Euskal Herriko Agintaritzaren Aldizkaria

18. zk., 2015eko urtarrilaren 28a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

IRAGARKIAK

Beste iragarki ofizial batzuk

EKONOMIAREN GARAPEN ETA LEHIAKORTASUN SAILA

424

IRAGARKIA, Ikena 2001, S.Lri Energia, Meategi eta Industria Administrazio zuzendariaren 2014ko abenduaren 5eko Ebazpena jakinarazteko dena. Ebazpen horren bidez, SEG/0027/2014 zehapen-espedientea ebazten da.

Ikena 2001, S.Lri jakinarazpena ohiko moduan egiterik ez dugu izan, hainbat saio egin dugun arren bere azken helbidean –Arana kalea, 5 behea, 20240 Ordizia (Gipuzkoa)–. Horregatik argitaratzen da iragarki hau.

Espedientearen deskribapen laburra:

Hautsi den araua: azaroaren 12ko 8/2004 Legea, Industriakoa.

Arau-haustearen deskripzioa: arau-hauste larria: 31 artikulua a) atala.

Jarritako zehapena: 6.000 euro.

Legezko ohartarazpenak:

Ebazpen honek ez dio amaiera ematen administrazio-bideari. Beraz, gora jotzeko errekurtsoa aurkez dakioke Industriako sailburuordeari, hilabeteko epean, ebazpena jakinarazi eta biharamunetik aurrera.

Halaber, jakinarazten da ezen zehapena ordaintzeko epea hilabetekoa izango dela, iragarki hau argitaratzen denetik aurrera.

Ebazpen honen aurka, gora jotzeko errekurtsoa jartzeko dagoen hilabeteko epea, orokorrean jarri den aipatu epea baino beranduago amaitzen denean, ordaintzeko eguna errekurtsoa jartzeko epea amaitu eta hurrengo egun baliodunean amaituko da, betiere errekurtsoa aurkezten ez bada; hori guztia, Euskal Autonomia Erkidegoko Ogasunaren Dirubilketa Araudia onartzen duen abuztuaren 31ko 212/1998 Dekretuaren 44. artikuluak 1., 3. eta 4. paragrafoetan dioenaren arabera.

Ordaintzerakoan, izena (Ikena 2001, S.L.), espediente-zenbakia (SEG/0027/2014), eta Ekonomiaren Garapen eta Lehiakortasun Sailari dagokiola adierazi beharko da, eta BBVAren (Banco Bilbao Vizcaya Argentaria) kontu honetan egingo da sarrera: 0182/5685/07/0000226271, zehazki, Euskal Autonomia Erkidegoko Diruzaintza Nagusiaren kontu zentrala.

Hori guztia Euskal Herriko Agintaritzaren Aldizkarian argitaratuz jakinarazten da, azaroaren 26ko 30/1992 Legearen 59.5 artikuluan ezarritakoa betetzeko (lege horrek Herri Administrazioen Araubide Juridikoaren eta Administrazio Prozedura Erkidearen urtarrilaren 13ko 4/1999 Legea aldatu zuen).

Vitoria-Gasteiz, 2015eko urtarrilaren 14a.

Zerbitzu zuzendaria,

IÑAKI ALDEKOGARAI LABAKA.

Azterketa dokumentala