Euskal Herriko Agintaritzaren Aldizkaria

222. zk., 2014ko azaroaren 20a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

4994

EDIKTUA, ezkontzaz kanpoko seme-alabentzako neurrietarako 625/2013 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: ezkontzaz kanpoko seme-alabentzako neurriak (625/2013).

Demandatzailea: Viviana Obando Obando.

Abokatua: Varona Uriarte Heraclio.

Prokuradorea: Carlos Salgado Núñez.

Demandatua: Luis Fernando Angulo Rojas.

Gaia: guraso eta seme-alaben arteko harremanei buruzko neurriak.

Judizio horretan, epaia eman da 2014-03-26an. Hona hemen epaitza:

157/2014 EPAIA

Epailea: Isabel Elexpuru Eguia.

Lekua: Bilbao (Bizkaia).

bi mila eta hamalauko martxoaren hogeita seia.

Alderdi demandatzailea: Viviana Obando Obando.

Abokatua: Heraclio Varona Uriarte.

Prokuradorea: Carlos Salgado Nuñez.

Alderdi demandatua: Luis Fernando Angulo Rojas.

Alderdi parte-hartzailea: Fiskaltza.

Auzigaia: alaba adingabearekiko neurri ekonomikoak eta pertsonalak hartzea.

EPAITZA

Partez baiesten dut Salgado Nuñez prokuradoreak, Viviana Obando Obando-ren izenean eta ordez, alaba adingabearentzako neurri pertsonalak eta mantenu-neurriak hartzeko eskatuz aurkeztutako demanda, auzi-ihesean den Luis Fernando Angulo Rojas aitaren aurka; eta Fiskaltza parte delarik, XXXX adingabekoari dagokionez, honako neurri pertsonal eta mantenu-neurri hauek hartzen ditut:

1.– Adingabeko XXXXXren zaintza eta jagoletza Viviana Obando Obando amari ematen zaizkio, eta guraso-ahala partekatua izango dute bi gurasoek.

2.– XXXXX alabaren mantenu-pentsio gisa, Luis Fernando Angulo Rojas-ek edozein kontzepturengatik jasotzen dituen diru-sarrera garbien ehuneko hogeita bost ordainduko du hilero. Zenbateko hori, gutxienez, ehun eta berrogeita hamar (150) eurokoa izango da hilero. Zenbateko hori hilabete bakoitzeko lehen bost eguen barruan eta jagoletza duen gurasoan izendatutako banku-kontuan ordaindu beharko da; eta zenbateko hori, bestalde, urtero eguneratu beharko da, betiere Estatistikako Institutu Nazionalak edo ordezko erakunde batek argitaratutako KPIk duen aldakuntzarekin bat etorriaz.

3.– Bien alaba komunak sortzen dituen ezohiko gastuak, bi gurasoek erdibana ordainduko dituzte.

4.– Luis Fernando Angulo Rojas-en eta eta bere alaba adingabekoaren arteko ondoko bisita-erregimena ezartzen da –gurasoek adingabeen interesen alde akordio hoberik lortu ezean–:

Asteburuko egun baten, larunbatak eta igandeak txandakatuz, 10:00etatik 20:00etara, betiere adingabekoa amaren etxean hartu eta entregatzekotan.

Ez da kosturik ezartzen.

Aurkaratzeko modua: Bizkaiko Probintzia Auzitegian, aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Luis Fernando Angulo Rojas demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2014ko urriaren 24a.

IDAZKARI JUDIZIALA.

Azterketa dokumentala