RSS
109. zk., 2012ko ekainaren 5a, asteartea
- Bestelako formatuak:
- PDF (182 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 9 ZENBAKIKO EPAITEGIA
2535
EDIKTUA, trafiko-gai bati buruzko 28/11 hitzezko judizioaren ondoriozkoa.
JAKINARAZPEN-ZEDULA
Bilboko (Bizkaia) Lehen Auzialdiko 9 zenbakiko Epaitegian, 28/11 hitzezko judizioaren prozedura bideratu da, Jose Maria Resa Lopezek hala eskatuta, Jose Miguel Herrera Triviño eta Aseguruen Konpentsazio Partzuergoaren aurka (gaia: zirkulazioa). Prozedura horren gainean epaia eman da. Hona hemen idazpurua eta epaitza, kopiatuta:
32/12 EPAIA
Epailea: Maria Esther Gonzalez Rodríguez.
Lekua: Bilbao (Bizkaia).
Eguna: bi mila eta hamabiko otsailaren hogeia.
Alderdi demandatzailea: Jose Maria Resa Lopez.
Abokatua: Maria Pilar Gamboa Elguea.
Prokuradorea: Pedro Carnicero Santiago.
Alderdi demandatua: Jose Miguel Herrera Triviño, auzi-ihesean dena.
Aseguruen Konpentsazio Partzuergoa, Estatuaren abokatuak ordezkatuta.
Abokatua.
Prokuradorea.
Judizioaren gaia: hitzezkoa, zirkulazioa.
EPAITZA
Baietsi egiten dut Pedro Carnicero Santiago prokuradoreak –José Maria Resa Lopezen izenean eta ordezkaritzan– aurkeztu duen demanda, auzi-ihesean den Jose Miguel Herrera Triviñoren eta Aseguruen Konpentsazio Partzuergoaren aurkakoa (azken horren letratua José Antonio Jiménez da). Horregatik, demandatu horiek kondenatzen ditut auzi-jartzaileari modu solidarioan 2.599,08 euro ordaintzera, eta Aseguruen Konpentsazio Partzuergoa kondenatzen dut auzi-jartzaileari zenbateko horren urteko interes bat ordaintzera, zehazki, legezko interesa gehi % 50, ezbehar egunetik aurrera; interes hori ezingo da izan % 20tik beherakoa, ezbeharra gertatu eta bi urte igarotzen direnetik aurrera.
Demandatuei berariaz ezartzen zaizkie prozedura honetan sortutako kostuak.
Ebazpen hau irmoa da PZLb-ren 455.1 artikuluan ezarritakoari jarraiki (prozesuak bizkortzeko neurriei buruzko urriaren 10eko 37/2011 Legearen idazkera).
Eta epai honen bidez erabaki, agindu eta sinatzen dut.
Jose Miguel Herrera Triviño demandatuari behar bezala jakinarazteko eman eta sinatu dut ediktu hau, Bilbon (Bizkaia), bi mila eta hamabiko otsailaren hogeian.
IDAZKARIA.
