behar diren erabakiak hartuko ditu ikastetxeak, irakaskuntzan egin beharreko lanari begira haren ezaugarriak eta identitatea konkretatzeko, baita modulu profesionalen programazioak egiteko irizpideak finkatzeko ere.

Ikastetxearen curriculum-proiektuaren barruan, irakasle-taldeak, zikloko arduradunek eta irakasle bakoitzak egin beharko dituzte programazioak, ezartzen diren helburu orokorrak kontuan hartuz, lanbide-modulu bakoitzak dituen ikaskuntzaren emaitzak eta edukiak errespetatuz eta, oso inportantea dena, irakaskuntzen erreferentzia den perfil profesionala euskarri gisa erabiliz.
 

 

OSASUN SAILA X. LEG.

EUSKADI AZKEN AUTONOMIA-ERKIDEGOA IZANGO DA KOORDAINKETA ABIAN JARTZEN ETA EUSKAL HERRITARRENTZAT ZEIN PROFESIONALENTZAKO AHALIK ETA KALTERIK TXIKIENA ERAGITEKO MODUAN EGINGO DU UZTAILAREN 1ETIK AURRERA.

Euskadi izango da azken autonomia-erkidegoa koordainketa farmazeutikoa deritzona abian jartzen, uztailaren 1etik aurrera, hain zuzen ere. Hala eman du ezagutzera Josu Erkoreka Eusko Jaurlaritzako bozeramaileak Gobernu Kontseiluaren ostean eta Jon Darpón Osasun sailburuarekin batera eskeinitako prentsaurrekoan. Biek ere azpimarratu dutenez, neurria, bai euskal herritarrei, bai erasandako profesionalei ahalik eta kalte txikienak eragiteko moduan ezarriko dela.

Horren erakusle, beste autonomia-erkidego batzuetan ez bezala, gurean herritarrek ez dute, behin hileko eta pertsonako dagokien kopurura iritsita, diru gehiagorik aurreratu eta itzulketaren zain egon beharrik izango; aitzitik, ordaintzeari utzi egingo diote muga horretara heldu orduko. Era berean, koordainketa batera ezarriko da EAEko hiru lurraldeetan eta bertoko farmazia guztietan.

Hain zuzen ere, Mariano Rajoy-ren Gobernuak inposatutako neurri «ez beharrezko» honen aurka Eusko Jaurlaritzak agertutako jarrerak, Euskadin koordainketa urtebete atzeratzea ahalbidetu du. Horrenbestez, Euskadi izango da Estatuan koordainketa jarriko duen azken autonomia-erkidegoa.

Koordainketa indarrean sartzeak izango duen ondorio nagusia uztailaren 1etik aurrera errezetek TSI ekarpen-kode bat izango dutela da, eta, horrenbestez, medikamendu bat erostean, erabiltzaileek euren TSI kodeari dagokion ehunekoa ordaindu beharko dutela. Hain zuzen ere, kode hori erabiltzaileen egoera soziolaboralaren eta errenta mailaren arabera ezarriko da.

Orain artean, Euskadin, errezeta ofizialarekin eskuratutako medikamenduen prezioaren % 40 ordaintzen zuten LANEAN DIHARDUTEN PERTSONEK. Aurrerantzean, 18.000 euro baino gutxiagoko errentak dituztenek % 40 hori ordaintzen jarraituko dute; kopuru hori gainditzen dutenek, berriz, % 50a; , eta, 100.000 euroko errenta gainditzen dutenek, ordea, % 60a.

PENTSIODUNEN kasuan, erregimena ezberdina izango da: oro har, medikamentuen prezioaren % 10 ordainduko dute, beti ere, bakoitzaren errentaren araberako muga ezarrita, hileko eta pertsonako. Hala, 18.000 euro baino gutxiago jasotzen dutenek gehienez 8,14€ ordainduko dute, pertsonako eta hileko; 18.000 eta 100.000 euro bitartekoek, berriz, 18,32€ pertsonako eta hileko; eta 100.000 eurotik gorako errentadunek, ostera, 61,08€ pertsonako eta hileko. Esan bezala, kopuruotatik aurrera xentimorik ere ez dute pagatuko.

