Guztira 971.288 euro banatuko ditu  Eusko Jaurlaritzak.

2007an egindako bi deialdien haritik, Eusko Jaurlaritzako Kultura Sailak ebatzi berri ditu eta, ondorioz, jakinarazi euskarazko film luzeen eta dokumentalei zuzenduriko diru-laguntzak (EHAA, 2008ko maiatzaren 6ko zenbakian).

Goian aipatutako orotariko kopuru horretatik 12 film luzeren merkataritza-estreinaldiek 524.000 euro jasoko dute (Donkey Xote; Nocturna; Piccolo eta Saxo; The ugly duckling and me; Azur eta Asmar; El coronel Maciá; La buena nueva; Doraemon y el pequeño dinosaurio; Bonkers (Kneter); Lepel; The Robber Hotzenplotz; eta Franklin y el tesoro del lago). DVD formatuan jarriko diren 8 ikus-entzunezkoek, berriz, 153.900 euro jasoko dute (Piccolo y saxo; Gernika el bombardeo; Lucio; La buena nueva; Shin Chan y la ambición de Karakaka; Doraemon y los caballeros enmascarados; Doraemon y el pequeño dinosaurio eta Shin Chan. Los adultos contraatacan). Fikziozko eta animazioko film luzeen eta sortze-dokumentalen publizitate eta sustapenari dagokionez, bestalde, 8 proiektu lagunduko da 293.388 eurorekin (La buena voz; Skizo; Betizu eta Xangaduko misterioa; Bulling, rompiendo el silencio; Cristóbal Molón; La zona; El síndrome de Svensson eta La sombra de nadie).