Euskal Herriko Agintaritzaren Aldizkaria

186. zk., 2014ko urriaren 1a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Obra, zerbitzu eta horniduren enkanteak eta lehiaketak

INGURUMEN ETA LURRALDE POLITIKA SAILA

4059

IRAGARKIA, Deba eta Ea portuen larrialdietarako barne-plana eta itsas-kutsadura gertaeretarako barne-plana egiteko, eta Hondarribia, Donostia, Orio, Getaria, Zumaia, Mutriku, Ondarroa, Lekeitio, Elantxobe, Mundaka, Bermeo, Armintza eta Plentziakoak gaurkotzeko laguntza teknikorako zerbitzu-kontratua lizitatzeko dena (Espedientea: 029SV/2014).

1.– Entitate esleitzailea.

a) Erakundea: Ingurumen eta Lurralde Politika Saileko Zerbitzu zuzendaria.

b) Espedientea izapidetzen ari den bulegoa: Kontratazio Mahaia (Zerbitzu Zuzendaritza).

c) Espedientearen zenbakia: 029SV/2014.

2.– Kontratuaren ezaugarriak.

a) Helburua: Deba eta Ea portuen larrialdietarako barne-plana eta itsas-kutsadura gertaeretarako barne-plana egiteko, eta Hondarribia, Donostia, Orio, Getaria, Zumaia, Mutriku, Ondarroa, Lekeitio, Elantxobe, Mundaka, Bermeo, Armintza eta Plentziakoak gaurkotzeko laguntza teknikoa.

b) Multzotan zatitzea: ez da multzotan zatitu.

c) Burutzeko lekua: enpresa esleipendunaren egoitzan eta EAEko titulartasuneko portuetan.

d) Burutzeko epea: hirurogei egutegi-egun.

3.– Izapideak, prozedura eta esleitzeko modua.

a) Izapideak: ohikoak.

b) Prozedura: irekia.

c) Esleitzeko modua: hainbat irizpide.

4.– Lizitazioaren oinarrizko aurrekontua: hirurogeita hamabost mila (75.000)euro, gehi hamabost mila, zazpiehun eta berrogeita hamar (15.750)euro BEZarenak. Beraz, guztira, laurogeita hamar mila, zazpiehun eta berrogeita hamar (90.750)euro.

5.– Behin-behineko bermea: ez dago jarri beharrik.

6.– Agiriak eta argibideak lortzeko:

a) Entitatea: Eusko Jaurlaritza. Ingurumen eta Lurralde Politika Saila.

b) Helbidea: Donostia kalea, 1.

c) Herria eta posta-kodea: 01010 Vitoria-Gasteiz.

d) Telefonoa: 945 01 98 26.

e) Agiriak eta argibideak eskuratzeko azken eguna: 2014ko urriaren 15a.

f) Kontratu honi buruzko informazio guztia webgune honetan eskura daiteke: www.contratación.info edo www.euskadi.net/contratacion

7.– Kontratistaren betebeharrak:

Sailkapena: ez.

Kaudimenari buruzko eskakizunak eta egiaztatzeko modua:

A) Ekonomia- eta finantza-kaudimena: kontratuaren jarduerekin bat datozen negozioen guztizkoaren gaineko deklarazioa, azken hiru urteetakoa. Urteko negozioen bataz bestekoa, gutxienez, 75.000 eurokoa izan behar da.

B) Kaudimen teknikoa:

a) Azken bost urteetan egindako larrialdietarako barne-planen eta itsas-kutsadura gertaeretarako barne-planen zerrenda aurkeztu beharko dute enpresek, lan edo zerbitzu horien zenbatekoa, datak eta onuradunak (publikoak nahiz pribatuak) zehaztuko dituena. Zerbitzuak egiaztatzeko organo eskudunak egindako edo bisaturiko ziurtagiriak aurkeztu beharko dira hartzailea sektore publikokoa izan bada; eta pertsona pribatua bada, pertsona horrek egindako ziurtagiria edo enpresaburuaren aitorpena. Azken 5 urteetan, gutxienez, larrialdietarako barne-plan baten edo itsas-kutsadura gertaeretarako barne-plan baten idazketan parte hartu behar izan du.

b) Lan-taldea osatuko duten pertsonen zerrenda eta horien curriculum vitae, bere esperientzia egiaztatuz. Lan-taldean, gutxienez, karatularen 29.4 atalak eskatutako habilitazioa duen pertsona bat egon behar da, azken 5 urteetan larrialdietarako barne-plan baten edo itsas-kutsadura gertaeretarako barne-plan baten idazketan parte hartu duena.

