RSS
34. zk., 2014ko otsailaren 19a, asteazkena
- Bestelako formatuak:
- PDF (184 KB - 2 orri.)
- EPUB (205 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
EKONOMIAREN GARAPEN ETA LEHIAKORTASUN SAILA
818
IRAGARKIA, 2014ko urtarrilaren 16koa, Ekonomiaren Garapen eta Lehiakortasun Sailaren Gipuzkoako Lurralde ordezkariarena. Honen bidez, Oiartzungo udal-barrutiko Ibarre auzoan, Gipuzkoako Lurralde Historikoan, 5 bar-eko operazioko presio maximoan gas naturala banatzeko sare-zabaltzeari dagokion proiektua jendaurrean jartzen da.
Ondoren aipatuko den instalazio-proiektua jendaurrean jartzen da, honako xedapen hauek aintzakotzat hartuta: urriaren 7ko Hidrokarburoen Alorrari buruzko 34/1998 Legeko 73.4 artikulua (1998-10-08ko EAO) eta abenduaren 27ko 1434/2002 Errege Dekretuan (2002-12-31ko EAO); 1954ko abenduaren 16ko Nahitaezko Desjabetzeei buruzko Legeko 17-2. eta 52. artikuluak (1954-12-17ko EAO); Lege horri buruzko 1957ko apirilaren 26ko Araudiko 56. artikulua (1957-06-20ko EAO); eta azaroaren 26ko 30/1992 legeko 86. artikulua, Herri Administrazioen Araubide Juridikoari eta Administrazio Prozedura Erkideari buruzkoa (1992-11-27ko EAO); baita proiektuarekin batera, eskatzaileak desjabetu beharrekotzat hartzen dituen ondasun eta eskubideen zerrenda ere.
– Eskatzailea: Naturgas Energía Distribución, S.A.U.; egoitza: General Concha kaleko 20. zk. - 48010 Bilbo (Bizkaia).
– Eskaeraren xedea: Oiartzungo udal-barrutiko Ibarre auzoan (Gipuzkoa), 5 bar-eko operazioko presio maximoan gas naturala banatzeko sare-zabaltzerako zehazki herri-onurakotzat jotzea.
– Espedientea: RI 20/24163 – CGG 2013/11.
– Instalazioaren ezaugarriak: Aurkeztutako proiektuan jasotakoak.
– Desjabetu beharreko ondasun eta eskubideak: iragarki honen eranskinean jasotakoak.
– Aurrekontua: 27.087,86 euro.
– Zehazki herri-onurako deklarazioa eskatu dute.
Hori guztia jendaurrean jartzen da Eusko Jaurlaritzako Ekonomiaren Garapen eta Lehiakortasun Sailaren Gipuzkoako Lurralde Ordezkaritzan, Donostiako Easo kaleko 10.ean; 20006, proiektua eta dagokion eskaera aztertuak izan daitezen, eta hogei eguneko epean, iragarki hau argitaratu eta hurrengo egunean hasita, egoki iritzitako erreklamazio eta arrazoibideak aurkezteko, edo aipatutakoarekin lehiatzeko egin nahi diren eskaera eta proiektuak aurkezteko. Kopia hirukoitzak aurkeztu beharko dira.
Donostia, 2014ko urtarrilaren 16a.
Lurralde ordezkaria,
JAVIER LÓPEZ LARRINAGA.
