Euskal Herriko Agintaritzaren Aldizkaria

167. zk., 2014ko irailaren 4a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

GETXOKO LEHEN AUZIALDIKO ETA INSTRUKZIOKO 3 ZENBAKIKO EPAITEGIA

3747

EDIKTUA, adostasunik gabeko dibortzioari buruz bideratutako 564/12 prozeduraren ondoriozkoa.

Getxoko Lehen Auzialdiko eta Instrukzioko 3 zenbakiko Zuzeneko Laguntza emateko Unitate Prozesala.

Judizioa: adostasunik gabeko dibortzioa. 564/12.

Demandatzailea: Maria Cristina Gutierrez Gutierrez.

Abokatua: Julen Zarraga Allende.

Prokuradorea: Paula Martinez de Pancorbo Sanchez.

Demandatua: Angel Machaca Huallata.

Gaia: dibortzioa.

Judizio horretan, epaia eman da 2013-12-11n. Hona hemen epaitza:

EPAITZA

1.– M.ª Cristina Gutierrez Gutierrezen eta Angel Machaca Huallataren arteko ezkontzaren dibortzioa dekretatzen dut, deklarazio horrek dituen legezko ondorio guztiekin, eta ezkontzako sozietatea berariaz deseginda geratzen da.

2.– Amari aitortzen zaio seme adingabearen zaintza eta jagoletza; guraso-ahala, berriz, guraso biena izango da.

3.– Aitak adingabearekin izango duen komunikazio- eta bisita-araubidea bi gurasoek adostu beharko dute.

Adostasunik ez badago, hirugarrengo oinarri juridikoan ezarritako denboraz eta baldintzetan izan ahalko du aitak seme adingabea bere ondoan, eta askatasunez komunikatu ahalko da harekin ahoz, idatziz zein edozein bitarteko telematiko erabiliz.

4.– Machaca jaunak, jagoletza ez duen guraso den aldetik, hilean dituen diru-sarreren % 20 jarri beharko du mantenu-pentsio gisa, eta, diru-sarrerarik ezin badu egiaztatu, orduan 150 euro jarriko ditu. Gutierrez andreak izendatzen duen bankuko aurrezki-libreta edo kontu korrontean sartu beharko du zenbateko hori, aurreratuta, hileko lehen bost egunen barruan.

Zenbateko hori urtero eguneratuko da urtarrilaren lehenengo egunetik aurrerako ondorioekin, Estatistikako Institutu Nazionalak edo hori ordezkatzen duen erakundeak argitaratutako Kontsumoko Prezioen Indizeen aldaketen arabera. Lehenengo eguneratzea 2013ko urtarrilaren 1ean egingo da).

Ez da kosturik ezartzen.

Jakinaraz bekie ebazpen hau dagokien erregistro zibilei, erregistro-ondorioetarako.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458,2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 4790 0000 00 0564 12. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Alderdi demandatzaileari ez zaio apelazio-errekurtsoa onartuko, baldin eta idatziz adierazten ez badu epemugatutako errentak eta kontratuaren arabera aurretiaz ordaindu beharrekoak ordainduta dituela (PZL, 449.1 artikulua).

Eta, epai honen bidez, erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Getxon (Bizkaia), bi mila eta hamahiruko abenduaren hamaikan.

Angel Machaca Huallata demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Getxo (Bizkaia), 2014ko uztailaren 30a.

IDAZKARI JUDIZIALA.

Azterketa dokumentala