Kasu guztietan, honako kolektiboak koordainketatik SALBUETSITA geldituko dira: sindrome toxikoak kaltetuak; arauturiko ezgaitasunen bat jasaten dutenak; Oinarrizko errenta edo kotizazio gabeko pentsioak jasotzen dituztenak; denbora luze langabezian egon ondoren subsidioa agortu dutenak; eta laneko istripu edo gaixotasunen batekin lotutako tratamenduak jasotzen ari diren pertsonak.
 

 

EUSKAL AUTONOMIA ERKIDEGOAN (EAE) FARMAZIA ARLOAN EGIN BEHARREKO EKARPEN BERRIARI BURUZKO GALDERAK ETA ERANTZUNAK

1. Noiz sartuko da indarrean, EAEn, farmazia arloan beste ekarpen bat egiteko betebeharra?
2013ko uztailaren 1ean sartuko da indarrean ekarpen berri bat egiteko betebeharra.

2. Non eta noiz ordaindu behar da farmaziako ekarpen berria?
Ekarpen hori farmazian ordaindu behar da, botika jasotzerakoan.

3. Farmaziek eskatutako botika emateari uko egin al diezaiokete farmazia arloko ekarpen tasa berriari buruzko zalantzarik izanez gero?
Ez. EAEko farmazia guztiak koordainketa aplikatzeko prestatuta daude eta jarduteko prozedura zehaztuta dago.

4. Medikuek koordainketa indarrean sartu aurretik agindutako errezetei eragiten al die koordainketak?
Bai. Koordainketa indarrean sartzen denean, errezeta guztiei aplikatuko zaie, aginduaren data kontuan hartu gabe.

5. Zer agiri aurkeztu behar ditut farmazian?
Osasun txartel indibiduala (OTI) beti eraman beharko duzu eta, kasuaren arabera, errezeta-papera. eRezeta proiektuko erabitzaileek OTIa bakarrik aurkeztu beharko dute.

6. Nire OTIak arazoak sortzen baditu, hondatuta baldin badago edo banda magnetikorik ez badauka, zer egin behar dut?
OTI berri bat eskatu beharko duzu, zure osasun-etxean.

7. Eta osasun txartelik (OTI) ez badaukat, zer egin behar dut?
Zure egoera erregularizatu beharko duzu. Horretarako, zoaz zure osasun-etxera.

8. Euskal Autonomia Erkidegoan farmazia arloko ekarpen osagarria indarrean sartzearen ondorioz, zer ekarpen egin behar dut farmazian?
Gobernu Zentralak onartutako 16/2012 Errege Lege Dekretuak aldaketak dakartza farmazia arloko ekarpenean. Ekarpen tasa berriak Pertsona Fisikoen Errentaren Gaineko Zergaren (PFEZ) aitorpeneko likidazio eta aurrezpen oinarri orokorra laukian esleitutako errentaren arabera zehaztuko dira. 

 9. Nola dakite farmaziakoek zenbat ordaindu behar dudan botiken truke?
Farmazian, errezetan inprimatuta dagoen OTI kodeari dagokion ekarpena aplikatuko dizute. Zure txartelak OTI ekarpen koderik ez badauka, farmazialariak aplikazio informatikoan kontsultatuko du, Osasun Txartel Indibidualaren (OTI) zenbakia jarriz, eta dagokizun ehunekoa ezarriko dizu. Eragiketa hori egiterik ez badago, farmazialariak % 10a aplikatuko dizu, pentsioduna baldin bazara eta, % 40, aktiboa bazara.
Hauek dira kodeak:
■OTI 001 kodea, ekarpenak egitetik salbuetsita dauden erabiltzaileentzat.
■OTI 002 kodea, % 10eko ekarpen murriztua egin behar duten erabiltzaileentzat.
■OTI 003 kodea, % 40ko ekarpena egin behar duten erabiltzaileentzat.
■OTI 004 kodea, % 50eko ekarpena egin behar duten erabiltzaileentzat.
■OTI 005 kodea, % 60ko ekarpena egin behar duten erabiltzaileentzat.
■OTI 006 kodea, % 30eko ekarpena egin behar duten erabiltzaileentzat.
■LILG kodea, lan istripuekin eta laneko gaixotasunekin lotutako errezetetarako.