8.– Eskaintzak edo parte hartzeko eskabideak aurkeztea:

a) Agiriak aurkezteko azken eguna: 2014ko urriaren 16a, 12:00ak baino lehen.

b) Aurkeztu beharreko dokumentazioa: administrazio-klausula zehatzen agirian adierazten direnak.

c) Eskabideak aurkezteko lekua:

c.1) Elektronikoki lizitatuz gero, honako web orriaren bidez egin daiteke aurkezpena: www.contratacion.info edo www.euskadi.net/contratacion

c.2) Paperean lizitatuz gero, honako leku honetan:

1) Entitatea: Ingurumen eta Lurralde Politika Saila.

2) Helbidea: eskuan eraman beharko dira Ingurumen eta Lurralde Politika Sailaren Erregistro Nagusira, Vitoria-Gasteizko Donostia kaleko 1era (Eusko Jaurlaritzaren egoitza nagusia), goian aipatutako epean. Postaz ere bidali ahal izango dira, eta eskaintza postan zein egunetan jarri den, egun berean (eta betiere eskaintzak aurkezteko muga-ordua baino lehen) kontratazio organoari telex, telekopia, edo telegrama bidez jakinarazi eta egiaztatu beharko zaio. Eskakizun bi horiek betetzen ez badira edo eskaintza bidali izanaren jakinarazpenak eskaintzak jasotzeko finkatutako epea amaitutakoan jasotzen badira, ez dira onartuko. Nolanahi ere, eskaintza postaz bidali, eta hamar egun naturaleko epean jasotzen ez bada, inolaz ere ez da onartuko.

3) Herria eta posta kodea: 01010 - Vitoria-Gasteiz (Araba).

d) Lizitatzaileak zenbat denbora eutsi behar dion eskaintzari: 2 hilabete, proposamenak irekitzen direnetik aurrera kontatuta.

e) Aldaerak: ez da aldaera edo alternatibarik onartuko.

f) Prozedura mugatua bada, eskaintzak aurkezteko gonbita egin nahi zaien enpresen kopurua edo gutxienezko edo gehienezko kopurua: ez dago horrelakorik.

9.– Esleitzeko irizpideak:

a) Formulak aplikatuz automatikoki balioestekoak diren irizpideak. Haztapena, guztira: 75 puntu.

a.1) Eskaintza ekonomikoa. Haztapena: 70 puntu. Formula: ikus karatularen 30.2.a puntua.

a.2) Epea. Haztapena: 5 puntu. Formula: ikus karatularen 30.2.a) puntua.

b) Balio-iritzietan oinarrituta aplikatu behar diren irizpideak: Haztapena, guztira: 25 puntu.

b.1) Metodologia. Haztapena: 15 puntu. Ebaluatu daitezkeen irizpideak: ikus karatularen 30.2.b puntua.

b.2) Lanaren antolaketa. Haztapena: 10 puntu. Ebaluatu daitezkeen irizpideak: ikus karatularen 30.2.b puntua.

10.– C gutunazalak irekitzeko ekitaldi publikoa:

a) Entitatea: Kontratazio Mahaia (Zerbitzu Zuzendaritza).

b) Herria: 01010 - Vitoria-Gasteiz (Araba).

c) Data: 2014ko urriaren 24a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

11.– B gutunazalak (eskaintza ekonomikoa eta formulen bidez balora daitezkeen irizpideak) jendaurrean irekitzeko ekitaldia:

a) Entitatea: Kontratazio Mahaia (Zerbitzu Zuzendaritza).

b) Herria: 01010 - Vitoria-Gasteiz (Araba).

c) Data: 2014ko azaroaren 7a.

d) Ordua: 11:00.

e) Lekua: Lakua IIko 1. aretoa, Donostia kalea, 1 (Eusko Jaurlaritzaren egoitza nagusia).

12.– Bestelako argibideak: ez.

13.– Iragarpen-gastuak: enpresa esleipendunaren kontura.

14.– Iragarkia Europako Batasunaren Aldizkari Ofizialera bidalitako eguna: ez dago horrelakorik.

15.– Deialdiari buruzko informazioa eta pleguak eskuratzeko atari informatikoa edo webgunea: www.contratacion.info edo www.euskadi.net/contratacion

Vitoria-Gasteiz, 2014ko irailaren 23a.

Zerbitzu zuzendaria,

JOSÉ IGNACIO BAÑUELOS IBÁÑEZ.

Azterketa dokumentala