Euskal Herriko Agintaritzaren Aldizkaria

110. zk., 2012ko ekainaren 6a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 2 ZENBAKIKO EPAITEGIA

2550

EDIKTUA, 664/11 prozedura arruntaren ondoriozkoa.

JAKINARAZPEN-ZEDULA

Barakaldoko Lehen Auzialdiko 2 zenbakiko Epaitegian (Bizkaia), 664/11 prozedura arrunta bideratu da, preskripzio-bidezko eskuratzeari buruz, Honorina Seco Toribiok eskatuta, Zoilo Retuerto Salazar jaunaren jaraunsleen aurka. Prozedura horren gainean, epaia eman da. Hona hemen idazpurua eta epaitza, kopiatuta:

16/12 EPAIA

Epailea: Amaia del Cid Madariaga andrea.

Lekua: Barakaldo (Bizkaia).

Eguna: 2012ko urtarrilaren 17a.

Alderdi demandatzailea: Honorina Seco Toribio.

Abokatua: Asunción Salcedo Burgos.

Prokuradorea: Jesús María Martinez Rivero.

Alderdi demandatua: Zoilo Retuerto Salazar jaunaren jaraunsleak.

Abokatua: auzi-iheslariak.

Prokuradorea: auzi-iheslariak.

Judizioaren gaia: preskripzio bidezko eskuratzea (usukapio).

EPAITZA

Baietsi egiten dut Jesús María Martínez Rivero prokuradoreak Honorina Seco Toribio andrearen izenean eta ordez aurkeztutako demanda, Zoilo Retuerto Salazar jaunaren jaraunsleen aurkakoa. Eta, horrenbestez:

1.– Deklaratu egiten dut Honorina Seco Toribio andreak ez-ohiko preskripzioz eskuratu duela honako helbide honetan dagoen etxebizitzaren jabari osoa: Arana kalea 13, 2. ezk. B, Barakaldo (Bizkaia).

2.– Erabaki hori onartu eta betetzera kondenatzen ditut demandatuak.

3.– Agindu egiten dut, halaber, aipatutako finka inmatrikulatzeko beharrezko diren egintza guztiak egiteko, hala behar izanez gero, bai eta etxebizitza Honorina Seco Toribio andrearen alde erregistroan inskribatzeko ere.

Kostuak demandatuei ezartzen zaizkie.

Aurkaratzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da, epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta demandatuei –Zoilo Retuerto Salazar jaunaren jaraunsleei– legezko jakinarazpena egiteko, ematen eta sinatzen dut ediktu hau, Barakaldon (Bizkaia), 2012ko urtarrilaren 19an.

IDAZKARIA.

Azterketa dokumentala