10. Zein pertsonei aplikatzen zaizkie hileroko gehienezko ekarpen kopuruak?
Pentsiodun guztiei eta haien onuradunei. Hauek dira dagozkien ekarpen kodeak: OTI002, 01 azpimota; OTI002, 02 azpimota; eta OTI005, 03 azpimota.

11. Nola aplikatzen dira hileroko gehienezko mugak?
Hileroko gehienezko mugak pertsonalak dira, pertsona bakoitzari aplikatzen zaizkio.

12. Dagokidan gehienezko muga baino gehiago ordainduko al dut?
Ez. Farmazian, pazienteak hilero egiten dituen ekarpenen kopuruak kontrolatuko dituzte eta, ekarpenaren gehienezko mugara iritsiz gero, gainerako botikak ordaintzetik salbuetsita geratuko da.
Egindako ekarpenarekin ados ez bazaude, arazoren bat sortzen bada edo beste autonomia erkidego batera joaten bazara, tiketak eta errezetaren edo pazientearentzako informazio-orriaren kopia gorde beharko duzu, ordaindutako diruaren itzulketa kudeatzeko. Zure osasun-etxera joan beharko duzu.

13. Zer epe zehatz erabiltzen da gehienezko kopuruak kalkulatzeko?
Gehienezko kopuruak hilabetekoak dira, zenbaketa hil bakoitzeko lehenengo egunean hasi eta hileko azken egunean bukatzen da; hilabete bakoitzeko lehenengo egunean, zure kontagailua zeron jarriko da.

14. Jende guztiak ordaindu behar ditu botikak?
Ez, pertsona batzuk botikak ordaintzetik salbuetsita daude. 2012ko 16/2012 Errege Lege Dekretuak ondoko kasuak jasotzen ditu (OTI001 ekarpen-kodea):

• Sindrome toxikoa daukaten pertsonak.
• Ezintasunen bat daukaten pertsonak, beren araudi berezian jasotako kasuetan.
• Gizarteratze errentak edo kotizazio gabeko pentsioak jasotzen dituzten pertsonak.
• Langabeziako sorospena jasotzeko eskubidea galdu duten langabeek, egoera horretan dauden bitartean.
• Laneko istripuen eta laneko gaixotasunen ondoriozko tratamenduak.

15. - Langabezian baldin banago, ekarpena egitetik salbuetsita al nago?
Ez. Langabeziako sorospena agortu baldin baduzu bakarrik.
Gainerako kasuetan (langabezia saria jasotzen; langabeziako sorospena kobratzen; langabezia saria agortuta; inolako laguntzarik jaso gabe), ez zara salbuetsita egongo eta, gainera, 2011ko PFEZn aitortutako errenta-mailaren araberako ekarpena egin beharko duzu.

16. Langabezian nago eta langabezia saria jasotzen ari naiz. Ekarpena egitetik salbuetsita nago?
Ez. 2011ko PFEZn aitortutako errenta-mailaren araberako ekarpena egin beharko duzu. Honakoa izango da ekarpena:  

Urtean 18.000 euro baino gutxiagoko errenta OTI003 Prezioaren % 40
Urtean 18.000 eta 100.000 € arteko errenta OTI004 Prezioaren % 50
100.000 €-tik gorako errenta OTI005 Prezioaren % 60

 

