RSS
199. zk., 2014ko urriaren 20a, astelehena
- Bestelako formatuak:
- PDF (185 KB - 1 orri.)
- EPUB (192 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
DONOSTIA-SAN SEBASTIÁNGO LEHEN AUZIALDIKO 8 ZENBAKIKO EPAITEGIA
4396
EDIKTUA, ezkontzaz kanpoko seme-alabentzako neurrietarako 24/12 prozeduraren ondoriozkoa.
Donostiako Lehen Auzialdiko 8 zenbakiko Epaitegia.
Judizioa: ezkontzaz kanpoko seme-alabentzako neurriak (24/12).
Alderdi demandatzailea: Renato Amaro Burity.
Alderdi demandatua: Andrea Dos Santos.
Gaia: ezkontzaz kanpoko seme-alabentzako neurriak.
Judizio horretan, ebazpena eman da, eta honela dio hitzez hitz:
ORDENAZIOKO EGINBIDEA
Idazkari judiziala: Cristina Altolaguirre Zuazola.
Lekua: Donostia.
Eguna: bi mila eta hamalauko ekainaren bederatzia.
Erantsi bekie Orientazio Juridikoko Zerbitzuaren aurreko ofizioa dagozkion autoei, eta bidal bekie haren kopia alderdi demandatzaileari eta Ministerio Fiskalari.
Abokatuen Elkargoak artxibatu du Andrea Dos Santos andreak doako laguntza juridikoa jasotzeko egin duen eskaera, eta, horren ondorioz, prozesu honen etendura bukatutzat ematen da. Prozesua eteteko erabakia bere garaian hartu zen, eskaera hura ebazten zen bitartean.
Jakinarazi bekio alderdi horri 20 eguneko epea geratzen zaiola demandari erantzuteko, eta jakinarazi, halaber, ezen, epe barruan agertzen ez bada, auzi-ihesean deklaratua izango dela.
Epaileari ezagutarazten diot ebazpen hau.
Aurkaratzeko modua: idazkari judizialari berraztertze-errekurtsoa aurkeztuta. Jakinarazpena egin eta hurrengo egunetik aurrera bost egun balioduneko epean aurkeztu beharko da idazkia bulego judizialean, eta, han, errekurtsogilearen ustez zein arau-hauste egin den adieraziko da; eskakizun horiek bete ezean, aurkaratzea ez da onartuko (PZLb, 451. eta 452. artikuluak).
Errekurtsoa aurkezteak ez du ekarriko ebazpen errekurritua eteterik (PZLb, 451.3 artikulua).
Hala erabaki eta sinatzen dut.
Ezinezkoa izan da jakinarazpena egitea demandatuak epatzeko momentuan emandako helbidean. Hori dela eta, ediktu hau argitara ematen da epaitegi honetako iragarki-taulan eta EHAAn, jakinarazpen-eginbidea gauzatzeko.
Donostia, 2014ko irailaren 30a.
IDAZKARI JUDIZIALA.
