Euskal Herriko Agintaritzaren Aldizkaria

197. zk., 2014ko urriaren 16a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA

4333

EDIKTUA, adostasunik gabeko dibortzioari buruz bideratutako 1100/13 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Familia).

Judizioa: 1100/13, adostasunik gabeko dibortzioa.

Alderdi demandatzailea: J. A. D. C.

Alderdi demandatua: Sandra Patricia Riaño Gomez.

Gaia: dibortzioa.

Aipatutako judizioan, ebazpena eman da. Hona hemen testua, hitzez hitz:

522/14 EPAIA

Epailea: Ana Isabel Viaña Ranilla.

Lekua: Barakaldo (Bizkaia).

Eguna: bi mila eta hamalauko irailaren hamazazpia.

Alderdi demandatzailea: J. A. D. C.

Abokatua: Juan Goyoaga Gortazar.

Prokuradorea: Aitor Suárez Fernández.

Alderdi demandatua: Sandra Patricia Riaño Gomez.

Judizioko gaia: adostasunik gabeko dibortzioa.

EPAITZA

Sandra Patricia Riaño Gómez andrearen aurka, J. A. D. C.k aurkeztutako demanda baiesten dut, eta, dibortzioaren ondorioz, parteen arteko ezkontza-lotura desegiteko agintzen du, xedapen horri dagozkion legezko ondorio guztiekin.

Ebazpen hau irmoa delarik, ezkontza zein erregistro zibilean dagoen erregistraturik harexeri bidal bekio komunikazioa ofizioz, hark orri bazterreko idatzohar egokia egin dezan; eta auzialdi honetan sortutako kostuen gaineko erabaki berariazkorik ez da hartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santander banketxean duen Gordailuan eta Zainpean jartzeko Kontuan. Kontuaren zenbakia hauxe da: ............ Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Barakaldo (Bizkaia), 2014ko irailaren 19a.

IDAZKARI JUDIZIALA.

Azterketa dokumentala