 17. Langabezian nago eta langabeziako sorospena kobratzen ari naiz. Ekarpena egitetik salbuetsita nago?
Ez. 2011ko PFEZn aitortutako errenta-mailaren araberako ekarpena egin beharko duzu. Honakoa izango da ekarpena:

Urtean 18.000 euro baino gutxiagoko errenta OTI003 Prezioaren % 40
Urtean 18.000 eta 100.000 € arteko errenta OTI004 Prezioaren % 50
100.000 €-tik gorako errenta OTI005 Prezioaren % 60

 

18.- Langabezian nago eta langabezia saria agortu nuen, baina bere garaian ez nuen langabeziako sorospena kobratzeko eskubiderik eduki, ez nituelako baldintzak betetzen. Ekarpena egitetik salbuetsita nago?
Ez. 2011ko PFEZn aitortutako errenta-mailaren araberako ekarpena egin beharko duzu. Honakoa izango da ekarpena:

Urtean 18.000 euro baino gutxiagoko errenta OTI003 Prezioaren % 40
Urtean 18.000 eta 100.000 € arteko errenta OTI004 Prezioaren % 50
100.000 €-tik gorako errenta OTI005 Prezioaren % 60

 

19.- Langabezian nago eta bere garaian langabeziako sorospena agortu nuen. Ekarpena egitetik salbuetsita nago?
Bai. Hauxe da iraupen luzeko langabetu batek medikuak agintzen dizkion botiken truke ezer ordaindu behar ez duen kasu bakarra da.

20.- 26 urtetik gorakoa naiz eta ez dut inoiz lan egin. Zer ekarpen egin behar dut?
26 urtetik gorako pertsonek ezin dute haien gurasoen onuradunak izan, nahiz eta haiek pentsiodunak izan, ondorengo baldintzak betetzen direnean salbu (denak bete behar dira):
- % 65eko edo hortik gorako desgaitasun maila aitortuta edukitzea.
- Urteko diru-sarrerak Ondorio Askotariko Errenta Adierazle Publikoaren (IPREM) bikoitza baino handiagoak ez izatea, urteko zenbaketari dagokionez (hau da, 12.780 € baino gutxiagoko diru-sarrerak edukitzea).
- Aseguratu batekin bizitzea.
Arau orokorra da zure ekarpena botiken prezioaren % 40koa izango dela, mugarik gabe.

21.- Seme-alabengatiko famili esleipen baten onuraduna naiz. Salbuetsita al nago?
Ez. Zure diru-ekarpena 2011ko PFEZn aitortutako errenta mailaren eta zure egoera soziolaboralaren araberakoa izango da.

22.- Ezgaitasunen bat aitortu badidate, ekarpena egitetik salbuetsita al nago?
Arau orokorra da ezgaitasun bat aitortuta edukitzeak ez duela inor farmazia arloko prestazioaren truke ekarpena egitetik salbuesten. Beraz, zure ekarpena errenta mailaren eta egoera soziolaboralaren araberakoa izango da.
Arau orokor horretan salbuespen bat dago: Minusbaliatuak Gizarteratzeko Legeari jarraiki (LISMI) diru-laguntzaren bat jasotzen baduzu, ekarpena egitetik salbuetsita egongo zara.
Beste alde batetik, ondorengo baldintzak betetzen baldin badituzu (denak bete behar dira):
- % 65eko edo hortik gorako desgaitasun maila aitortuta edukitzea.
- Urteko diru-sarrerak Ondorio Askotariko Errenta Adierazle Publikoaren (IPREM) bikoitza baino handiagoak ez izatea, urteko zenbaketari dagokionez (hau da, 12.780 € baino gutxiagoko diru-sarrerak edukitzea).
- Aseguratu batekin bizitzea.
Berarekin bizi den aseguratuari dagokion farmazia arloko prestazio-ehunekoa edukiko du, hau da, berarekin bizi den aseguratua pentsioduna baldin bada, botiken prezioaren % 10eko ekarpena egin beharko du, dagozkion mugekin.

