RSS
200. zk., 2014ko urriaren 21a, asteartea
- Bestelako formatuak:
- PDF (202 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
4431
EDIKTUA, ezkontzaz kanpoko seme-alabentzako neurrietarako 515/13 prozeduraren ondoriozkoa.
JAKINARAZPEN-ZEDULA
Bilboko Lehen Auzialdiko 5 zenbakiko Epaitegian (Bizkaia) jarraitutako seme-alabentzako neurrietarako 515/13 prozeduran epaia eman da. Irolisis Reyes Perezek sustatu du prozedura, Nery Felipe Perez Reyesen aurka. Hona hemen epai horren idazpurua eta epaitza:
368/14 EPAIA
Epailea: Francisco Javier Osa Fernández.
Lekua: Bilbao (Bizkaia).
Eguna: bi mila eta hamalauko irailaren hemezortzia.
Alderdi demandatzailea: Irolisis Reyes Perez.
Abokatua: Jose Ramon Arechalde Perez.
Prokuradorea: Ana Carmen Martinez Ruiz.
Alderdi demandatua: Nery Felipe Perez Reyes.
Abokatua.
Prokuradorea.
Judizioaren gaia: seme-alaba adingabeentzako neurriak.
EPAITZA
Partez baiesten dut Irolisis Reyes Perezek Nery Felipe Perez ReyesLuis Felipe Monteiro Solaresen aurka aurkeztu duen demanda. Horiek horrela, seme-alaba adingabeak direla-eta, neurri hauek hartzea erabaki dut:
1.– XXXXX eta XXXXX seme-alaba adingabeen zaintza eta jagoletza amari esleitzen zaizkio, eta adingabeen gaineko guraso-ahalari dagozkion ahalmenak, halaber, amak bakarrik izango ditu.
2.– Aitak eta seme-alabekin komunikatu ahal izango du, eta beraiekin egon, bi gurasoek askatasunez erabakitzen duten moduan.
3.– Aitak 200 euro ordainduko dizkio hilero amari, seme-alaba adingabeen mantenu gisa (100 seme-alaba bakoitzeko). Aurreratuta eta hil bakoitzaren lehenengo bost egunetan ordainduko du zenbateko hori, amak izendatzen duen kontuan dirua sartuz; zenbateko hori urtero eguneratu beharko da Estatistikako Institutu Nazionalak edo hori ordezkatzen duen erakundeak argitaratutako prezioen aldaketen arabera, oinarritzat justu aurreko hamabi hilabeteak hartuz. Ordainketa egin ezean, legezko neurriak hartuko dira.
4.– Seme-alaba adingabeen aparteko gastuak erdibana ordainduko dituzte gurasoek. Aparteko gastutzat hartuko dira aurreikusi gabeko gastuak eta aldizkako sortzapenik ez dutenak, esaterako gaixotasuna, ospitaleratzea, tratamendu bereziak, odontologia, ortodontzia edo optika, edo gizarte-segurantzak edo gurasoak afiliatuta egon litezkeen beste edozein mutuak edo erakundek bere gain hartzen ez dituen farmazia-gastuak, baita irakasle edo tutoreek gomendatutako laguntza- edo errefortzu-eskolak ere.
Beste gurasoari kontsulta egin ezin zaion urgentziazko kasuetan izan ezik, gainerakoetan, guraso bakoitzak besteari jakinarazi beharko dio seme-alaba adingabeek dituzten aparteko premien berri, eta premia horiei erantzun beharra dagoela adierazi; horretarako, kasuan kasuko agiriak helaraziko dizkio batak besteari (gastuaren zenbatekoari buruzko aurrekontua edo informazioa). Hamabost eguneko epean erantzunik ez badago, gastua onartuta dagoela ulertuko da.
Behar bezala jasota geratzeko moduan egingo dira halako jakinarazpenak.
5.– Prozesuko izapide honetan ez da beste neurririk hartuko.
Prozedura hau izapidetzerakoan sortutako prozesu-kostuak ez zaizkio inori ezartzen.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Eta epai honen bidez, erabaki, agindu eta sinatzen dut.
Eta Nery Felipe Perez Reyes demandatuari behar bezala jakinarazteko balio dezan ematen eta sinatzen dut ediktu hau, Bilbon (Bizkaia), bi mila eta hamalauko irailaren hemezortzian.
IDAZKARIA.
