Euskal Herriko Agintaritzaren Aldizkaria

140. zk., 2014ko uztailaren 24a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

INGURUMEN ETA LURRALDE POLITIKA SAILA

3369

EBAZPENA, 2014ko uztailaren 11koa, Garraio Azpiegituren zuzendariarena, Hondarribiko portuan profesionalak ez diren aisia-ontziak amarratzeko aldi baterako baimena ematen duena eta itxaron-zerrenda eratzen duena.

Lehenengoa.– 2014ko apirilaren 15ean 2014ko apirilaren 7ko ebazpena argitaratzen da EHAAan, Garraio Azpiegituren zuzendariarena, zeinaren bitartez deialdi publikoa iragartzen baita Hondarribiko portuan profesionalak ez diren aisia-ontzietako titularrentzat amarralekuak erabiltzeko behin-behineko baimenak emateko asmoz.

Bigarrena.– Ebazpenaren aurrekarietan adierazten da, baimen horien prozedura jasota dagoela Garraio eta Herri Lan sailburuaren 2004ko apirilaren 20ko Aginduan; agindu horren bidez, Euskal Autonomia Erkidegoaren portuetan eta portu-instalazioetan profesional ez diren aisia-ontzien titularrei lotuneak erabiltzeko aldi baterako baimenak emateko prozedura arautzen da.

Hirugarrena.– Garraio eta Herri Lan sailburuaren 2004ko apirilaren 20ko Aginduak, 10.4 artikuluan, honako hau dio: «Itxaronzerrenda beti irekita izango da, harik eta deialdi berria egin arte, eta eskaera berriak noiznahi onartu ahal izango dira. Eskaera horiekin batera Agindu honen 4.2 artikuluan eskaturiko agiriak aurkeztu beharko dira, eta horiei ere lotuneak esleitzeko garaian 8.b artikuluan aurreikusitakoak aplikatuko zaizkie. Eskaera berriak ere Portu eta Itsas Gaietako zuzendariaren ebazpenaren bidez sartuko dira itxaronzerrendan» (Egun Garraio Azpiegituren zuzendaria).

Laugarrena.– Aipatutako 2014ko apirilaren 7ko ebazpenaren zortzigarren oinarriak ezartzen duenaren arabera, «Prozedura amaitzeko ebazpenak, Hondarribiko portuan amarralekuak erabiltzeko emandako baimenak jasoko ditu, baimenon ezetzak eta itxaron-zerrenda. Euskal Herriko Agintaritzaren Aldizkarian argitaratuko da».

Bosgarrena.– Portu-jardueren erregelamenduak, urriaren 21eko 236/1986 Dekretuaren bidez onartuak, 3. artikuluan oraingo Ingurumen eta Lurralde Politika Sailari ematen dio portuen antolaketa, kudeaketa eta kontrola egiteko eskumena portuko zerbitzuetan; azken finean, Euskal Autonomia Erkidegoaren eskumenekoak diren portuetan diren jarduera eta portu-instalazioetakoa.

Aurrean esandakoarekin bat etorriz, eta ikusita portuen lurralde zerbitzuak egindako proposamena, Zuzendaritza honek Ingurumen eta Lurralde Politika Sailaren egitura organikoa eta funtzionala ezartzen duen apirilaren 9ko 196/2013 Dekretuaren 6.e) eta 14.1.m) artikuluen arabera dituen ahalmenez baliatuta,

EBAZTEN DUT:

Lehenengoa.– I. eranskineko zerrendan jasota dauden eskatzaileen amarratzeko esleipena onartzea, II. eranskineko baldintzen arabera.

Bigarrena.– Ebazpen honetan, III. eranskin bezala, atxikitzen den itxaron-zerrenda onartzea. Zerrenda hori 2014ko uztailaren 11n egina da.

Hirugarrena.– Ebazpen honek ez dio bukaera ematen administrazio-bideari, eta, beraren aurka, gora jotzeko errekurtsoa aurkez dakioke Garraioetako sailburuordeari edo ebazpena eman duenari, hilabeteko epean, ebazpen hau argitaratu eta biharamunetik hasita.

AZKEN XEDAPENA

Ebazpen honek Euskal Herriko Agintaritzaren Aldizkarian argitaratu eta biharamunenetik aurrera sortuko ditu ondorioak.

Vitoria-Gasteiz, 2014ko uztailaren 11.

Garraio Azpiegituren zuzendaria,

MARÍA ALMUDENA RUIZ DE ANGULO DEL CAMPO.

(Ikus .PDF)

(Ikus .PDF)

(Ikus .PDF)

Azterketa dokumentala