23. Gizarte Segurantzako mutualista eta pentsioduna banaiz (adib.: alargunak, umezurtzak, …), zer ekarpen egin behar dut?
Kasu horretan, egoera abantailatsuena hartzen da kontuan; hots, pentsiodunei dagokiena. Beraz, zure ekarpena % 10ekoa izango da, zure 2011ko errenta aitorpenean agertzen ziren datuen araberako ondorengo mugekin:
< 18.000 €, hileko 8,14 €-ko gehienezko kopurua
≥ 18.000 eta < 100.000 €, hileko 18,32 €-ko gehienezko kopurua
> 100.000 €, hileko 61,08 €-ko gehienezko kopurua

24.- DBE bat jasotzen badut (Diru-sarrerak Bermatzeko Errenta), zer ekarpen egin behar dut?
DBE baten jasotzaile izatea da salbuesteko arrazoietako bat, beraz, ez duzu ezer ordaindu beharko botiken truke.

25.- DBE bat jasotzen badut (Diru-sarrerak Bermatzeko Errenta) eta, gainera, aktiboa banaiz, salbuetsita nago?
Bai. DBEren jasotzaile izateaz gain aktiboa bazara, egoera abantailatsuena hartzen da kontuan –kasu honetan, DBEren jasotzailea izatea–, beraz, ekarpena egitetik salbuetsita zaude.

26. Gizarte Segurantzarekin hitzarmen bat sinatu badut, zer ekarpen egin behar dut?
Farmaziako produktuen zenbateko osoa ordainduko duzu.

27.- Langilea naiz eta kotizazio gabeko pentsio bat jasotzen dut. Ekarpena egitetik salbuetsita al nago?
Bai. Egoera abantailatsuena hartzen da kontuan –hau da, kotizazio gabeko pentsio bat kobratzea– eta, beraz, ekarpena egitetik salbuetsita zaude.

28. Aktiboa naiz eta kotizaziopeko pentsio bat jasotzen dut (adibidez, umezurztasunagatikoa, alarguntasunagatikoa, …). Zer ekarpen egin behar dut?
Zure egoera abantailatsuena hartzen da kontuan –kotizaziopeko pentsio bat kobratzea–, beraz, zure ekarpena % 10ekoa izango da, zure 2011ko errenta aitorpenean agertzen ziren datuen araberako ondorengo mugekin:
< 18.000 €, hileko 8,14 €-ko gehienezko kopurua
≥ 18.000 eta < 100.000 €, hileko 18,32 €-ko gehienezko kopurua
> 100.000 €, hileko 61,08 €-ko gehienezko kopurua

29.- Atzerritarra naiz eta ez daukat legezko egoitza baimenik, baina urtebete baino gehiago da Euskal Autonomia Erkidegoan erroldatuta nagoela. Zer ekarpen egin behar dut?
Botikaren prezioaren % 40 ordaindu beharko duzu.

30.- Atzerritarra naiz eta ez daukat legezko egoitza baimenik, baina urtebete baino gehiago da Euskal Autonomia Erkidegoan erroldatuta nagoela eta 65tik gorakoa naiz. Zer ekarpen egin behar dut?
Botikaren prezioaren % 40 ordaindu beharko duzu.
Salbuespen bat dago: unibertsalizatuta bazeunden (26/1988 Dekretua) eta 2012ko apirilaren 24a baino lehen botikak doan bazeneuzkan, kasu horretan prezioaren % 10eko ekarpena egin beharko duzu, ekarpen mugarik gabe.

31.- Atzerritarra naiz, ez daukat legezko egoitza baimenik eta EAEn urtebete jarraian baino denbora gutxiago daramat erroldatuta. Zer ekarpen egin behar dut?
Hauxe izango da zure ekarpena:
- 18 urtetik beherakoa bazara: botikaren prezioaren % 40
- 18 urtetik gorakoa bazara: botikaren prezioaren % 100
- Haurdun baldin bazaude: botikaren prezioaren % 40, haurdunaldiko, erditzeko eta erditze ondoko laguntzarako.

