Egoitza elektronikoa

Kontsulta

Kontsulta erraza

Zerbitzuak


Azken aldizkaria RSS

Euskal Herriko Agintaritzaren Aldizkaria

241. zk., 2014ko abenduaren 18a, osteguna


Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 5 ZENBAKIKO EPAITEGIA
5399

EDIKTUA, adostasunik gabeko dibortzioari buruzko 220/2014 prozeduraren ondoriozkoa.

JAKINARAZPEN-ZEDULA

Barakaldoko (Bizkaia) Lehen Auzialdiko 5 zenbakiko Epaitegian, adostasunik gabeko dibortzioari buruzko 220/2014 prozedura bideratu da, Luis Manuel Guzman Duran-en aurka, Ana Isabel Ezpeleta Perez-ek eskatuta, auzigaia dibortzioa zelarik. Prozedura horretan epai eman da, zeinaren idazpurua eta epaitza honako hauek baitira:

478/2014 EPAIA

Epailea: Francisco Javier Osa Fernandez.

Lekua: Bilbao (Bizkaia).

Eguna: bi mila eta hamalauko urriaren hamabosta.

Alderdi demandatzailea: Ana Isabel Ezpeleta Perez.

Abokatua: Antonio Iñiguez Garcia.

Prokuradorea: Ana Rosa Alvarez Sánchez.

Alderdi demandatua: Luis Manuel Guzman Duran.

Abokatua.

Prokuradorea.

Judizioko gaia: dibortzioa.

EPAITZA

Osorik baiesten dut Ana Isabel Ezpeleta Pérez-ek jarritako demanda, auzi-ihesean den Luis Manuel Guzmán-en aurkakoa. Horrenbestez, aipatutakoek egindako ezkontzaren dibortzioa agintzen dut, legezko ondorio guztiekin. Prozedura hau izapidetzean sortutako kostuak ez zaizkio berariaz inori ezartzen.

Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena, eta aurkaratutako erabakiak zein diren (PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan. Kontuaren zenbakia hauxe da: 4709. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta, Luis Manuel Guzman Duran demandatuari behar bezalako jakinarazpena egiteko balio dezan, eman eta sinatzen dut hau, Bilbon (Bizkaia), bi mila eta hamalauko azaroaren hogeita bostean.

IDAZKARIA.


Azterketa dokumentala