RSS
17. zk., 2015eko urtarrilaren 27a, asteartea
- Bestelako formatuak:
- PDF (227 KB - 2 orri.)
- EPUB (241 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
393
EBAZPENA, 2014ko abenduaren 10ekoa, Universidad del País Vasco / Euskal Herriko Unibertsitateko Graduondoko Ikasketen eta Nazioarteko Harremanen arloko errektoreordearena, «Unibertsitate masterra: Autonomia Pertsonala Areagotzeko Teknologia» tituluko ikasketa planean egindako aldaketak argitaratzeko agindua emateko dena.
Uztailaren 2ko 861/2010 Errege Dekretuaren bidez aldarazitako urriaren 29ko 1393/2007 Errege Dekretuan, 28. artikuluan, zehaztuta dago zein den egiaztatuta dauden ikasketa planak aldatzeko prozedura. Bestalde, Kalitatea Ebaluatu eta Akreditatzeko Estatuko Agentziak (ANECA) komunikazioa igorri du adieraziz onartzen dituela «Unibertsitate masterra: Autonomia Pertsonala Areagotzeko Teknologia» ikasketetako planean egindako aldaketak (ikasketa plan hori Ministroen Kontseiluak 2011ko otsailaren 11n hartutako Erabakiaren bidez ezarri, eta 2011ko martxoaren 16ko Estatuko Buletin Ofizialean argitaratu zen Unibertsitateen Idazkaritza Nagusiak 2011ko otsailaren 25ean emandako Ebazpenari jarraituz). Horrela, bada, horri guztiari jarraikiz, honako hau
EBAZTEN DUT:
Agindua ematea argitara dadin «Unibertsitate masterra: Autonomia Pertsonala Areagotzeko Teknologia» Euskal Herriko Unibertsitateko masterraren ikasketa plana, ebazpen honen eranskinean zehazten den bezala. Oraingo ebazpen honen bidez, beraz, masterraren aurreko ikasketa plana aldatzen da. Hura Euskal Herriko Unibertsitateko errektorearen 2011ko maiatzaren 31ko Ebazpenaren bidez argitaratu zen Estatuko Buletin Ofizialean, 2011ko abuztuaren 25ean, eta Euskal Herriko Agintaritzaren Aldizkarian, 2011ko irailaren 30ean.
Ikasketa planaren aldaketak 2014-2015 ikasturtetik aurrera izango ditu ondorioak.
Leioa, 2014ko abenduaren 10a.
Errektorea,
IÑAKI GOIRIZELAIA.
Eskuordetzeaz (2013ko urtarrilaren 30eko Ebazpena, 2013-02-13ko EHAA).
Graduondoko Ikasketen eta Nazioarteko Harremanen Arloko errektoreordea,
NEKANE BALLUERKA LASA.