32. PFEZ aitorpen bateratua egiten badut eta urteko 100.000 €-ko kopurua gainditzen baldin badugu, zer kopuru ordaindu behar dugu?
Printzipioz, INSSk OTI kodeak PFEZ aitorpenaren arabera esleitzen du. Kasu honetan, bateratua izanik eta 100.000 €-ko kopurua gainditzen duenez, bi ezkonlagunei (eta haien onuradunei) OTI 005 ekarpena esleituko zaie, hau da, % 60koa. Hala ere, erabiltzaileak INSSra jo dezake eta aldaketa bat eskatu. Kasuaren arabera, gerta daiteke farmazia arloko ekarpenean gutxitze bat ekartzea.

33. Ez nago behartuta errenta aitorpena egitera. Zer ekarpen egin beharko dut?
Ez badago berariazko oharrik, egoera abantailatsuena aplikatuko zaizu, zure egoeraren arabera: % 10koa pentsiodunen kasuan eta % 40koa langile aktiboen kasuan.

34. Zer ekarpen-ehuneko dagokie titular baten onuradunei?
Titularrari dagokion berbera.

35. Osakidetzako errezetak beste autonomia erkidego batean erabili al ditzaket?
Bai. Errezetetan agertzen den ekarpen-kodea Osasun Sistema Nazional osorako berbera denez, kode hori barne hartzen duten Osakidetzako errezeten truke normaltasun osoz eman ahal izango dira botikak beste autonomia erkidego bateko edozein farmaziatan.

36. Zer gertatzen da medikuek agindutako botikak EAE ez den beste autonomia erkidego batean eskuratzen baldin baditugu?
Errezetan inprimatuta agertzen den ekarpen-kodea (OTI) aplikatuko zaizu. Kodea inprimatuta ez baldin badago, % 10 ordainduko duzu, pentsioduna izanez gero eta, % 40, aktiboa izanez gero. Hilabeteko gehienezko muga gainditzen baldin baduzu edo ordainketatik salbuetsita dagoen talde batekoa baldin bazara, zure osasun-etxean erosketa-txartela eta errezetaren edo pazientearentzako informazio-orriaren kopia bat aurkeztu beharko duzu, dagokizun zenbatekoa itzul diezazuten.

37. Zein izango da beste autonomia erkidego bateko errezetak dauzkaten pazienteen ekarpena?
Farmaziak errezetan inprimatutako ekarpena kobratuko die. Ekarpena ez badago errezetan inprimatuta, autonomia erkidegoetako datu-baseak elkarrekin lotzeko sistemak sortzen ez diren bitartean, ondorengo ehunekoak erabiliko dira: pentsiodunei % 10a aplikatuko zaie eta langile aktiboei % 40a. Gogoratu farmaziako tiketa eta botikak eskuratzeko entregatutako errezeten edo pazienteentzako informazio-orrien kopiak gordetzeaz.

38. Zer egin dezaket aplikatzen didaten ekarpen-kodean akatsen bat baldin badago?
Gizarte Segurantzaren Institutu Nazionalera (INSS) jo beharko duzu. Akatsa baieztatzen baldin bada, kontuan hartu behar da datu-baseak eguneratu arte egun batzuk igaroko direla.

39. Pentsioduna naiz eta hilean 8,14 € bakarrik ordaindu behar ditudala eta pertsona batzuek hilean 18,32 edo 61,08 € ordaintzen dituztela esan didate. Egia al da?
Bai, egia da. Errege Lege Dekretuak ondorengo gehienezko ekarpen kopuruak ezartzen ditu:
• 8,14 €/hil, 18.000 €-tik beherako errenta daukaten pentsiodunen eta haien onuradunen kasuan.
• 18,32 €/hil, 18.000 €-tik gorako eta 100.000tik beherako errenta daukaten pentsiodunen eta haien onuradunen kasuan.
• 61,08 €/hil, 100.000 €-tik gorako errenta daukaten pentsiodunen eta haien onuradunen kasuan.

