Euskal Herriko Agintaritzaren Aldizkaria

163. zk., 2014ko abuztuaren 29a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DURANGOKO LEHEN AUZIALDIKO ETA INSTRUKZIOKO 4. ZENBAKIKO EPAITEGIA

3679

EDIKTUA, adostasunik gabeko dibortzioari buruz bideratutako 459/13 prozeduraren ondoriozkoa.

JAKINARAZPEN-ZEDULA

Vera Lucia Hurtiak De Siqueira andrearen aurka, Jesus Maria Alonso Oyarbide jaunak eskaturik, Durangoko (Bizkaia) Lehen Auzialdiko 4 zenbakiko Epaitegian bideratu adostasunik gabeko dibortzioari buruko 459/13 prozeduran epai eman da, zeinaren idazpurua eta epaitza honako hauek baitira:

95/14 EPAIA

Epailea: Leticia Badiola Perez.

Lekua: Durango (Bizkaia).

Eguna: bi mila eta hamalauko uztailaren zortzia.

Alderdi demandatzailea: Jesus Maria Alonso Oyarbide.

Abokatua: Mikel Alonso Soliño.

Prokuradorea: Zigor Capelastegui Cristobal.

Alderdi demandatua: Vera Lucia Hurtiak De Siqueira.

Abokatua.

Prokuradorea.

Judizioaren gaia: ezkontzaren dibortzioa deklaratzea.

EPAITZA

1.– Jesus Maria Alonso Oyarbide eta Vera Lucia Hurtiak De Siqueira ezkontideek osatutako ezkontzako dibortzioa erabakitzen da.

2.– Ez da kosturik ezartzen.

Epaia irmoa delarik, ezkontzako ondasunei dagokienez ezkontzako erregimen ekonomikoa deseginda geratuko da.

Jakinaraz bekie ebazpen hau dagokien erregistro zibilei, erregistro-ondorioetarako.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (4850 0000 33 045913). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez, erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta, nk, idazkari judizial naizenez, guzti horren fede ematen dut, Durangon (Bizkaia), bi mila eta hamalauko uztailaren zortzian.

Eta Vera Lucia Hurtiak De Siqueira demandatuari behar bezalako jakinarazpena egiteko balio dezan, ematen eta sinatzen dut ediktu hau, Durangon (Bizkaia), bi mila eta hamalauko uztailaren zortzian.

IDAZKARIA.

Azterketa dokumentala