Euskal Herriko Agintaritzaren Aldizkaria

122. zk., 2011ko ekainaren 28a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Tolosako Lehen Auzialdiko eta Instrukzioko 1 Zenbakiko Epaitegia

3340

EDIKTUA, 606/10 prozedura arruntaren ondoriozkoa.

JAKINARAZPEN-ZEDULA

Tolosako (Bizkaia) Lehen Auzialdiko 1 zenbakiko Epaitegian 606/10 prozedura arrunta bideratu da, Virginia Azpiroz Seco, Martin Santos Azpiroz Salazar, Angel Azpiroz Navarro, Maria Coro Amas Azpiroz, Luis Maria Amas Azpiroz, Iñigo de Loyola Amas San Jose, Gonzalo Amas San Jose, Maria Belen Natalia San Jose Arteaga, Maria Jesus Sanchez Mainer, Ion Imanol Azpiroz Sanchez eta Julen Azpiroz Sanchezek eskatuta, honako hauen aurkakoa: Lino Azpiroz Garmendia, Lino Azpiroz Garmendiaren jaraunsle ezezagunak eta Jose Gregorio Azpiroz Garmendiaren jaraunsle ezezagunak. Gaia: jabetza bati buruzko deklarazio-egintza. Prozedura horretan 94/11 epaia eman da, 2011-05-18ko datarekin; hona hemen, hitzez hitz, idazpurua eta epaitza:

94/11 EPAIA

Epailea: Helena Antona Suena andrea.

Lekua: Tolosa (Gipuzkoa).

Eguna: bi mila eta hamaikako maiatzaren hamazortzia.

Alderdi demandatzailea: Virginia Azpiroz Seco, Martin Santos Azpiroz Salazar, Angel Azpiroz Navarro, Maria Coro Amas Azpiroz, Luis Maria Amas Azpiroz, Iñigo de Loyola Amas San Jose, Gonzalo Amas San Jose, Maria Belen Natalia San Jose Arteaga, Maria Jesus Sanchez Mainer, Ion Imanol Azpiroz Sanchez eta Julen Azpiroz Sanchez.

Abokatua: Fernando Cristobal Querejeta.

Prokuradorea: Iñigo Navajas Saiz.

Alderdi demandatua: Lino Azpiroz Garmendia, Lino Azpiroz Garmendiaren jaraunsle ezezagunak eta Jose Gregorio Azpiroz Garmendiaren jaraunsle ezezagunak, auzi-ihesean daudenak.

Judizioaren gaia: jabaria deklaratzeko egintza.

Helena Antona Suenak, hiri honetako Lehen Auzialdiko eta Instrukzioko 1 zenbakiko Epaitegiko eta bere barruti judizialeko epaileak, ikusi ditu diru-zenbateko bat erreklamatzeko 606/10 judizio arrunteko autoak. Idazpuruan ageri diren alderdiek parte hartu dute. Eta ondoko epaia eman du:

EPAITZA

Osorik onartzen dut Íñigo Navajas Saiz prokuradoreak honako hauen izenean eta ordez jarritako demanda: Martín Santos Azpiroz Salazar, Ángel Azpiroz Navarro, Virginia Azpiroz Seco, M.ª del Coro Amas Azpiroz, Luis María Amas Azpiroz, Íñigo de Loyola Amas San José, Gonzalo Amas San José, M.ª Belén Natalia San José Arteaga eta M.ª Jesús Sánchez Mainer. Demanda hauen kontra jarri zen: Lino Azpiroz Garmendia eta, hala badagokio, bere jaraunsle ezezagunak eta José Gregorio Azpiroz Garmendiaren jaraunsle ezezagunak. Horregatik guztiagatik, honako hau deklaratzen dut:

- Martín Santos Azpiroz Salazar, Ángel Azpiroz Navarro, Virginia Azpiroz Seco, M.ª del Coro Amas Azpiroz, Luis María Amas Azpiroz, Íñigo de Loyola Amas San José, Gonzalo Amas San José, M.ª Belén Natalia San José Arteaga eta M.ª Jesús Sánchez Mainer jaun-andreek erosi egin dutela bai demandaren lehenengo aurrekarian, bai ebazpen honen bigarren oinarri juridikoan deskribatutako finken jabari osoa.

- Martín Santos Azpiroz Salazar, Ángel Azpiroz Navarro, Virginia Azpiroz Seco, M.ª del Coro Amas Azpiroz, Luis María Amas Azpiroz, Íñigo de Loyola Amas San José, Gonzalo Amas San José, M.ª Belén Natalia San José Arteaga eta M.ª Jesús Sánchez Mainer jaun-andreak deskribatutako finken jabari osoaren titularrak direla, epaiaren hirugarren oinarrian zehaztutako zatiezinezko kuotekin.

- Tolosako Jabetza Erregistroari agindu behar zaio inskribatu dezala aipatutako jabari-titularitatea.

Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegiari zuzenduta (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ediktu hau jakinarazi eta biharamunetik aurrera bost egun balioduneko epean. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabakiren aurka egiten den (PZLb, 457.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailu eta Kontsignazioen kontuan kontsignatu beharko da (kontuaren zenbakia). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa prestatzerakoan, diru-zenbateko hori zainpean jarri izana egiaztatu beharko da (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.- Epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut Tolosan (Gipuzkoa), bi mila eta hamaikako maiatzaren hamazortzian.

Eta behar bezalako jakinarazpen-balioa izan dezan demandatuentzat (Lino Azpiroz Garmendia, Lino Azpiroz Garmendiaren jaraunsle ezezagunak eta José Gregorio Azpiroz Garmendiaren jaraunsle ezezagunak), eman eta izenpetzen dut hau, Tolosan (Gipuzkoa), bi mila eta hamaikako maiatzaren hamazortzian.

IDAZKARIA.