40. Zer gertatzen da hilabete honetan nire gehienezko mugara iritsi baldin banaiz?
Sistema informatikoan, zure ekarpenak erregistratuko dira eta hileko gehienezko kopurura iristen zarenean, ez duzu ordainketa gehiago egin beharko.

41. Ekarpen mugatuko botikek finantzazioa izaten jarraituko dute?
Paziente kronikoentzako edo iraupen luzekoentzako ekarpen mugatuko botikak –zizero edo puntu beltzeko produktuak ere deitzen zaie– diruz lagunduak izaten jarraituko dute. Pazienteak, bere errenta maila alde batera utzita, prezioaren % 10 ordainduko du, errezeta bakoitzeko gehienezko muga 4,20 €koa izanik. Kopuru hori urtero eguneratuko da.

42. Eta beste herrialde batekoa banaiz?
Europar Batasuneko edo Europako Esparru Ekonomikoko herrialderen batekoa edo Suitzakoa baldin bazara, eta ondoko eskubide-inprimakiren bat baldin badaukazu: Europako Osasun Txartela, ordezko Behin-behineko Ziurtagiria, E-106 edo S1, E-112 edo S2, % 50eko farmazia arloko ekarpen-ehunekoa aplikatuko zaizu, non eta ez duzun frogatzen pentsioduna zarela, zure herrialdeko erakunde eskumendun batek emandako agiria edo sinatutako adierazpena erakutsiz. Bigarren kasuan, % 10eko farmazia arloko ekarpen-ehunekoa aplikatuko zaizu.
E-121, E-09 edo S1 eskubide-inprimakiak dauzkaten aurretik aipatutako estatuetako erabiltzaileei ehuneko berberak aplikatuko zaizkie.
Pazienteak, agiri horietako bakar bat ere ez badauka, farmazia anbulatorioko kostuaren % 100eko ekarpena egin beharko du.
Espainiarekin osasun-laguntza arloko bi aldeko hitzarmen bat sinatuta daukan herrialderen batekoa baldin bazara, % 50eko ekarpen-ehunekoa aplikatuko zaizu, non eta ez duzun frogatzen pentsioduna zarela, zure herrialdeko erakunde eskudun batek emandako agiriak erakutsiz. Kasu horretan, % 10eko farmazia arloko ekarpen-ehunekoa aplikatuko zaizu.
Bi aldeko hitzarmenik gabeko herrialderen batekoa baldin bazara, farmaziako kostuaren % 100eko ekarpena egin beharko duzu.

43. Farmazia arloko ekarpen berrian botikak eta osasun arloko produktu guztiak barne hartzen al dira?
Koordainketan botikak eta osasun arloko produktuak sartzen dira.

44. Eskuz idatzitako errezetetan, ekarpena agertzen al da?
Ez. Horregatik, ezinbestekoa da farmaziara Osasun Txartel Indibidualarekin (OTI) joatea; izan ere, horren bidez, tratamenduaren truke zer ekarpen tasa dagokizun eta zer ehuneko ordaindu beharko duzun jakin ahal izango dute.

45. Nire senide bat zahar-egoitza batean bizi da. Zenbateko ekarpena egin behar du?
Gainerako pazienteei bezala aplikatuko zaie farmazia arloko ekarpen berria.

46. Esleitu dioten farmazia arloko ekarpenarekin ados ez badago, nora bideratu behar duzu pazientea?
Herritarrak ulertu behar du farmazia arloko ekarpenaren esleipena 2011ko errentan oinarritu dela. Herritarrak INSSra jo behar du, ezadostasuna bere egoera soziolaboralarekin lotuta baldin badago edo, Lanbidera, Diru-sarrerak Bermatzeko Errentaren (DBE) jasotzailea baldin bada.

