Euskal Herriko Agintaritzaren Aldizkaria

41. zk., 2003ko otsailaren 26a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Durangoko Lehen Auzialdiko 3 Zenbakiko Epaitegia

1201

EDIKTUA, 202/01 desahuzioko hitzezko epaiketari dagokiona.

JAKINARAZPEN-ZEDULA

Aipaturiko prozeduran ondoren zehazten den ebazpena eman da. Hitzez hitz honela dio:

AUTOA

Erabaki duen epailea: Begoña López Anguita and.

Tokia: Durango (Bizkaia)

Eguna: bi mila eta biko ekainaren bosta.

AURREKARIAK

Bakarra.– Tejada prokuradore andreak, Ana María Lodosa Velez andrearen izenean eta ordez, idazkia aurkeztu du betearazpen idatzagiria eskatzeko Francisco Valle Domínguez jaunaren aurka ondorengo ebazpen judizialean oinarrituta:

Ebazpen mota eta eguna: 2001eko azaroaren 19ko epaia.

Zein epaiketetan eman den: JVD 202/01

Betearazlea: Ana María Lodosa Vélez

Alderdi betearazia: Francisco Valle Domínguez

Kondenaren zenbatekoa: errentamendu kontratua ebatzita, 58.800 pezeta ordaintzea gehi kostuak.

Eskatutako zenbatekoa: 353,39 euro zenbateko nagusia gehi beste 106,01 euro korritu eta kostuak.

ZUZENBIDEKO OINARRIAK

Lehena.– Aurkeztutako aginduak ordainarazpena dakar berekin, Prozedura Zibilaren 1/2000 Legearen (PZLb) 517. artikuluan ezarritakoaren arabera, eta beraz, diru-erreklamazioa zehatza eta garbia da.

Bigarrena.– Idazkiak 549.2 artikuluak ezarritako baldintzak betetzen ditu; halaber, lege horretako 551. artikuluaren prozesu-oinarriekin ere bat dator, eta eskatutako enbargo-neurria egokia da diru-erreklamazioetan. Beraz, azkenik aipatutako aginduaren arabera bidezkoa da eskatutako betearazpena aurrera eramatea.

Korritu eta kostuei buruz, eskatutakoak ez du gainditzen 575.1 artikuluan ezarritako muga.

– Agindu judizialen betearazpenean ez denez beharrezkoa aurreko ordainketa eskaria (PZLb-ren 580. artikulua), bidezkoa da ebazpen honen bidez zuzenean alderdi betearazleak izendatutako ondasunen enbargoa agintzea, nahikoa direlako eskatutako zenbatekoari aurre egiteko, PZLb-ren 553.1.4, artikuluak ezarritakoaren arabera.

XEDAPEN ZATIA

1.– Ana Maria Lodosa Velez alderdi betearazleak eskatuta egin da betearazpena Francisco Valle Domínguez alderdi-betearaziaren aurka, eta idatzagiriak zenbateko hauek ditu: 353,39 euro zenbateko nagusia gehi 106,01 euro korritu eta kostuak.

Franciso Valle Domínguez alderdi betearazia enbargatuta deklaratzen da eta ondorengo ondasunak nahikotzat hartzen dira betearazpen idatzagirian finkatutako zenbatekoak ordaintzeko: Gizarte Segurantzako Institutu Nazionaletik jaso ditzakeen diru-sarrerak.

Eskatutakoarekin bat eginez, bidal bekizkie ofizioak Lan eta Gizarte Gaietarako Ministerioari, Gizarte Segurantzako Estatu Idazkaritzari, Gizarte Segurantzako Institutu Nazionalaren Bizkaiko Zuzendaritza-Probintzialari, soldataren zati proportzionalaren eta Francisco Valle Domínguez alderdi betearaziaren bertako langile den aldetik dituen diru-sarreren atxikitzeari ekin dakien, prozedura honetan erreklamatzen diren erantzukizunak ordaindu arte, betiere kontuan hartuta Prozedura Zibilaren 1/2000 Legearen (PZLb) 607. artikuluan finkatutako eskala.

Jasota gera bedi diru-sarrerak Epaitegi honetako gordailu eta kontsignazioen kontuan egin beharko direla.

Eman bekio agindua epaitegi honetako dagokion agente judizialari, edota kasuan kasuko Jakinarazpen eta Enbargoen Zerbitzu Erkideari, habilitatutako idazkari edo ofizialak lagunduta, zehaztutako zenbatekoak ordaintzeko heinean betearaziaren ondasunak enbargatzeko, betiere PZLb-ren III liburuko IV tituluko III. kapituluaren 1. atalean ezarritako kontrako prebentzioak kontuan hartuta.

Adieraz bekie alderdiei prozesua gauzatzen ari den bitartean euren bizilekua aldatuko balute, auzitegia jakinaren gainean jarri behar dutela berehala, PZLb-ren 155.5 artikuluan xedatutakoaren arabera.

Jakinaraz bekio ebazpen hau betearaziari eta entregatu demanda betearazlearen kopia eta erantsitako dokumentuena, zitazio eta epatzerik gabe, betearazpenean ager dadin edozein momentutan.

Ebazpen hau irmoa da eta bere aurka ezin da errekurtsorik aurkeztu (PZLb-ren 551.1 artikulua), baina zordunak betearazpenaren aurka egiteko aukera izango du auto hau jakinarazi eta hurrengo hamar eguneko epean.

Erabaki eta izenpetu du epaileak. Fedea ematen dut.

Epailearen sinadura		Idazkariaren sinadura

Eta Francisco Valle Domínguez jaunaren bizilekua ezagutzen ez denez, ediktu hau egin da jakinarazpen-zedula gisa balio dakion.

Durango (Bizkaia), bi mila eta hiruko urtarrilaren hogeita hirua.

IDAZKARIA.