RSS
124. zk., 2014ko uztailaren 2a, asteazkena
- Bestelako formatuak:
- PDF (185 KB - 2 orri.)
- EPUB (195 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA
2972
EDIKTUA, adostasunik gabeko dibortzioari buruz bideratutako 233/13 prozeduraren ondoriozkoa.
JAKINARAZPEN-ZEDULA
Durangoko (Bizkaia) Lehen Auzialdiko 1 zenbakiko Epaitegian, adostasunik gabeko dibortzioari buruzko 233/13 prozedura bideratu da, Maria Isabel Arana Saraviak eskatuta, Carlos Emilio Padovanen aurka. Bada, epaia eman da, zeinaren idazpurua eta epaitza honako hauek baitira:
157/13 EPAIA
Epailea: Lucia Barrancos Julian.
Lekua: Durango (Bizkaia).
Eguna: bi mila eta hamahiruko abenduaren hamabia.
Alderdi demandatzailea: María Isabel Arana Saravia.
Abokatua: Alvaro Alberdi Ubierna.
Prokuradorea: Idoia Gandiaga Bergareche.
Alderdi demandatua: Carlos Emilio Padovan.
Auzi-ihesean.
Judizioko gaia: adostasunik gabeko dibortzioa.
Ikus-entzunezko euskarrian eta ebazpen honen idazpuruan jasota daudenak agertu dira prozedura honen ikustaldian; Fiskaltza ere han izan da.
EPAITZA
Partez baiesten da María Isabel Arana Saraviak aurkeztutako demanda.
Dibortzio bidez suntsitutzat deklaratzen da María Isabel Arana Saraviaren eta Carlos Emilio Padovanen arteko ezkontza.
Bidezkoa da honako neurri hauek hartzea:
1.– Guraso-ahala aitari eta amari esleitzen zaie, bigarren oinarriaren arabera, baina Carlos Emilio Padovan espainiar lurraldera behin betiko bizitzera itzultzen ez den arte, amari ematen zaio guraso-ahalaz baliatzea eskatzen duten gai guztiei buruz erabakitzeko eskumena, halaxe ezartzen du-eta Kode Zibilaren 156. artikuluak, guraso-ahalaz baliatzea larriki eragozgten duten ez-ohiko egoeretarako. Aita lurralde nazionalera ez dela itzuli joko da, kontrakorik benetan frogatu ezean. Adingabea lurralde nazionaletik irteteko edo bertara sartzeko, ez da aitaren baimenik beharko. Amak erabakitzeko eskubidea baldin badauka ere demandatua atzerrian bizi den bitartean, hartzen dituen erabaki guztien berri eman beharko dio hari.
2.– Zaintza eta jagoletza amari ematen zaio.
3.– Bisita-erregimena bosgarren oinarriaren araberakoa da.
4.– Honako obligazio hau ezartzen zaio aitari: seme bakoitzarengatik, kontzeptu ororengatik jasotzen duen zenbateko garbiaren % 15 ordaintzea, mantenu-pentsio gisa. 100 euroko gutxieneko bat eta 350 euroko gehienezko bat ezartzen da seme bakoitzarengatik, harik eta biak independente egiten diren arte, eta seigarren oinarriko erregimena ezartzen da, ez-ohiko gastuei dagokienez. Zenbateko hori, KPIaren arabera eguneratuko da.
Ez da bidezkoa prozesuan eragindako kostuen gaineko deklaraziorik egitea.
Erabaki hau irmoa denean, kasuan kasuko erregistro zibilari jakinaraz bekio, auzilarien ezkontza inskribatuta dagoen erregistroari, bere erregistro-inskripzioaren ondoan oharra egin dezaten.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua). Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 4760 0000 33 0233 13. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria). Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Eta Carlos Emilio Padovan demandatuari behar bezalako jakinarazpena egiteko balio dezan, ematen eta sinatzen dut ediktu hau, Durangon (Bizkaia), bi mila eta hamalauko maiatzaren hogeita zortzian.
IDAZKARIA.