47. Gerta daiteke pazienteak, kasuren batean, hileko gehienezko kopurua baino gehiago ordaintzea?
Kasuren batean gerta daiteke. Dagokion hileko gehienezko ekarpen kopurutik gora ordaintzen duena itzultzeko, pazienteak bere osasun-etxera joan behar du.
Edozein kasutan, pazienteak botikak eskuratzeko entregatu beharreko agiriekin lotutako dokumentazioa gordetzea komeni da (errezetetako argibide-orriak eta farmazietako erosketa-tiketak), egokitzat jotzen dituen erreklamazioak egiteko.

 48. Zein kasutan eska dezake pazienteak Administrazioak dirua itzultzea?
Bi kasuetan eska dezake pazienteak farmazia arloko ekarpena itzultzea:
• Farmazia arloko ekarpenean kobrantza desegoki bat egin badiote.
• Euskaditik kanpo botikak hartu baldin baditu eta hileko gehienezko kopurua gainditu badu.

49. Zalantzaren bat izanez gero, nora joko dut?
Edozein duda izanda, galdetu Osakidetzako Osasun zentroetan, edozein farmaziatan edota Zuzenean (012) zerbitzura jo; iruzkinik egin nahi izanez gero, berriz, Irekiaren web orrian duzu aukera.
 

 

INGURUMEN ETA LURRALDE POLITIKA SAILA X. LEG.

AGINDUA, GARAPEN IRAUNKORRA BULTZATZEN DUTEN EKINTZAK BURUTZEN DITUZTEN UDALEI, MANKOMUNITATEEI, BESTELAKO TOKIKO ERAKUNDEEI, TOKIKO ERAKUNDE AUTONOMOEI, TOKIKO GARAPEN-AGENTZIEI ETA TOKIKO MERKATARITZA SOZIETATEEI ZUZENDUTAKO DIRU-LAGUNTZAK EMATEA ARAUTZEN DUENA.

LABURPENA

EUSKO JAURLARITZAK GARAPEN JASANGARRIA SUSTATZEN DUTEN ERAKUNDE ETA SOZIETATEEI LAGUNDUKO DIE

Ingurumen eta Lurralde Politika Sailak bi milioi euro izendatu ditu.

Eusko Jaurlaritzak agindu bat onartu du, lurzoruak berreskuratuz, airea hobetuz edota biodibertsitatea bultzatuz garapen jasangarria sustatzen duten udal, mankomunitate, tokiko erakunde, tokiko organismo autonomo, tokiko garapen-agentzia eta tokiko merkataritza-sozietateei emango zaizkien diru-laguntzak arautzen dituena.

Horrela arautu du Ingurumen eta Lurralde Politika Sailak garapen jasangarria sustatzen duten ekintzak aurrera daramatzaten Euskal Autonomia Erkidegoko erakundeek, tokiko garapen-agentziek eta tokiko merkataritza-sozietateek eskuratu ahal izango dituzten diru-laguntzen deialdia, guztira bi milioi eurotaraino iritsiko dena.

Diruz lagundutako jardueren artean sartzen dira lurzoru kutsatuei buruzkoak, tokiko jabetza publikoko lurzorua ikertzeko eta berreskuratzeko lanak, 600.000 euroko gehieneko zenbatekoarekin; atmosfera eta giroko airea hobetzearen ingurukoak, zaratari buruzkoak, berotegi-efektuko gasen igorpenak gutxitzera bideratutako ekintzak eta EAEn klima aldaketaren eragina minimizatzera bideratutakoak, hemen ere 600.000 euroko zenbatekoarekin; baita biodibertsitatea sustatzen duten jarduerak ere, EAEko dibertsitate biologikoa kontserbatzea, lehengoratzea edo hobetzea xede dutenak, guztira 600.000 euro izendatuko direlarik horretarako.

Azkenik, Eusko Jaurlaritzak Tokiko Agenda 21ekiko koordinazioa sustatzen duten erakundeentzat izendatutako laguntza (200.000 euro) jasoko du Eskolako Agenda 21ek.