RSS
183. zk., 2013ko irailaren 25a, asteazkena
- Bestelako formatuak:
- PDF (176 KB - 1 orri.)
- EPUB (96 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
LEHENDAKARITZA
4056
EBAZPENA, 2013ko abuztuaren 12koa, Emakunde-Emakumearen Euskal Erakundeko zuzendariarena, Bilbao Bizkaia Kutxa-BBK erakundeari emakumeen eta gizonen aukera berdintasunerako lankidetza erakundearen aitorpena galdutzat jotzen duena.
Azaroaren 8ko 424/1994 Dekretuaren bidez, «Emakumeen eta gizonezkoen aukera berdintasunerako Lankidetza Erakundea» figura sortu zen, aukera-berdintasunen alde gizartean eta lan-munduan sor daitezkeen ekimenak indartzeko eta eremu horretan erakundeek egiten duten lana aitortzeko.
Emakumearen Euskal Erakundeko zuzendariaren 2004ko abenduaren 28ko Ebazpenaren bitartez, Bilbao Bizkaia Kutxari emakumezkoen eta gizonezkoen aukera-berdintasunerako lankidetza erakundearen izaera onartu zen (2005eko otsailaren 3ko EHAA, 23. zenbakia).
Bilbao Bizkaia Kutxa-BBK, Caja Vital Kutxa y Gipuzkoa eta Donostiako Aurrezki Kutxa enpresen arteko fusioa dela eta, egoera balioetsita, eta «Emakumeen eta gizonezkoen aukera berdintasunerako Lankidetza Erakundea» izeneko figura sortzen duen azaroaren 8ko 424/1994 Dekretuaren 6.3 artikuluan azarritakoa aztertu ostean, honako hau
EBAZTEN DUT:
Artikulu bakarra.- Bilbao Bizkaia Kutxa-BBK erakundearen Emakumeen eta Gizonen Aukera berdintasunerako Lankidetza Erakundearen aitorpena galdutzat jotzea, izaera aitorpena emateko betekizunak arras aldatu direlako beste enpresekin batzean. Hau da, azaroaren 8ko 424/1994 Dekretuan aitorpenerako ezarritako betekizunak ez baitira bete (424/1994 Dekretua, Emakumeen eta Gizonen Aukera-berdintasunerako Lankidetza Erakundearen figura sortzekoa).
AZKEN XEDAPENA
Ebazpen honek amaiera ematen dio administrazio-bideari, eta, beraren aurka, interesdunek berraztertze-errekurtsoa aurkez diezaiokete Emakunde-Emakumearen Euskal Erakundeko zuzendariari, hilabeteko epean, ebazpenaren jakinarazpena jaso eta biharamunetik aurrera; bestela, administrazioarekiko auzi-errekurtsoa aurkez dezakete zuzenean, dagokion Administrazioarekiko Auzietako Epaitegian, hil biko epean, ebazpenaren jakinarazpena jaso eta biharamunetik aurrera.
Vitoria-Gasteiz, 2013ko abuztuaren 12a.
Emakunde-Emakumearen Euskal Erakundeko zuzendaria,
MIREN IZASKUN LANDAIDA LARIZGOITIA.
