Euskal Herriko Agintaritzaren Aldizkaria

188. zk., 2014ko urriaren 3a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

4104

EDIKTUA, ezkontzaz kanpoko seme-alabentzako neurrietarako 1083/13 prozeduraren ondoriozkoa.

JAKINARAZPEN-ZEDULA

Aipatu prozeduran, epaia eman da. Hona hemen idazpurua eta xedapenak, hitzez hitz:

423/14 EPAIA

Epailea: Isabel Elexpuru Eguia andrea.

Lekua: Bilbao (Bizkaia).

Eguna: bi mila eta hamalauko irailaren hamabosta.

Alderdi demandatzailea: Edith Akalusi.

Abokatua: Luis Infante Escudero.

Prokuradorea: Jacobo Belmonte Garcia.

Alderdi demandatua: Eric Akalusi.

Parte-hartzailea: Fiskaltza.

Judizioko gaia: seme adingabearekiko neurri ekonomikoak eta pertsonalak hartzea.

EPAITZA

Partez baiesten dut Belmonte Garcia prokuradoreak, Edith Akalusiren izenean eta haren ordez, alaba adingabearentzako neurri pertsonalak eta mantenu-neurriak hartzeko eskatuz aurkeztutako demanda, auzi-ihesean den Erik Akalusi aitaren aurka; eta Fiskaltza parte delarik, XXXXX adingabekoari dagokionez –1998ko abuztuaren 8an jaio zen–, honako neurri pertsonal eta mantenu-neurri hauek hartzen ditut:

1.– XXXXXren zaintza eta jagoletza Edith Akalusi amari ematen zaizkio, eta bai guraso-ahala esklusiboki baliatzea ere.

2.– Erik Akalusik, XXXXX alabarentzako mantenu-pentsio gisa, edozein kontzeptugatik jasotako hileko sarrera garbien % 20a ordainduko du, eta gutxienez 100 euro, betiere. Zenbateko hori hilero ordainduko du, aurreratuta, hileko lehenengo bost egunen barruan, guraso jagoleak horretarako zehazten duen bankuko kontuan. Ezarritako gutxieneko hileko zenbateko hori urtero eguneratu ahal izango da, betiere Estatistikako Institutu Nazionalak argitaratutako KPIk duen aldakuntzarekin bat etorriaz.

3.– Bien alaba XXXXXk izaten dituen ezohiko gastuak bi gurasoek erdibana ordainduko dituzte.

4.– Ez da Erik Akalusiren eta XXXXX alabaren arteko bisita-erregimenik ezartzen, hargatik eragotzi gabe adingabeak eta aitak unean-unean adostu lezaketena.

Ez da kosturik ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banco Santanderren duen Gordailu eta Kontsignazioetarako kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eric Akalusi non dagoen jakiterik ez dagoenez, idazki hau egiten dut jakinarazpen-zedularen balioa izan dezan.

Bilbao (Bizkaia), 2014ko irailaren 15a.

IDAZKARIA.

Azterketa dokumentala