RSS
17. zk., 2015eko urtarrilaren 27a, asteartea
- Bestelako formatuak:
- PDF (242 KB - 3 orri.)
- EPUB (262 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
EUSKAL HERRIKO UNIBERTSITATEA
397
EBAZPENA, 2014ko abenduaren 10ekoa, Universidad del País Vasco / Euskal Herriko Unibertsitateko Graduondoko Ikasketen eta Nazioarteko Harremanen arloko errektoreordearena, «Unibertsitate masterra: Kimika Sintetiko eta Industriala» tituluko ikasketa planean egindako aldaketak argitaratzeko agindua emateko dena.
Uztailaren 2ko 861/2010 Errege Dekretuaren bidez aldarazitako urriaren 29ko 1393/2007 Errege Dekretuan, 28. artikuluan, zehaztuta dago prozedura egiaztatuta dauden ikasketa planak aldatzeko, eta Kalitatea Ebaluatu eta Akreditatzeko Estatuko Agentziaren (ANECA) komunikazioa igorri du adieraziz onartzen dituela «Unibertsitate masterra: Kimika Sintetiko eta Industriala» ikasketetako planean egindako aldaketak (Ikasketa plan hori Ministroen Kontseiluak 2011ko otsailaren 11n hartutako Akordioaren bidez ezarri, eta 2011ko martxoaren 16ko Estatuko Buletin Ofizialean argitaratu zen, Unibertsitateen Idazkaritza Nagusiak 2011ko otsailaren 25ean emandako Erabakiari jarraituz). Horrela, bada, horri guztiari jarraiki, ondokoa.
EBAZTEN DUT:
Agindua ematea argitara dadin «Unibertsitate masterra: Kimika Sintetiko eta Industriala» Euskal Herriko Unibertsitatea, Nafarroako Unibertsitate Publikoa, eta Valladolideko Unibertsitateko masterraren ikasketa plana, erabaki honen eranskinean zehazten den bezala. Oraingo ebazpen honen bidez, beraz, masterraren aurreko ikasketa plana aldatzen da. Hura Euskal Herriko Unibertsitateko errektorearen 2011ko maiatzaren 31ko Ebazpenaren bidez argitaratu zen Estatuko Buletin Ofizialean 2011ko abuztuaren 24an, eta Euskal Herriko Agintaritzaren Aldizkarian 2011ko irailaren 30ean, (zuzenketak argitaratu ziren ondoren, 2012ko otsailaren 8ko Estatuko Buletin Ofizialean eta 2012ko otsailaren 8ko Euskal Herriko Agintaritzaren Aldizkarian).
Ikasketa planaren aldaketa 2014-2015 ikasturtetik aurrera hasiko da ondorioak sortzen.
Leioa, 2014ko abenduaren 10a.
Errektorea,
IÑAKI GOIRIZELAIA.
Eskuordetzeaz (2013ko urtarrilaren 30eko ebazpena, 2013.02.13ko EHAA).
Graduondoko Ikasketen eta Nazioarteko Harreman Arloko Errektoreordea,
NEKANE BALLUERKA LASA.
