Euskal Herriko Agintaritzaren Aldizkaria

227. zk., 2014ko azaroaren 27a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

5082

EDIKTUA, adostasunik gabeko dibortzioaren gaineko 315/2014 prozeduraren ondoriozkoa.

Bilboko Lehen Auzialdiko 6. zenbakiko Epaitegia (Familia).

Judizioa: 315/2014 adostasunik gabeko dibortzioa.

Alderdi demandatzailea: Agustin Isla Campo.

Alderdi demandatua: Ana Isabel Portilla Castillo.

Auzigaia: adostasunik gabeko dibortzioa.

Aipatutako judizioan, ebazpena eman da. Hona hemen testua, hitzez hitz:

544/2014 EPAIA

Epailea: Isabel Elexpuru Eguia.

Lekua: Bilbao (Bizkaia).

Eguna: bi mila eta hamalauko azaroaren hamaika.

Alderdi demandatzailea: Agustin Isla Campo.

Abokatua: Maria Jose Garcia Fariñas.

Prokuradorea: Iker Legorburu Uriarte.

Alderdi demandatua: Ana Isabel Portilla Castillo.

Auzigaia: dibortzioaren bidez ezkontza desegitea.

EPAITZA

1.– Agustin Isla Campo eta Ana Isabel Portilla Castillo jaun-andreen arteko ezkontzaren dibortzioa agintzen dut, deklarazio horrek berekin dakarren legezko ondorio guztiekin.

2.– Jakinaraz bekie ebazpen hau dagokien erregistro zibilei, erregistro-ondorioetarako.

3.– Ez da kosturik ezarri behar.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa aurkeztean egiaztatu egin beharko da diru-kopuru hori zainpean utzi izana (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak, eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judizial naizenak, guzti horren fede ematen dut, Bilbon (Bizkaia), bi mila eta hamalauko azaroaren hamaikan.

Demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea erabaki da, epatzeko eginbidea gauza dadin.

Bilbao (Bizkaia), 2014ko azaroaren 11.

IDAZKARI JUDIZIALA.

Azterketa dokumentala