Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

199. zk., 2014ko urriaren 20a, astelehena


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BARAKALDOKO LEHEN AUZIALDIKO 5 ZENBAKIKO EPAITEGIA
4386

EDIKTUA, behin betiko neurriak aldatzeari buruzko 125/14 prozeduraren ondoriozkoa.

JAKINARAZPEN-ZEDULA

Barakaldoko Lehen Auzialdiko 5 zenbakiko Epaitegian (Bizkaia) neurriak aldatzeko 125/14 prozedura jarraitu da Pilar Loredo Sesumagak eskatuta, Jon Ortega Arauzoren aurka. Prozedura horren gainean epaia eman da. Hona hemen idazpurua eta epaitza, kopiatuta:

338/14 EPAIA

Epailea: Ana Isabel Viaña Ranilla.

Lekua: Barakaldo (Bizkaia).

Eguna: bi mila eta hamalauko maiatzaren hamabosta.

Alderdi eskatzailea: Pilar Loredo Sesumaga eta Jon Ortega Arauzo.

Abokatua: Maria Beatriz Aldama Zorrilla.

Prokuradorea: Ramos Peñin, Sonia.

Judizioko gaia: 406/07 zenbakiarekin epaitegi honetan bideratutako ezkontza-prozesuan erabakitako behin betiko neurriak aldatzea.

EPAITZA

1.– 406/07 zenbakiarekin, epaitegi honetan bideratutako aurreko dibortzio-prozesuan erabakitako behin betiko neurriak aldatzea erabaki da, 2013ko apirilaren 15ean bi alderdiek sinatutako hitzarmen arautzailea onartuz. Hona hemen hitzarmenaren hizpaketak:

HIZPAKETAK

Aldez aurrekoa.– Aurreko neurriak direla eta.

Eraginik gabe geratuko dira hitzarmen erregulatzaile hau onartu aurretik onartutako neurriak, hitzartu diren neurri berriekin bat ez datozen alderdiei dagokienez.

Lehenengoa.– Zaintza eta guraso-ahala erabiltzea dela eta.

Seme adingabea amaren zaintza eta jagoletzaren pean geratuko da, baina guraso-ahala bi gurasoena izango da, eta bi gurasoek konpromisoa hartzen dute semeari eragin diezaioketen erabaki garrantzitsuak elkarren adostasunez hartzeko.

Bigarrena.– Bisitak direla eta.

Ahalik eta gehien bultzatuko da seme adingabearen eta bi gurasoen arteko komunikazioa, semearen ikastetxeko, ikasketako eta lo egiteko orduetan nahasmenik eragin gabe.

Jagoletza ez duen gurasoak bisita-araubide zabalagoa izango du, eta honako bisita hauek ezartzen dira gutxienez jagoletza ez duen gurasoaren alde: larunbat eta igande guztiak, 17:00etatik 20:00etara, eta amarekin konpartitzen duen helbidean jaso eta utzi beharko du semea.

Hirugarrena.– Alderdien helbideak direla eta.

Gaur egun, senar-emazte izandakoak badituzte helbide desberdinak, eta seme adingabea amarekin batera bizi da.

Laugarrena.– Pentsioak direla eta.

Aitak, semearentzako mantenu gisa, hilean ehun euro ordaindu beharko dizkio Pilar Loredori; aurreratuta ordainduko ditu, hilabete bakoitzeko lehenengo bost egunen barruan, Pilar Loredok xede horretarako ezarrita duen kontuan. Pentsio hori aitaren egungo egoera ekonomikoa kontuan hartuta finkatu da, hargatik eragotzi gabe kopuru hori berrikusteko aukera, baldin eta aitaren egoera ekonomikoa hobetzen bada. Nolanahi ere, era berean, aitak orain arte mantenu-pentsio gisa zor dituen kopuruak ordaindu beharko ditu; izan ere, ahalik eta azkarren ordaintzen saiatuko da.

Kopuru hori urtero eguneratuko da, Estatistikako Institutu Nazionalak argitaratzen duen KPIren igoera edo jaitsiera kontuan izanda.

Bosgarrena.– Hitzarmen erregulatzailearen eraginkortasuna.

Erabaki hauek erabakitakoa fede onez betetzera behartzen dituzte alderdiak, hitzarmena izenpetzen denetik aurrera.

2.– Ez da kosturik ezarri behar.

3.– Epai honen aurka Fiskaltzak soilik aurkeztu ahal izango du apelazio-errekurtsoa, betiere adingabeko seme-alaben alde egiteko.

Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Eta epai honen bidez erabaki, agindu eta sinatzen dut.

Jon Ortega Arauzo demandatuari behar bezalako jakinarazpena egiteko balio dezan ematen eta sinatzen dut ediktu hau, Barakaldon (Bizkaia), bi mila eta hamalauko irailaren hogeita lauan.

IDAZKARIA.


Azterketa dokumentala