Euskal Herriko Agintaritzaren Aldizkaria

157. zk., 2014ko abuztuaren 21a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

AGINTARIAK ETA LANGILERIA

Oposaketak eta lehiaketak

HEZKUNTZA, HIZKUNTZA POLITIKA ETA KULTURA SAILA

3583

EBAZPENA, 2014ko uztailaren 23koa, Hezkuntza, Hizkuntza Politika eta Kultura Saileko Langileriaren Kudeaketako zuzendariarena, zeinaren bidez aldatzen baitira Hezkuntza, Unibertsitate eta Ikerketa Sailaren Langileriaren Kudeaketako zuzendariaren 2012ko abuztuaren 2ko Ebazpena, eta zuzendari beraren 2012ko abuztuaren 6ko Ebazpena, Rubén Arrospide Baena jaunak jarritako 612/2013 administrazioarekiko auzi-errekurtsoan Euskal Autonomia Erkidegoko Auzitegi Nagusiko Administrazioarekiko Auzietako Salak 2014ko uztailaren 3an emandako Epaia betez.

Euskal Autonomia Erkidegoko Justizia Auzitegi Nagusiko Administrazioarekiko Auzietako Salak, 2014ko uztailaren 3ko Epaiaren bidez, partzialki aintzat hartu du Rubén Arrospide Baena jaunak jarri duen 612/2013 administrazioarekiko auzi-errekurtsoa. Epaiak adierazten du aurkaratutako ebazpena partzialki baliogabetu behar dela; era berean, epaiak ziurtatzen du errekurtso-egileak eskubidea duela baremoaren merituetan II.1 atala (alegatutako tituluko espediente akademikoa) puntu batekin baloratzeko, azken kalifikazioaren eta dagokion zerrendetan izango duen hurrenkeraren ondorioetarako.

Hezkuntza, Hizkuntza Politika eta Kulturako sailburuaren 2014ko uztailaren 17ko Aginduaren bidez, aipatutako epaia bere horretan bete behar dela erabakitzen da.

Alegatutako tituluaren espediente akademikoa baloratu ondoren, Rubén Arrospide Baena jaunari puntu bat dagokio lehiaketa-aldiko II.1 atalean, eta 4,5000 guztizko puntuazioa aipatutako aldian. Puntuazio horri oposizio-aldian lortu duena, 6,0775 puntukoa, gehituta, eta dagokion ponderazioa egin ondoren, aipatutako hautaketa-prozesuan Rubén Arrospide Baena jaunaren guztizko puntuazioa 5,5517koa da.

Horren ondorioz, irakasleen kidegoetara sartzeko Hezkuntza, Unibertsitate eta Ikerketako sailburuaren 2012ko otsailaren 10eko Aginduaren bidez deitutako hautaketa-prozedurak gainditu zituzten izangaien zerrendan sartu behar da izangai hori, Euskal Autonomia Erkidegoko Bigarren Hezkuntzako kidegoko Ostalaritza eta Turismoko espezialitatean, txanda librean.

Horregatik, aipatutako 2014ko uztailaren 3ko Epaian xedatutakoa betez, honako hau

EBAZTEN DUT:

Lehenengoa.– Aldatzea Hezkuntza, Unibertsitate eta Ikerketa Sailaren Langileriaren Kudeaketako zuzendariaren 2012ko abuztuaren 2ko Ebazpena, zuzendari beraren 2012ko uztailaren 23ko Ebazpena aldatu eta akatsak zuzendu zituena. Azken ebazpen horren bidez, argitara eman ziren Hezkuntza, Unibertsitate eta Ikerketa sailburuaren 2012ko otsailaren 10eko Aginduaren bidez deitutako hautaketa-prozeduraren lehiaketa-aldian izangaiek lortutako behin betiko puntuazioak, Langileriaren Kudeaketarako Zuzendaritzaren Unitateek baloratutako merituak barematu ostean, eta argitara eman ziren, halaber, aldi horretako puntuazio totalak. Horiek horrela, Rubén Arrospide Baena jaunak puntu bat izango du II.1 atalean, alegatutako tituluko espediente akademikoa aintzat hartu eta baloratu izanaren ondorioz, eta 4,5000 guztizko puntuazioa aipatutako aldian.

Bigarrena.– Aldatzea Langileriaren Kudeaketako zuzendariaren 2012ko abuztuaren 6ko Ebazpena, Hezkuntza, Unibertsitate eta Ikerketako sailburuaren 2012ko otsailaren 10eko Aginduaren bidez deitutako hautaketa-prozeduran hautatutako izangaien behin betiko zerrendak argitara eman zituena. Aldaketa horren ondorioz, Rubén Arrospide Baena jauna Bigarren Hezkuntzako kidegoan hautatutako izangai gisa sartzen da, Ostalaritza eta Turismoko espezialitatean, txanda librean, 1. hizkuntza-eskakizunarekin eta 5,5517 punturekin (puntuazio hori lortu da oposizio- eta lehiaketa-aldian lortutako puntuazioei dagokien ponderazioa egin ondoren).

Hirugarrena.– Hogei egun naturaleko epe bat irekitzea, ebazpen hau Euskal Herriko Agintaritzaren Aldizkarian argitara eman eta hurrengo egunetik hasita, hautatutako izangaiak aurkez ditzan Hezkuntza, Unibertsitate eta Ikerketako sailburuaren 2012ko otsailaren 10eko Aginduaren 11.1 oinarrian zerrendatutako agiriak, Hezkuntzako edozein lurralde-ordezkaritzatan.

Adierazitako dokumentazioa aurkezteko ezarritako epean, eta ezinbesteko kasuetan izan ezik, agiririk aurkezten ez badu edo agirien azterketatik aipatutako aginduaren bigarren oinarrian adierazitako baldintzetarikoren baten jabe ez dela ondorioztatzen bada, karrerako funtzionario izendatua izateko eskubide guztiak galduko ditu, hasierako eskabidean faltsukeria egin izanagatik merezi dezaken erantzukizunaren kaltetan izan gabe.

Laugarrena.– Hezkuntza, Hizkuntza Politika eta Kultura Sailak praktiketako funtzionario izendatuko du Rubén Arrospide Baena jauna.

Lehiatzaile horrek esleitutako destinoan egin beharko ditu praktikak eta, agertzen ez bada, aukeratze-prozedurari uko egiten diola interpretatuko da.

Behar bezala justifikatutako arrazoiak, Langileriaren Kudeaketako Zuzendaritzak kontuan hartu dituenak, direla-eta praktika-fasera ikasturte bat beranduago sartu behar duen izangaiak idatziz eskatu beharko du, hogei egun naturaleko epean, ebazpen hau argitara eman eta hurrengo egunetik hasita. Eskaerarekin batera, ziurtagiriak ere aurkeztu beharko ditu.

Bosgarrena.– Euskal Autonomia Erkidegoko Justizia Auzitegi Nagusiko Administrazioarekiko Auzietako Salak du epaia gauzatzeko tramiteetan gerta daitekeen edozein gai ebazteko eskuduntza, Administrazioarekiko Auzien Jurisdikzioa arautzen duen uztailaren 13ko 29/1998 Legearen 103.1 eta 109. artikuluetan xedatutakoaren arabera.

Vitoria-Gasteiz, 2014ko uztailaren 23a.

Langileriaren Kudeaketako zuzendaria,

KONRADO MUGERTZA URKIDI.

Azterketa dokumentala