Euskal Herriko Agintaritzaren Aldizkaria

77. zk., 2014ko apirilaren 24a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 5 ZENBAKIKO EPAITEGIA

1892

EDIKTUA, erantzukizun zibilaren gainean bideratutako 131/13 prozedura arruntaren ondoriozkoa.

Vitoria-Gasteizko Lehen Auzialdiko 5 zenbakiko Zuzeneko Laguntza emateko Unitate Prozesala.

Judizioa: 131/13 prozedura arrunta.

Demandatzailea: Catersa Santiago, S.L.

Abokatua: Miguel Angel Zulaica Balduz.

Prokuradorea: Perez Avila.

Demandatua: Lukitrans Veintiuno, S.L. eta Mapfre.

Gaia: diru-zenbateko bat erreklamatzea.

Aipatu judizioan, epaia eman da 2013-12-09an, eta honako hau da haren epaitza:

Lukitrans 21, S.L.ren eta Mapfre-ren aurka, Catersa Santiagok aurkeztutako demanda partez baiesten dudanez gero, auzi-jartzailea solidarioki eta 17.744 euro zenbatekoaz indemnizatzera kondenatzen ditut demandatuak. Ebazpen honetan jasotako zuzenbideko hirugarren oinarrian zehaztu diren interesak sorraraziko ditu zenbateko horrek.

Ez da kosturik ezartzen.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 0004 0000 04 0131 13. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori kontsignan utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Lukitrans Veintiuno, S.L. demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Vitoria-Gasteiz, 2014ko martxoaren 24a.

IDAZKARI JUDIZIALA.

Azterketa dokumentala