Euskal Herriko Agintaritzaren Aldizkaria

144. zk., 2014ko uztailaren 31, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 1 ZENBAKIKO EPAITEGIA

3436

EDIKTUA, 11/14 hitzezko judizioaren ondoriozkoa.

Tolosako Lehen Auzialdiko eta Instrukzioko 1 zenbakiko Zuzeneko Laguntza emateko Unitate Prozesala.

Judizioa: 11/14 hitzezko judizioa.

Alderdi demandatzailea: Agustin Aizpurua Imaz.

Alderdi demandatua: Juan Ramon Legarra Sarasola.

Gaia: hitzezko judizioa.

Judizio horretan, ebazpena eman da, eta honela dio hitzez hitz:

32/14 EPAIA

Epailea: Helena Antona Suena.

Lekua: Tolosa (Gipuzkoa).

Eguna: bi mila eta hamalauko martxoaren hogeita bosta.

Alderdi demandatzailea: Agustin Aizpurua Imaz.

Abokatua: Miren Arantzazu Izaguirre Zabala.

Prokuradorea: Fernando Castro Mocoroa.

Alderdi demandatua: Juan Ramon Legarra Sarasola, auzi-ihesean.

Judizioko gaia: prekarioko ahozko judizioa.

EPAITZA

Fernando Castro Mocoroa epaitegietako prokuradoreak, Agustín Aizpurua Aimazen izenean eta ordez, Juan Ramón Legarra Sarasolaren aurka aurkeztutako demanda baiestea. Horrenbestez, demandatua kondenatzen dut finka uztera (Añorga baserria, Asteasun), eta ohartarazten diot, borondatez uzten ez badu, bota egingo dutela bertatik.

Alderdi demandatuari ezartzen dizkiot prozesuko kostuak.

Aurkaratzeko modua: apelazio-errekurtsoa, Gipuzkoako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, honako hauek adieraziko dira: aurkaratzea zein alegaziotan oinarritzen den, apelatutako ebazpena zein den, eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander-en duen Gordailuan eta Zainpean jartzeko Kontuan. Kontuaren zenbakia hauxe da: 00493569920005001274 1864000013001114. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Juan Ramon Legarra Sarasola alderdi demandatuaren egungo bizilekua edo egoitza zein den ez dakigunez, Prozedura Zibilaren 1/2000 Legeko 156.4 eta 164. artikuluetan ezarritakoari jarraikiz, erabaki da ediktu hau Bulego Judizialeko iragarki-taulan argitaratzea, jainarazpena gauzatu ahal izateko.

Tolosa (Gipuzkoa), 2014ko uztailaren 1a.

IDAZKARI JUDIZIALA.

Azterketa dokumentala