Euskal Herriko Agintaritzaren Aldizkaria

242. zk., 2014ko abenduaren 19a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 8 ZENBAKIKO EPAITEGIA

5425

EDIKTUA, 718/2013 hitzezko judizioaren ondoriozkoa.

Donostiako Lehen Auzialdiko 8 zenbakiko Epaitegia.

Judizioa: 718/2013 hitzezko judizioa.

Alderdi demandatzailea: Francisco Javier Alonso De La Fuente.

Alderdi demandatua: Radio Ortega Nueva Linea, S.L.

Gaia: hitzezko judizioa.

Judizio horretan, ebazpena eman da, eta honela dio hitzez hitz:

184/2014 EPAIA

Epailea: Eva Cerón Ripoll.

Lekua: Donostia.

Eguna: bi mila eta hamalauko azaroaren hogeita zortzia.

Alderdi demandatzailea: Francisco Javier Alonso De La Fuente.

Abokatua: Josu Iñigo Lobato Gauna.

Prokuradorea: Oscar Mejías Abad.

Alderdi demandatua: Radio Ortega Nueva Linea, S.L.

Abokatua.

Prokuradorea.

Judizioko gaia: hitzezko judizioko demanda.

EPAITZA

Auzi-iheslari deklaratutako «Radio Ortega Nueva Línea, S.L.U.»ren aurka, Oscar Mejías Abad prokuradoreak ordezkaturik eta Josu Lobato Gauna letratuak –Aritz Urcela Sánchez letratuak ordeztuak– defendaturik Oscar Mejías Abad-ek aurkeztutako demanda osorik baiesten dut; eta demandatzaileari ondokoak pagatzera kondenatzen dut «Radio Ortega Nueva Línea, S.L.U.»: hiru mila bederatziehun eta hogeita bat euro (3.921), eta egun honetatik zorra guztiz ordaindu arte sortzen diren interes legezkoak.

Alde demandatuari ezartzen dizkiot kostuak.

Aurkaratzeko modua: apelazio-errekurtsoa, Gipuzkoako Probintzia Auzitegian (1/2000 PZL, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta zein diren apelatutako ebazpena eta aurkaratutako erabakiak (1/2000 PZLb, 458.2 artikulua).

Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean utzi beharko da epaitegi honek Banesto taldean (Banco Español de Crédito) duen Gordailuan eta Zainpean uzteko Kontuan. Kontuaren zenbakia hauxe da: 2812 0000 03 0718 13. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatutakoak eta doako laguntza juridikorako eskubidea aitortua dutenak.

Ebazpen honen ziurtagiria egin eta ondoren jarduerei erantsi beharko zaie. Epaitegi honetako Epai Zibilen Liburuan sartu beharko da jatorrizko agiria.

Hala erabaki, agindu eta sinatzen dut.

Argitarapena: epaiari dagokion egunean, jendaurreko entzunaldia egiten ari zelarik, epaia eman zuen magistratuak berak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Donostian, bi mila eta hamalauko azaroaren hogeita zortzian.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Donostia, 2014ko azaroaren 28a.

IDAZKARI JUDIZIALA.

Azterketa dokumentala