11. zk., 2015eko urtarrilaren 19a, astelehena
- Bestelako formatuak:
- PDF (200 KB - 2 orri.)
- EPUB (196 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
HEZKUNTZA, HIZKUNTZA POLITIKA ETA KULTURA SAILA
232
AGINDUA, 2014ko abenduaren 15ekoa, Hezkuntza, Hizkuntza Politika eta Kulturako sailburuarena, Zegamako «Tobera» musika-eskola pribatuari (Gipuzkoa) 4. maila edo lehentasunezko jarduerakoa irakasteko baimena emateko dena.
4. maila edo lehentasunezko jarduerakoa irakasteko baimena eskatuz Zegaman (Gipuzkoa) dagoen «Tobera» musika-eskola pribatuaren ordezkariak abiarazi duen espedientea aztertu da.
Espediente hori ezarritako prozeduraren arabera izapidetu da, indarreko arauek eskatzen dituzten agiriak erantsi zaizkio, eta arlo horretan eskumena duten erakundeek horri buruzko txostena eman dute.
Arau hauek ikusi dira: urriaren 27ko 289/1992 Dekretua (1993ko urtarrilaren 4ko EHAA), Euskal Autonomia Erkidegoan musika-irakaskuntza espezifikoa, arautu gabea, ematen duten ikastegiak –musika-eskolak– sortzea eta horien jarduna arautzen duena; eta gai horretan aplikatu beharreko indarreko araudia. Horiek horrela, honako hau
EBAZTEN DUT:
1. artikulua.– 2014-2015 ikasturtetik aurrera 4. maila edo lehentasunezko jarduerakoa irakasteko baimena ematen zaio ondoren zehazten den musika-eskolari:
Kode-zenbakia: 20008404
Izen generikoa: Musika-eskola pribatua
Izen espezifikoa: «Tobera»
Titularra: Asociación Zegamako Musika Eskola
Helbidea: Elizalde kalea, 1
Udalerria: Zegama
Lurralde historikoa: Gipuzkoa
Ikastetxe horretan irakaskuntza hauek emango dira:
● Mailak: 1.a, 2.a, 3.a eta 4.a.
● Adarrak:
– Instrumentu sinfonikoak: klarinetea, saxofoia eta zeharkako txirula.
– Instrumentu polifonikoak: akordeoia, pianoa eta gitarra.
– Instrumentu eta dantza tradizionalak: txistua, trikitia eta panderoa.
2. artikulua.– Indarrean dagoen araudia betetzera beharturik gelditzen da ikastetxea irakasleen titulazio akademikoari dagokionez. Bestela, bidezkoa litzateke emandako baimena baliogabetzea.
AZKEN XEDAPENA
Agindu honen aurka, aukerako berraztertzeko errekurtsoa aurkez dakioke Hezkuntza, Hizkuntza Politika eta Kulturako sailburuari, hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera; bestela, administrazioarekiko auzi-errekurtsoa aurkez daiteke Euskal Autonomia Erkidegoko Auzitegi Nagusian, bi hilabeteko epean, agindua Euskal Herriko Agintaritzaren Aldizkarian argitaratu eta biharamunetik aurrera.
Vitoria-Gasteiz, 2014ko abenduaren 15a.
Hezkuntza, Hizkuntza Politika eta Kulturako sailburua,
CRISTINA URIARTE TOLEDO.