17. zk., 2014ko urtarrilaren 27a, astelehena
- Bestelako formatuak:
- PDF (176 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
AZPEITIKO LEHEN AUZIALDIKO ETA INSTRUKZIOKO 2 ZENBAKIKO EPAITEGIA
346
EDIKTUA, 160/11 prozedura arruntaren ondoriozkoa.
JAKINARAZPEN-ZEDULA
Azpeitiko Lehen Auzialdiko 2 zenbakiko Epaitegian, 160/11 prozedura arrunta bideratu da, Erreti Eraikuntzak, S.L.k eskatuta, Pavimentos Bizkor, S.L.ren aurka. Prozedura horren gainean epaia eman da. Idazpuruak eta epaitzak honela diote hitzez hitz:
131/12 EPAIA
Epailea: Angela Fernandez Zabalegui.
Lekua: Azpeitia (Gipuzkoa).
Eguna: bi mila eta hamabiko irailaren hogeita bosta.
Alderdi demandatzailea: Erreti Eraikuntzak, S.L.
Abokatua.
Prokuradorea: Juan Jose Gonzalez Belmonte.
Alderdi demandatua: Pavimentos Bizkor, S.L.
Abokatua.
Prokuradorea.
Judizioko gaia: judizio arrunta.
EPAITZA
Auzi-ihesean den Pavimentos Bizkor, S.L.ren aurka, Erreti Eraikuntzak, S.L.ren izenean eta ordez Juan José González Belmonte prokuradoreak aurkeztutako demanda baietsi egiten dut; eta auzi-jartzaileari honako hauek pagatzera kondenatzen dut demandatua: 20.197,91 euro, eta 2010eko martxoaren 18tik aitzina sortutako interes legezkoak; kostuak demandatuari ezartzen zaizkio.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan (kontuaren zenbakia: TX_ZNUDEP. Dirua sartu izanaren agirian, kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Argitaratzea: epaiari dagokion egunean, jendaurreko entzunaldia egiten ari zelarik, epaia eman zuen epaile berberak eman, irakurri eta argitaratu zuen. Eta nik, Azpeitiko idazkari judiziala naizenez, horren guztiaren fede ematen dut Azpeitian (Gipuzkoa), bi mila eta hamabiko irailaren hogeita bostean.
Eta demandatuari behar bezalako jakinarazpena egiteko balio dezan, ematen eta sinatzen dut ediktu hau, Azpeitian (Gipuzkoa), bi mila eta hamabiko urriaren bian.
IDAZKARIA.