RSS
124. zk., 2014ko uztailaren 2a, asteazkena
- Bestelako formatuak:
- PDF (178 KB - 1 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 11 ZENBAKIKO EPAITEGIA
2971
EDIKTUA, kontratuen gainean bideratutako 626/13 prozedura arruntaren ondoriozkoa.
Bilboko Lehen Auzialdiko 11 zenbakiko Epaitegia.
Judizioa: 626/13 prozedura arrunta.
Alderdi demandatzailea: Santander Consumer EFC, S.A.
Alderdi demandatua: Nagore Seco Araujo.
Gaia: judizio arrunta.
Aipatutako judizioan, ebazpena eman da. Hona hemen testua, hitzez hitz:
EPAITZA
Baietsi egiten dut Santander Consumer EFC-ren ordezkariek Nagore Seco Araujo andrearen aurka aurkeztutako demanda. Beraz, kondenatu egiten dut demandatua auzi-jartzaileari 12.884,88 euro ordaintzera; zenbateko horrek interesak sortuko ditu epai honen egunetik aurrera. Demandatuak, halaber, prozesuaren kostuak ordaindu beharko ditu.
Legean agindu bezala jakinaraz bekie alderdiei.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakia zein diren (PZLb, 458,2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 0030 1846 42 0005001274 (oharrak: 4725 0000 00 0626 13). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Nagore Seco Araujo demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Bilbao (Bizkaia), 2014ko maiatzaren 6a.
IDAZKARI JUDIZIALA.
