RSS
177. zk., 2014ko irailaren 18a, osteguna
- Bestelako formatuak:
- PDF (178 KB - 2 orri.)
- EPUB (197 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
IRAGARKIAK
Beste iragarki ofizial batzuk
EKONOMIAREN GARAPEN ETA LEHIAKORTASUN SAILA
3898
IRAGARKIA, Gastronomy Hunter, S.L-ri (IFK: B-95738795) Turismoko zuzendariaren 2014ko uztailaren 30eko Ebazpena jakinarazteko dena. Ebazpen horren bidez, 48-OT-F-2014-07 zehapen-espedientea ebazten da.
Gastronomy Hunter, S.L-ri jakinarazpena ohiko moduan egiterik ez dugu izan, hainbat saio egin dugun arren bere azken helbidean –Bertendona kalea, 3-5, 48008 Bilbao (Bizkaia)–. Horregatik argitaratzen da iragarki hau.
Espedientearen deskribapen laburra:
Hautsi den araua:
Martxoaren 16ko 6/1994 Legea, Turismoaren antolaketari buruzkoa, abenduaren 23ko 16/2008 legeak aldatzen duena.
Arau-haustearen deskripzioa:
Arau-hauste arina: 65. artikulua, e) atala.
Arau-hauste larria: 66. artikulua, j) atala.
Jarritako zehapena:
1.321 euro.
Legezko ohartarazpenak:
Ebazpen honek ez dio amaiera ematen administrazio-bideari. Beraz, gora jotzeko errekurtsoa aurkez dakioke Merkataritza eta Turismoko sailburuordeari, hilabeteko epean, ebazpena jakinarazi eta biharamunetik aurrera.
Halaber, jakinarazten da ezen, zehapena ordaintzeko epea hilabetekoa izango dela, iragarki hau argitaratzen denetik aurrera.
Ebazpen honen aurka gora jotzeko errekurtsoa jartzeko dagoen hilabeteko epea orokorrean jarri den aipatu epea baino beranduago amaitzen denean, ordaintzeko eguna errekurtsoa jartzeko epea amaitu eta hurrengo egun baliodunean amaituko da, betiere errekurtsoa aurkezten ez bada; hori guztia, Euskal Autonomia Erkidegoko Ogasunaren Dirubilketa Araudia onartzen duen abuztuaren 31ko 212/1998 Dekretuaren 44. artikuluak 1., 3. eta 4. paragrafoetan dioenaren arabera.
Ordaintzerakoan, izena (Gastronomy Hunter, S.L.), espediente-zenbakia (48-OT-F-2014-07) eta Ekonomiaren Garapen eta Lehiakortasun Sailari dagokiola adierazi beharko da, eta BBVAren (Banco Bilbao Vizcaya Argentaria) kontu honetan egingo da sarrera: 0182/5685/07/0000226271, Euskal Autonomia Erkidegoko Diruzaintza Nagusiaren kontu nagusia.
Hori guztia Bilboko Udaleko ediktu taulan argitaratuz jakinarazten da, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 59.5 artikuluan ezarritakoa betetzeko (urtarrilaren 13ko 4/1999 Legeak aldatua).
Vitoria-Gasteiz, 2014ko irailaren 9a.
Zerbitzu zuzendaria,
IÑAKI ALDEKOGARAI LABAKA.
