Euskal Herriko Agintaritzaren Aldizkaria

18. zk., 2015eko urtarrilaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

BILBOKO LEHEN AUZIALDIKO 6 ZENBAKIKO EPAITEGIA

416

EDIKTUA, ezkontzaz kanpoko seme-alabentzat adostasunez hartutako neurriei buruzko 427/2010 prozeduraren ondoriozkoa.

Bilboko Lehen Auzialdiko 6 zenbakiko Epaitegia (Familia).

Judizioa: ezkontzaz kanpoko seme-alabentzat adostasunez hartutako neurriak (427/2014).

Alderdi demandatzailea: Lady Vanessa Muñoz Ocampo.

Alderdi demandatua: Jose Daniel Correa Giraldo.

Gaia: epaia.

Aipatutako judizioan, ebazpena eman da; hona hemen testua hitzez hitz:

537/2014 EPAIA

Epailea: Vanesa Murillo Villaverde.

Lekua: Bilbao (Bizkaia).

Eguna: bi mila eta hamalauko azaroaren seia.

Eskatzailea Lady Vanessa Muñoz Ocampo eta Jose Daniel Correa Giraldo.

Abokatua: Jose Ignacio Casado Arroyo.

Prokuradorea: Begoña Martin Gutierrez.

Judizioko gaia: guraso eta seme-alaba adingabeen arteko adostasunezko neurriak.

EPAITZA

Jose Daniel Correa Giraldo-ren adostasunarekin, Lady Vanessa Muñoz Ocampo-ren ordez Martin Gutierrez prokuradoreak aurkeztutako demanda baietsi egiten da, eta honako hitzarmen-arautzailea onartu egiten da: 2014ko maiatzaren 19an parteek proposatutako, eta, halaber, 2014-06-27ko idazkia, Kode Zibileko 90. artikuluko edukia minimoa gainditzen ez duen heinean; izan ere, 2014ko ekinaren 27ko idazkia aipatu hitzarmenaren parte dela ulertu behar baita; idazki horretan zera adierazten da: Lady Vanesa Muñoz Ocampo-k bere gain hartuko dituela adingabekoak sor ditzakeen aparteko gastuak.

Ez da kosturik ezartzen.

Fiskaltzak soilik aurkez dezake apelazio-errekurtsoa epai honen kontra, seme-alaba adingabekoen alde egiteko.

Errekurtsoa egiteko, idazkia aurkeztu behar da epaitegi honetan, hogei egun balioduneko epean, jakinarazpena egin eta biharamunetik aurrera. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, apelatutako ebazpena eta zein erabaki aurkaratzen diren (PZLb, 458.2 artikulua).

Eta epai honen bidez erabaki, agindu eta sinatzen dut.

Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, horren guztiaren fede ematen dut, Bilbon (Bizkaia), bi mila eta hamalauko azaroaren seian.

Jose Daniel Correa Giraldo demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, ediktu hau epaitegi honetako iragarki-oholean eta Euskal Herriko Agintaritzaren Aldizkarian argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2015eko urtarrilaren 14a.

IDAZKARI JUDIZIALA.

Azterketa dokumentala