RSS
17. zk., 2015eko urtarrilaren 27a, asteartea
- Bestelako formatuak:
- PDF (219 KB - 2 orri.)
- EPUB (223 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
OSASUN SAILA
388
EBAZPENA, 2015eko urtarrilaren 16koa, Osasun Publikoaren eta Adikzioen zuzendariarena, Zizurkilen (Gipuzkoa), «IMK Itsasmendikoi Fraisoro»k 2014ko abenduaren 2tik 2015eko urtarrilaren 7ra bitartean emandako oinarrizko mailako ikastaroa gainditu duten ikasleei ingurumenerako eta elikagaien industriarako diren tratamendu bioziden aplikatzaile txartela -oinarrizko mailakoa- emateko baimena ematen duena.
Ikusi da Erandioko «IMK Itsasmendikoi Fraisoro» zentroak bidali duen dokumentazioa, 2014ko abenduaren 2tik 2015eko urtarrilaren 7ra bitartean emandako ikastaroen garapenari eta ikasleek ateratako probetxuari buruzkoa. Ikastaroa: oinarrizko mailako ikastaroa, ingurumenerako eta elikagaien industriarako tratamendu bioziden aplikatzaileentzat.
Kontuan hartu da Osasun Publikoaren eta Adikzioen Zuzendaritzak baimena eman ziola «IMK Itsasmendikoi Fraisoro» zentroari oinarrizko mailako ikastaroak emateko (2008ko maiatzaren 7ko Ebazpena). Ebazpen hori, hain zuzen ere, abenduaren 21eko 257/2004 Dekretuaren bigarren xedapen gehigarrian ezarritakoa aplikatzeko eman zen (257/2004 Dekretua, Euskal Autonomia Erkidegoko Establezimendu eta Zerbitzu Bioziden Erregistro Ofiziala sortzen duena). Horiek horrela, hau
EBAZTEN DUT:
Lehenengoa.- Ingurumenerako eta elikagaien industriarako diren tratamendu bioziden aplikatzaile txartela (oinarrizko maila), ebazpen honen eranskin modura doan zerrendako pertsonei emateko agintzea.
Bigarrena.- Ebazpen honen aurka, gora jotzeko errekurtsoa aurkez dakioke Osasuneko sailburuordeari, hilabeteko epean, ebazpena argitaratzen den egunetik hasita.
Vitoria-Gasteiz, 2015eko urtarrilaren 16koa.
Osasun Publikoaren eta Adikzioen zuzendaria,
MARÍA DORRONSORO IRAETA.
