17. zk., 2015eko urtarrilaren 27a, asteartea
- Bestelako formatuak:
- PDF (230 KB - 4 orri.)
- EPUB (281 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
394
EBAZPENA, 2014ko abenduaren 10ekoa, Universidad del País Vasco / Euskal Herriko Unibertsitateko Graduondoko Ikasketen eta Nazioarteko Harremanen arloko errektoreordearena, «Unibertsitate masterra: Eleaniztasuna eta Hezkuntza» tituluko ikasketa planean egindako aldaketak argitaratzeko agindua emateko dena.
Uztailaren 2ko 861/2010 Errege Dekretuaren bidez aldarazitako urriaren 29ko 1393/2007 Errege Dekretuan, 28. artikuluan, zehaztuta dago zein den egiaztatuta dauden ikasketa planak aldatzeko prozedura, eta Kalitatea Ebaluatu eta Akreditatzeko Estatuko Agentziak –ANECA– komunikazioa igorri du adieraziz onartzen dituela «Unibertsitate masterra: Eleaniztasuna eta Hezkuntza» ikasketetako planean egindako aldaketak (Ikasketa plan hori Ministroen Kontseiluak 2012ko otsailaren 24an hartutako Erabakiaren bidez ezarri, eta 2012ko martxoaren 26ko Estatuko Buletin Ofizialean argitaratu zen Unibertsitateen Idazkaritza Nagusiak 2012ko martxoaren 5ean emandako Ebazpenari jarraituz). Horrela, bada, horri guztiari jarraikiz, honako hau
EBAZTEN DUT:
Agindua ematea argitara dadin «Unibertsitate masterra: Eleaniztasuna eta Hezkuntza» Euskal Herriko Unibertsitatea eta Rijksuniversiteit Gronigenko masterraren ikasketa plana, ebazpen honen eranskinean zehazten den bezala. Oraingo ebazpen honen bidez, beraz, masterraren aurreko ikasketa plana aldatzen da. Hura Euskal Herriko Unibertsitateko errektorearen 2013ko irailaren 2ko Ebazpenaren bidez argitaratu zen Estatuko Buletin Ofizialean, 2013ko urriaren 31n, eta Euskal Herriko Agintaritzaren Aldizkarian, 2013ko azaroaren 18an.
Ikasketa planaren aldaketak 2014-2015 ikasturtetik aurrera izango ditu ondorioak.
Leioa, 2014ko abenduaren 10a.
Errektorea,
IŃAKI GOIRIZELAIA.
Eskuordetzeaz (2013ko urtarrilaren 30eko Ebazpena, 2013-02-13ko EHAA)
Graduondoko Ikasketen eta Nazioarteko Harremanen Arloko errektoreordea,
NEKANE BALLUERKA LASA.