RSS
243. zk., 2014ko abenduaren 22a, astelehena
- Bestelako formatuak:
- PDF (201 KB - 2 orri.)
- EPUB (193 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DURANGOKO LEHEN AUZIALDIKO ETA INSTRUKZIOKO 3 ZENBAKIKO EPAITEGIA
5444
EDIKTUA, ezkontzaz kanpoko seme-alabentzako neurrietarako 622/2011 prozeduraren ondoriozkoa.
JAKINARAZPEN-ZEDULA
Durangoko Lehen Auzialdiko 3 zenbakiko Epaitegian (Bizkaia), ezkontzaz kanpoko seme-alabentzako neurriei buruzko 622/2011 prozedura bideratu da, Vera Fastos Patrick-ek eskatuta, Patrick Abrahim Omo-ren aurka. Guraso eta seme-alaben arteko neurriei buruzko prozedura horren gainean, epaia eman da. Hona hemen idazpurua eta epaitza, kopiatuta:
188/2014 EPAIA
Epailea: Cristina Navarro Gil andrea.
Lekua: Durango (Bizkaia).
Eguna: bi mila eta hamalauko azaroaren hogeita zazpia.
Alderdi demandatzailea: Vera Fastos Patrick.
Abokatua: Esther Blasco Santiago.
Prokuradorea: Javier Sanz Velasco.
Alderdi demandatua: Patrick Abrahim Omo.
Abokatua.
Prokuradorea.
Judizioaren gaia: guraso eta seme-alabei buruzko neurriak.
Nik, Cristina Navarro-k, Durangoko Lehen Auzialdiko 3 zenbakiko Epaitegiko epaile naizenak, ikusi ditut 622/2011 zenbakiarekin erregistratutako autoak; parteak honako hauek zirelarik: demandatzaile gisa Vera Fastos Patrick, epaitegietako prokuradorea Sanz jaunak ordezkatua eta Esther Blasco letratuak defendatua; demandatu gisa Patrick Abrahim Omo, auzi-iheslari deklaratua, eta Fiskaltza.
EPAITZA
Baiesten dut Sanz epaitegietako prokuradoreak Vera Fastos Patrick-en izenean eta ordez aurkeztutako demanda, Patrick Abrahim Omo-ren aurkakoa. Hori dela eta, honako neurri hauek hartzea erabakitzen dut:
1.- Adingabeko seme-alaben zaintza eta jagoletza amari esleitzen zaizkio; guraso-ahala, berriz, bi gurasoek izango dute.
2.– Jagoletza ez duen gurasoaren bisita-erregimena bertan behera uztea.
3.- Seme-alaba adingabekoen aldeko mantenu-pentsioa bat finkatzen da, Patrick Abrahim Omo aitaren kargurakoa, seme-alaba bakoitzeko hileko 100 euroa, urtero eguneratuko dena Estatistikako Institutu Nazionalak edo horren ordezko erakundeak argitaratutako KPIren arabera; bestalde, amak izendatzen duen kontuan ordaindu behar du, hilabete bakoitzeko lehen bost egunen barruan.
Aparteko gastuak bi gurasoek ordainduko dituzte, erdibana, betiere aurretik gastu horiek era frogagarrian egiaztatu eta jakinarazi ondoren.
Prozesuko kostuei dagokienez, ez da hartu berariazko erabakirik.
Ebazpen honen lekukotza eraman bedi auto nagusietara, eta utzi jatorrizkoa dagokion liburuan.
Aurkaratzeko modua: Bizkaiko Probintzia Auzitegian aurkeztutako apelazio-errekurtsoaren bidez (PZLb, 455. artikulua). Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den eta apelatutako ebazpena eta aurkaratutako erabakiak zein diren (PZLb, 458.2 artikulua).
Errekurtsoa jarri ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banco Santanderren duen Gordailuan eta Zainpean jartzeko Kontuan (4688 0000 00 062211). Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Eta demandatua den Patrick Abrahim Omo-ri behar bezalako jakinarazpena egiteko balio dezan ematen eta sinatzen dut hau, Durangon (Bizkaia), bi mila eta hamalauko azaroaren hogeita zapian.
IDAZKARIA.
