Euskal Herriko Agintaritzaren Aldizkaria

53. zk., 2012ko martxoaren 14a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Euskal Herriko Unibertsitatea

1225

EBAZPENA, 2012ko otsailaren 17koa, Universidad de País Vasco / Euskal Herriko Unibertsitatearena, Juan Miguel López Gil jauna «Hizkuntza eta Sistema Informatikoak» jakintza arloan irakasle agregatu moduan kontratatzeko proposamena egitekoa dena. Plaza horren deia 2011ko urriaren 13ko Ebazpenaren bidez egin zen (2011ko azaroaren 14ko EHAA).

Errektorearen 2011ko urriaren 13ko Ebazpenaren bitartez (2011ko azaroaren 14ko EHAA) batzordea osatu zen, ebazpen horretan bertan deitutako irakasle agregatua plazak hornitzeko lehiaketak epaitzeko. Batzorde horren proposamenari jarraitu zaio eta ezarrita dauden prozedura eta baldintzak bete dira, honako hauekin bat etorriz: otsailaren 25eko 3/2004 Legea, Euskal Unibertsitate Sistemari buruzkoa; Hezkuntza, Unibertsitate eta Ikerketa Sailaren martxoaren 4ko 40/2008 Dekretua, UPV/EHUko irakasleen eta ikertzaileen araubideari buruzkoa; irakasle kontratatu iraunkorrak hautatu eta kontratatzeko prozedura, Euskal Herriko Unibertsitateko Gobernu Kontseiluak 2008ko maiatzaren 8an onartua eta Irakasleen errektoreordearen 2008ko ekainaren 23ko Ebazpenaren bidez uztailaren 15eko EHAAn argitaratua; deialdiko oinarriak; aplikagarri diren arau orokorrak; eta, aurreikusita ez dagoenerako, administrazio publikoan sartzeko araubide orokorra arautzen duten estatu mailako xedapenak

Errektoreak erabaki du Juan Miguel López Gil jauna (NAN: 34.109.808-A) Euskal Herriko Unibertsitateko irakasle agregatu moduan kontratatzeko proposamena egitea. Kodea: AGC8L1-D00141-11. Jakintza-arloa: «Hizkuntza eta Sistema Informatikoak». Saila: Hizkuntza eta Sistema Informatikoak». Ikastegia: Gasteizko Ingeniaritzako U.E. Gasteiz. Hizkuntza-eskakizuna: elebiduna. Arduraldia: osoa. Egin beharreko lanak: «Programazio Modularra eta Objektuetara Bideratutako Orientazioa».

Proposatutako lehiakideak 20 laneguneko epea izango du, ebazpena Euskal Herriko Agintaritzaren Aldizkarian argitaratu eta hurrengo egunetik hasita, dagokion lan kontratuaren formalizazio guztiak gauzatu eta plaza betetzeko, eta kontratazioaren aurretik lehiaketaren deialdiak 9. oinarrian zehazten den dokumentazio guztia aurkezteko, Deialdi eta Lehiaketa Atalean.

Ebazpen honek amaiera ematen dio administrazio-bideari, baina interesdunak berraztertze-errekurtsoa aurkez diezaioke Irakasleen errektoreordetzari, hilabeteko epean; bestela, administrazioarekiko auzi errekurtsoa jar dezake zuzenean Bilboko Administrazio Auzietako epaitegietan, bi hilabeteko epean. Epe biak Euskal Herriko Agintaritzaren Aldizkarian argitaratzen den egunean hasiko dira.

Leioa, 2012ko otsailaren 17a.

Errektorea.

Eginkizunak Eskuordetuta (11-02-25eko Ebazpena, 2011-03-17ko EHAA)

Irakasleen errektoreordea,

JON IRAZUSTA ASTIAZARAN.

Azterketa dokumentala