Euskal Herriko Agintaritzaren Aldizkaria

188. zk., 2014ko urriaren 3a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

VITORIA-GASTEIZKO LEHEN AUZIALDIKO 3 ZENBAKIKO EPAITEGIA

4114

EDIKTUA, diru-zenbateko bat erreklamatzeko bideratutako 212/14 hitzezko judizioaren ondoriozkoa.

Vitoria-Gasteizko Lehen Auzialdiko 3 zenbakiko Epaitegia - Zuzeneko Laguntza Zibila emateko Unitate Prozesala.

Judizioa: 212/14 hitzezko judizioa.

Demandatzailea: Acropolis Administracion De Fincas, S.L.

Abokatua.

Prokuradorea: Palacios.

Demandatua: Mercantil Montajes Electricos Ortiz Velasco, S.L. eta Juan Carlos Ortiz Alonso.

Gaia: diru-zenbateko bat erreklamatzea.

Judizio horren gainean 106/14 epaia eman zen, 2014-06-19an. Hau dio epaitzak:

EPAITZA

Erabaki da osorik baiestea Covadonga Palacios García prokuradoreak Acrópolis Administración De Fincas, S.L.ren izenean eta haren ordez Montajes Eléctricos Ortiz Velasco, S.L.ren aurka aurkeztutako demanda. Hori dela eta, Montajes Eléctricos Ortiz Velasco, S.L. kondenatzen dut 4.154,24 euro eta interesak ordaintzera, ebazpen honetako laugarren zuzenbide-oinarriarekin bat etorriz, eta prozesuko kostuak ordaintzera ere bai.

Jakinaraz bekie ebazpen hau alderdiei.

Aurkaratzeko modua: apelazio-errekurtsoa aurkeztuta, Arabako Probintzia Auzitegian (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, epaitegi honek Banco Santanderren duen Gordailu eta Kontsignazio Kontuan (0011 0000 01 0212 14) kontsignatu beharko da zenbateko hori. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Vitoria-Gasteizen, bi mila eta hamalauko ekainaren hemeretzian.

Mercantil Montajes Electricos Ortiz Velasco, S.L. eta Juan Carlos Ortiz Alonso demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibileko 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Vitoria-Gasteiz, 2014ko ekainaren 20a.

IDAZKARI JUDIZIALA.

Azterketa dokumentala