Euskal Herriko Agintaritzaren Aldizkaria

109. zk., 2012ko ekainaren 5a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

EUSKAL HERRIKO UNIBERTSITATEA

2528

EBAZPENA, 2012ko maiatzaren 16koa, Universidad del País Vasco / Euskal Herriko Unibertsitateko gerentearena, administrazio eta zerbitzuetako pertsonalaren lanpostuen zerrendan egindako aldaketak argitaratzeko agintzen duena.

Euskal Autonomia Erkidegoko Auzitegi Nagusiko Administrazioarekiko Auzien Salak igorritako probidentzia jaso da, non auzitegi horren 2009ko irailaren 21eko epaiaren irmotasunaren lekukotza ematen den. Epai honetan, María Aranzazu Abecia Ansotegui andreak, María del Pilar Arregui Ruiz andreak, José Ramón Mercader Sereno jaunak eta Maria Emilia López Holgado andreak UPV/EHUko administrazio eta zerbitzuetako pertsonalaren lanpostuen zerrenda aldatzen duen 2007ko azaroaren 29ko erabakiaren aurka jarritako errekurtsoa ontzat jotzen da eta aipaturiko lanpostuen zerrenda baliorik gabe uzten du, «bibliotekako administrazio laguntzailearen» lanpostuaren lantoki osagarriaren mailari dagokionean, eta berori aldatu egiten du (edo lanpostuaren balioespenaren ondoriozko aldaketa gehituta), lanpostuari berez dagokion lantoki osagarriaren 17. maila jarriz.

Era berean, EAEko Auzitegi Nagusiko Administrazioarekiko Auzien Salaren probidentzia jaso dugu, eta bertan epaia irmoa dela adierazten da Juan Carlos Arizkorreta Arcochak UPV/EHUren 2007-11-29ko Erabakiaren aurka aurkeztutako 1102/08-1 prozedura arruntaren zenbakiko administrazioarekiko auzi errekurtsoaren kariaz. Erabakia 2007-12-27an argitaratu zen EHAAn eta Administrazio eta Zerbitzuetako Pertsonalaren lanpostuen zerrendan egindako aldaketak argitaratzeko agintzen zuen. Epaiak indarrik gabe utzi ditu aipatutako jarduketak «Ezagutzak» atala balioesteari dagokionez, 8. gradura igotzen dena, eta 25era igotzen den lanpostuaren mailaz. Kontuan hartu beharko dira horren eraginez sortzen diren ekonomi eta administrazio ondorioak.

Arestikoaren arabera, gerentzia honek, aurretiaz Gobernu Kontseiluari 2012ko maiatzaren 16an eginiko bileran jakinarazi zaiolarik, eta errektorearen 2011-02-25eko ebazpenaren bidez esleitu zaizkion eskumenak baliaturik,

EBAZTEN DU:

Lehenengoa.– Euskal Herriko Agintaritzaren Aldizkarian administrazio eta zerbitzuetako pertsonalaren lanpostuen zerrendan egindako aldaketak argitaratzeko agintzea, ebazpen honi atxikitako eranskinean ageri bezala.

Bigarrena.– Lehen aipatutako eraldaketok 2008ko urtarrilaren 1etik aurrerako ondorioak izanen dituzte (salbu eta mailaren aldaketak eragindako ekonomi ondorioak izan ezik, beroriek 2006ko urtarrilaren 1era iritsita) eta beren aurka aukerazko berraztertze errekurtsoa jarri ahalko dute interesatuek, hilabetearen epean, Gobernu Kontseiluaren aurrean, edo zuzenean administrazioarekiko auzi-errekurtsoa EAEko Auzitegi Nagusiaren aurrean, honako ebazpen hau Euskal Herriko Agintaritzaren Aldizkarian argitaratu eta hurrengo egunetik bi hilabete bitarteko epean.

Leioa, 2012ko maiatzaren 16a.

Gerentea,

xabier aizpurua telleria.

(Ikus .PDF)

Azterketa dokumentala