Euskal Herriko Agintaritzaren Aldizkaria

156. zk., 2014ko abuztuaren 20a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN ETA LURRALDE POLITIKA SAILA

3573

IRAGARKIA, EAEko Garraio Jasangarriaren Plan Zuzentzailea (2020) idazteko informazioaren eta dokumentazioaren prozesamendua eta zerbitzu osagarriak egiteko laguntza teknikorako zerbitzu-kontratua lizitatzeko (027SV/2014 espedientea).

1.– Entitate esleitzailea.

a) Erakundea: Ingurumen eta Lurralde Politika Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 027SV/2014.

2.– Kontratuaren ezaugarriak.

a) Helburua: EAEko Garraio Jasangarriaren Plan Zuzentzailea (2020) idazteko informazioaren eta dokumentazioaren prozesamendua eta zerbitzu osagarriak egiteko laguntza teknikoa.

b) Multzotan zatitzea: ez da multzotan zatitu.

c) Burutzeko lekua: enpresa esleipendunaren egoitza.

d) Burutzeko epea: hogeita hamalau aste.

3.– Izapideak, prozedura eta esleitzeko modua.

a) Izapideak: ohikoak.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: ehun eta hogei mila (120.000) euro gehi hogeita bost mila berrehun (25.200) euro BEZarenak. Beraz, guztira, ehun eta berrogeita bost mila berrehun (145.200) euro.

5.– Behin-behineko bermea: ez dago jarri beharrik.

6.– Agiriak eta argibideak lortzeko:

a) Entitatea: Eusko Jaurlaritza. Ingurumen eta Lurralde Politika Saila.

b) Helbidea: Donostia kalea, 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2014ko irailaren 9a.

f) Kontratu honi buruzko informazio guztia webgune honetan eskura daiteke: www.contratación.info edo www.euskadi.net/contratacion

7.– Kontratistaren betebeharrak:

Sailkapena: ez.

Kaudimenari buruzko eskakizunak eta egiaztatzeko modua:

A) Ekonomia- eta finantza-kaudimena: enpresaren negozioen guztizkoaren gaineko deklarazioa, azken hiru urteetakoa. Urteko negozioen bataz bestekoa, gutxienez, lizitazio-aurrekontuarena izan beharko du, BEZa barne.

B) Kaudimen teknikoa:

a) Azken hiru urteetan egindako zerbitzu nagusien edo lanen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuek garraioaren edota garraio-azpiegituren planifikazioarekin izan behar dute harremana. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Azken hiru urteetan, gutxienez, horrelako lan bat egin dela egiaztatu beharko da.

b) Lan-taldea osatuko duten pertsonen zerrenda eta haien curriculum vitae, haien esperientzia egiaztatuz. Lan-taldean, gutxienez, honako pertsona hauek egon behar dira:

b.1.– Bide, ubide eta portuetako ingenieritza titulua duen pertsona bat, garraioaren edota garraio-azpiegituren planifikazioan eskarmentua izan behar duena. Esperientzia egiaztatzeko, pertsona horrek garraioari edota garraio-azpiegiturei buruzko plan edo estrategia batean parte hartu behar izan du.

b.2.– Enpresa eta Ekonomia Zientzietako lizentziatura duen pertsona bat, garraioaren edota garraio-azpiegituren planifikazioan eskarmentua izan behar duena. Esperientzia egiaztatzeko, pertsona horrek garraioari edota garraio-azpiegiturei buruzko plan edo estrategia batean parte hartu behar izan du.

8.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2014ko irailaren 10a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1.– Elektronikoki lizitatuz gero, honako web orriaren bidez egin daiteke aurkezpena: www.contratacion.info edo www.euskadi.net/contratacion

c.2.– Paperean lizitatuz gero, honako leku honetan:

1) Entitatea: Ingurumen eta Lurralde Politika Saila.

2) Helbidea: eskuan eraman beharko dira Ingurumen eta Lurralde Politika Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean (eta betiere eskaintzak aurkezteko muga-ordua baino lehen) kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira edo eskaintza bidali izanaren jakinarazpenak eskaintzak jasotzeko finkatutako epea amaitutakoan jasotzen badira, ez dira onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 – Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

9.– Esleitzeko irizpideak:

a) Formulak aplikatuz automatikoki balioestekoak diren irizpideak. Ponderazioa, guztira: 70 puntu.

Eskaintza ekonomikoa. Ponderazioa: 70 puntu. Formula: ikus karatularen 30.2.a puntua.

b) Balio-iritzietan oinarrituta aplikatu behar diren irizpideak: ponderazioa, guztira: 30 puntu.

Prozeduraren euskarri teknikoa. Ponderazioa: 30 puntu. Ebaluatu daitezkeen irizpideak: ikus karatularen 30.2.b puntua.

10.– C gutunazala irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 – Vitoria-Gasteiz (Araba).

c) Data: 2014ko irailaren 19a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

11.– Eskaintza ekonomikoen irekiera:

a) Entitatea: Kontratazio Mahaia (Zerbitzu Zuzendaritza).

b) Herria: 01010 – Vitoria-Gasteiz (Araba).

c) Data: 2014ko irailaren 26a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– Bestelako argibideak: ez.

13.– Iragarpen-gastuak: enpresa esleipendunaren kontura.

14.– Iragarkia Europako Batasunaren Aldizkari Ofizialera bidalitako eguna: ez dago horrelakorik.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.net/contratacion

Vitoria-Gasteiz, 2014ko uztailaren 23a.

Zerbitzu zuzendaria,

JOSÉ IGNACIO BAÑUELOS IBÁÑEZ.

Azterketa dokumentala