RSS
227. zk., 2014ko azaroaren 27a, osteguna
- Bestelako formatuak:
- PDF (178 KB - 2 orri.)
- EPUB (194 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
BILBOKO LEHEN AUZIALDIKO 5 ZENBAKIKO EPAITEGIA
5080
EDIKTUA, adostasunik gabeko dibortzioaren gaineko 73/2014 prozeduraren ondoriozkoa.
JAKINARAZPEN-ZEDULA
Barakaldoko (Bizkaia) Lehen Auzialdiko 5 zenbakiko Epaitegian, Felix Agustin De La Calle jaunaren aurka eta Maria Jose Gonzalez Diaz adreak eskatuta, adostasunik gabeko dibortzioari buruzko 73/2014 prozedura bideratu da, zeinetan epaia eman den; hara hemen idazpurua eta epaitza:
435/2014 EPAIA
Epailea: Vanesa Murillo Villaverde.
Lekua: Bilbao.
Data: 2014ko urriaren 6a.
Demandatzailea: María José González Díaz.
Abokatua: Gemma Escapa García.
Prokuradorea: Pedro María Santín Díaz.
Demandatua: Félix Agustín De La Calle Campos.
Judizioaren gaia: ezkontza desegitea. Dibortzioa.
EPAITZA
Auzi-ihesean den Félix Agustín De La Calle Campos jaunaren aurka, María José González Díaz andrearen izenean eta ordez Pedro María Santín Díaz prokuradoreak aurkeztutako demanda baietsi egiten da, eta gorago aipatutakoek osatutako ezkontza desegiteko agintzen da, legezko ondorio guztiekin, eta familia-etxebizitzaren erabilera senarrari esleitzen zaio –Bilboko Landaburu Baserria kaleko 10. zk., 2.a C.
Eskatutako administrazio-neurriari dagokionez ez da bidezkoa erabakirik hartzea.
Prozedura hau izapidetzerakoan sortutako kostuak ez zaizkio beren-beregi inori ezartzen.
Epai hau irmoa egin ostean, jakinarazi bekio epaia ezkontza inskribaturik dagoen erregistro zibilari; hartarako, egin bedi idaztagiri egokia, orri-bazterrean ohar gisa jartzeko.
Jakinaraz bekie ebazpena alderdiei eta jakinaraz bekie, halaber, bere aurka apelazio errekurtsoa jar daitekeela, Bizkaiko Probintzia Auzitegian (PZLren 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).
Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.
Izenpea,
Eta Felix Agustin De La Calle demandatuari behar bezalako jakinarazpena egiteko balio dezan, ematen eta sinatzen dut hau, Bilbon (Bizkaia), bi mila eta hamalauko azaroaren lauan.
IDAZKARIA.
