RSS
138. zk., 2014ko uztailaren 22a, asteartea
- Bestelako formatuak:
- PDF (212 KB - 2 orri.)
- EPUB (197 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BERGARAKO LEHEN AUZIALDIKO ETA INSTRUKZIOKO 4 ZENBAKIKO EPAITEGIA
3338
EDIKTUA, ezkontzaz kanpoko seme-alabentzako neurrien gainean bideratutako 234/13 prozeduraren ondoriozkoa.
EDIKTUA
Bergarako Lehen Auzialdiko eta Instrukzioko 4 zenbakiko Zuzeneko Laguntza emateko Unitate Prozesala.
Judizioa: 234/13 ezkontzaz kanpoko seme-alabentzako neurriak.
Alderdi demandatzailea: Rebeca Borja Fernandez.
Alderdi demandatua: Alberto Jimenez Montoya.
Gaia: ezkontzaz kanpoko seme-alabentzako neurriak.
Judizio horretan epaia eman da, eta haren idazpuruak eta epaitzak ondokoa diote:
35/14 EPAIA
Epailea: Marta Lucía Moratinos Vielva.
Lekua: Bergara (Gipuzkoa).
Eguna: bi mila eta hamalauko martxoaren zazpia.
Alderdi demandatzailea: Rebeca Borja Fernandez.
Abokatua: Milagros Larrañaga Ranero.
Prokuradorea: Miguel Ángel Oteiza Iso.
Alderdi demandatua: Alberto Jimenez Montoya en rebeldía.
Judizioaren gaia: ezkontzaz kanpoko seme-alabentzako neurriak.
EPAITZA
Baietsi egiten dut Miguel Ángel Oteiza Iso epaitegietako prokuradoreak Rebeca Borja Fernándezen izenean eta ordezkaritzan aurkeztutako demanda, Alberto Jiménez Montoyaren aurkakoa. Horrenbestez, neurri hauek hartu behar ditut XXXXX adingabeari dagokionez:
1.– XXXXX adingabearen onurarako, Rebeca Borja Fernández amari ematen zaio haren zaintza eta jagoletza, eta guraso-ahala, aldiz, bi gurasoek izango dute.
2.– Seme adingabekoarentzako elikagai-mantenua dela-eta, aitak 100 euro ordaindu beharko ditu, hilero, hile bakoitzeko lehen bost egunetan, amak hartarako izendatzen duen libreta edo kontu korrontean; kopuru hori, bestalde, KPIk izandako aldaketaren –EINek edo bere ordezko erakunde ofizialak argitaratutakoren– arabera eguneratu beharko da.
Aparteko gastuak bi gurasoek ordainduko dituzte erdibana, betiere gastu hori beharrezkoa den adostu eta gero.
3.– Alberto Jiménez Montoya aitari seme adingabea bisitatzeko bisita-erregimen hau ezartzen zaio:
a) XXXXX adingabeak 3 urte bete arte, aita harekin egon ahal izango da 4 orduz, bi larunbatetik behin. Alderdien arteko akordiorik ezean, goizeko 10:00etatik arratsaldeko 14:00etara egongo da.
b) XXXXX adingabeak 3 urte betetzen dituenetik aurrera, aita harekin egon ahal izango da 8 orduz, bi larunbatetik behin, gaua igaro gabe. Alderdien arteko akordiorik ezean, goizeko 10:00etatik arratsaldeko 19:00etara egongo da.
Adingabea amaren etxean jaso eta entregatu beharko da.
Prozedura honen izaera berezia aintzat harturik, kostuak ez zaizkio inori ezartzen, eta, alderdi bakoitzak sortutako kostuak, alderdiak berak ordainduko ditu, eta komunak erdibana.
Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den, eta zein erabaki aurkaratzen diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 1877. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.
Bergara (Gipuzkoa), 2014ko uztailaren 1a.
IDAZKARI JUDIZIALA.
